《Spiderman 3》...隨想

萬眾期待 草蜢
作曲：蔡一傑／王雙駿 填詞：周耀輝 編曲／監製：王雙駿

快插上四百支羽毛　誰就到 帶我跳最放的歌舞 
快戴上眼罩披獸袍　誰話到就到 帶你去最爆的鐘數
天都知道天黑有寶 星都徇眾璀璨閃到 趕得到　今晚最好
將千色燈再開動 等得多更轟動 時代有你有我繼續有 SHOW
將一身一再打造 想得多更心動 期待鬥美鬥艷　叫萬眾都發功
快貼上八百卡鑽石　誰就到 與我跳四拍森巴舞
 快染過眼線披蟒蛇　誰話到就到 要嗌到更爆的宣佈
------------------------------------------------------
出啦出啦..第三集~~~~

睇見呢張相..再睇埋個website...第一時間就諗到呢隻歌(in fact同部戲完全無關係...)

07上埋第三集就bye bye...期待期待...雖然我唔鐘意睇西片

本人係勁少睇漫畫改編電影...十居其九都係外星人/怪獸侵略地球....跟住就有個人無啦啦得到啲特殊力量做咗人民英雄..成功伸張正義...一句說穿就係英雄/霸權主義作怪...(基本上好多咩咩怪傑物物奇俠睇poster已被佢地啲英雄feel嚇到卻步...)

蛛蛛俠(嘻~)同蝙蝠俠係例外...兩個series都集集追...次次無記有線重播我又睇一餐...哈...呢兩個人物特別在佢地有弱點...難得電影版放大佢地英雄一面外都有篇幅講佢地啲死穴...英雄唔係野野都英晒...其實都係一個有血有肉嘅human...可能就係你或我身邊是但一個咁...

編劇可以係劇本度發揮霸權主義...大國就用經濟呢發揮霸權本色...弱者呢?反抗囉...說實在...我毫不欣賞大韓民族...唯獨是他地的團結實在值得我們中國人學習...前陣子有農民抗議WTO...近期就係韓國電影界反政府撤銷本地電影上映日數quota(忘了名字...)...這次韓國政府開放本地市場....將本地電影上映日數大幅度減低一半(雖然政府有撥款資助本地電影)...引起一班電影工作者上街抗議...當中有唔識嘅亦有大明星...雖然有線同時訪問普羅大眾明顯佢地唔知發生咩事....而參加上街抗議嘅又有啲掛住睇明星其實唔知發生咩事...不過...佢地確實係好 proactive咁voice out喎....

而我們...好似都未有咩方法重振港片雄風...一味係度你一句我一句...方案...umum...

05年我入場看的本地電影...應該只有千FA嘅《千杯不醉》和《頭文字D》(對不起...雖然我說過要多謝知遇之恩要看《如果愛》的...最後還是不了了之)...雖然...其實我唔鐘意睇西片
**************************************
期待之後的觀後感：
期望與失望之間@《Spiderman 3》 4/5/07
瘋狂煲戲日

另一篇：一人有一點顏色

11/03/17後按：十年人事幾翻新之…人腳都翻了幾翻…一啲都唔amazing的版本唔收得後，又有新版本上場了…
Amazing喺邊呢…《The Amazing Spider-Man 2》