2007/04/19

想回到過去…試著讓故事繼續…

今朝理髮(好勁的形容﹗)時看了五分鐘新劇《プロポーズ大作戦》(《求婚大作戰》,山p呢~),最近好恨睇的電影《バブルへGO!!~タイムマシンはドラム式》(《超時空泡泡女》),不約而同講回到過去,弄得我邊看邊想著周董的舊歌:回到過去~~~~…

話說,本人不時幻想若可回到過去就好的想法,這類奇想式故事正合本人胃口,又可以給本人奇想一番…

回到幼稚園
話實幼稚園年代係本人僅有的獨女時代,入學不久小弟就出世了,從此就多了舊蕃薯和本人爭玩具爭睇電視。若回得到過去當然要有風使盡利盡情享受獨女優勢撒爸媽的嬌…不過當年仍是一件蕃薯的本人…究竟有無扭過媽媽買玩具呢…忘了…

幼稚園的學校生活…應該好嘆既…但實在唔太記得…只記得高班時由老師帶鴨仔般搭地鐵去尖沙咀太空館,入車廂時差錯腳落車門和月台的空隙﹗話說當老師拖住本人的手行行行,行行吓突然間差錯腳…「抽」番本人上來之後老師嚇到一額汗…同學仔就笑到面青,呢單嘢,俾人笑到小學(好些幼稚園同學後來升上同一所小學)…

回到小學
高小就唔好啦,四、五、六年班就是不停做學能測驗練習,本人的小學雖然不是名校,但功課量都好誇吓,本人當年的書包亦好重吓,背上一個大石手中還執著個功課袋,諗起都怕怕。

回到初小年代好似好啲,話晒沒太多功課考試壓力,返學跳跳飛機玩吓橡根繩(這是女生必備絕技﹗)唔覺唔覺就一日。好似幾好?﹗不過就係那幾年返學太hea,讀書成績其實好一般,之所以高小才會轉校到上段所述的小學…

回到中學
要回只回到初中就好了,吾校方溫至方飛的生活真的幾快樂,每天上上課吃吃飯就一日,煩惱,可能只係分班/分組時不能和友好在一起而已。若真能回去,首要當然係努力讀書啦,其實母校的老師很用心教書,只係自己掛住吃喝玩樂煲雜誌睇電視聽歌迷偶像,十成知識頂多吸咗六、七成,這是一個遺憾呢…

方科以上的生活就多謝夾盛惠,說實在快樂學校生活到方飛為止已死。會考還好,起碼母校的老師用心教,亦教得其所,其實讀得幾舒服。預科兩年實在是惡夢,終日恐懼自己會墊高考的屍底,人生第一次自發地獄式溫書…哎…諗起都驚…

如果而家的本人再去備戰公開考試…究竟仲保唔保得住當年既成績呢?好危…

回到大學
實在本人幾喜歡自家本科,就算再揀都唔會發轉去隧大的春秋大夢的了。只係會嘗試分配吓啲時間,話實當年太瞓身做project,放棄了份覺得頗有趣又幾好pay的兼職,除了大一時的無聊補習和暑假的短期summer job,三年來真係無咩打工經驗。講起大學,咪就係project和吃喝囉﹗

回想起來,讀書年代也不是一面倒的舒服和嘆,現在打份牛工辛苦之餘也頗有趣。也不是一定過去才好既…

另一篇:【小熊人擂台賽】6: 如果讓我從頭來過
**********************************************
超有興趣睇的電影

回到的年代不遠,只係十幾年前的90年代,一個自己都有份的年代,其實都唔係好遠啫?但睇番當年的人和事又不禁打個突…點解當年啲衫咁核突…當年 啲家電全部起角既?(西德設計?﹗),熱愛新舊對照的本人,當年睇周海湄的《回到未嫁時》都睇得津津有味(不過故事和這套戲除了回到過去外係完全無關係的說),這套戲更不能放過啦﹗呵呵
****************************************************
暫時只睇了五分鐘的日劇:

一睇故事大綱就讓我想起周海湄《回到未嫁時》和堂本剛舊作《回到少年時》的劇,今季頭號鎖定必追之作。真係睇了好少好少的關係劇情還未入肉,只見主角們又係三男兩女,主角山下智久的朋友…又有平岡祐太…又係一個唔靚仔專負責攪gag的(忘了他的名…)…又鐘意圍埋一齊煲煙(死啦…又擊中本人死穴…逢電視上食煙的美男…加分…)…

處處都讓我想起前兩季死得好慘的《唯愛》…噢噢… 

求婚大作戰劇集資料 
[日劇]又講:《求婚大作戰》
[日劇]過去,現在,將來@《求婚大作戰》
[日劇]生日禮物:《求婚大作戰》最終回
[日劇]《求婚大作戰》SP+本周絮語  (好在還不算太流fei的特別篇)
2007 年度煲劇回顧

38 則留言:

  1. 超時空泡泡女很正的說,實在太爆笑了

    真的很奇怪耶,那個時候流行的髮型現在看不慣...

    為何理髮時可看到五分鐘新劇?電視台播?

    19th Apr 2007 14:29 PM

    回覆刪除
    回覆
    1. 睇番九十年代啲大波浪真係好驚…驚嘆點解啲咁既頭都有人整?﹗哈
      係早上吹頭時睇了少少…XDDDDD…我稱之為「理髮」…係啲旁門左道方式睇架啦…日劇本地電視台無一年半截都唔會有得播…

      19th Apr 2007 15:07 PM

      刪除
  2. 泡泡女我笑到癲左呀....我仲想講阿部寬個髮型好似抄小泉純一郎咁, 好唔襯佢呀唔該!!

    我中學時個人好古板, 如果回到過去, 我會用方法整到自己好受歡迎, 仲要學好多野, 唔睇得都打得hehe

    跟住呢, 大學就跟手就出埋國讀書, 幾型!

    19th Apr 2007 15:01 PM

    回覆刪除
    回覆
    1. 小泉純一郎我橫睇掂睇都覺佢係IQ博士…奇又奇在佢個仔孝太郎又幾靚仔喎…
      我好想睇呀﹗我又要笑﹗嗚嗚…

      你要整到自己受歡迎…要睇「野豬大改造」?﹗(爛GAG…)
      出國讀書呢家野我都想,不過屋企負擔唔到…也許努力考獎學金出個幾個月的EXCHANGE也好~
      希望第時有機會啦

      19th Apr 2007 15:10 PM

      刪除
    2. 上果陣你同劍心兄一定要去睇!(你地唔駛我提已經一個二個o係度響晒話要睇啦!)

      話時話上次張相我到底係咪野豬呢? 不過我當年都唔係野豬型冇人理, 只係樣衰衰咀廟廟唔特別受歡迎咁o者.

      其實有人肯供我出國, 不過我又擔心錢o既問題先唔去o者. 如果可以回到過去, 自己爭氣少少考個獎學金都好啦.

      19th Apr 2007 15:16 PM

      刪除
    3. 最慘係要攤到8月…嗚…打鐵要趁熱架嘛…

      特登搵野豬張相你睇:

      野豬係女仔…即係中間嗰個…即係我囉…我企中間的說…嗚…


      有心唔怕遲,我成日都話第時要去讀番歷史系啦~

      19th Apr 2007 15:30 PM

      刪除
    4. 左邊有點像劍心兄喎....咦我係龜先生?

      我有錢我會讀返個哲學或者文化研究
      不過真係等有錢先...

      係咪去睇刺青o者?

      19th Apr 2007 15:41 PM

      刪除
    5. 我也有興趣唸文化研究,還有性別研究/電影/語言學,還有心理學的說..很花心

      19th Apr 2007 15:47 PM

      刪除
    6. re:blue

      山下智久…劍心兄好像不太欣賞j家男…
      話實要逼佢send番張相比我地就真…嘻嘻…

      若不是工作需要,我希望第二個degree真係讀自己有興趣的科目,說說實在我對business野不太感興趣…

      睇呀睇呀睇呀…

      19th Apr 2007 15:51 PM

      刪除
    7. re:guy

      唔花心,當年我無minor關係,take埋好多無聊科儲credit,包括日文、心理學、finance野等…呢啲係好學…唔係花心﹗~XD

      19th Apr 2007 15:52 PM

      刪除
    8. 文化研究MA不難入, 但係全部evening class...

      19th Apr 2007 16:20 PM

      刪除
    9. 我係想minor都唔得個種,不過我係final yr都take左唔少course,又language又紅酒又psyco.,都幾開心既。

      我都有諗過過幾年讀唔讀o的日本文化研究o的master,都算係興趣黎。

      19th Apr 2007 16:30 PM

      刪除
    10. 我咁多年都冇迷過j系喎...其實山下都ok, 阿龜好似都係咀廟廟咁...(好似同人地好熟咁...)

      興趣呢家野, 又係要等有錢先實現

      19th Apr 2007 16:35 PM

      刪除
    11. re:blue

      夜晚class我通常都半夢半醒的聽…卒之瞓著咗…

      20th Apr 2007 15:03 PM

      刪除
    12. re:johnny仔

      我minor只有bba系內的科目,實用係實用不過無興趣,於是take吓這take吓那,反正俾咗學費,無理由唔take盡佢~嘻嘻…
      我而家日日都研究緊日本文化,尤其是電視劇一方的…(惡攪中…)

      20th Apr 2007 15:05 PM

      刪除
    13. re:blue

      阿龜(我又同佢扮熟)外型(和小泉今日子拍拖這行為也令人很震驚…)邪氣啲,山下就正氣啲,氣質而言我覺得山下似木村多啲的說…

      有錢之餘仲要有時間,而家返完工個人都散,上親堂都鸛自己會太支力瞓著…

      20th Apr 2007 15:07 PM

      刪除
  3. 卡通片啱唔啱睇啫?Meet the Robinsons都係講回到過去飛越未來喎。

    比較文化唔好讀呀...

    19th Apr 2007 16:46 PM

    回覆刪除
    回覆
    1. 無記有無做過架?﹗我好少睇西洋野的說…
      唔知點解諗起細個時有套卡通片叫「媽媽是小學四年生」…

      比較文化…umum…
      20th Apr 2007 15:08 PM

      刪除
  4. 我頭先睇完你呢篇. 自己都係度諗0左陣. 結論係, 邊段過去都唔想回去.

    btw 我有點懷疑你係我師妹 (除0左商U) 不過, 我地都係有機會私底下先相認啦.

    求婚大作戰. 我都好想睇呀~

    泡泡女好似真係不容錯過咁喎. blue - 你又去睇多次羅. ^^

    19th Apr 2007 17:35 PM

    回覆刪除
    回覆
    1. 珍惜現在係種福氣呢既,無以前既經歷又點會有現在的自己,成日想回到過去改變將來太負面啦…
      我細個最想回到過去,通常都係做錯野比阿爸阿媽鬧…那時就會悔恨…有早知真係無乞兒…

      我係你邊度師妹呀?﹗好驚喎…(其實我都唔覺意講晒我讀過邊兩間中學的說…)

      泡泡女上時叫埋你啦﹗(引誘你唔同主人一齊睇戲~哈哈)

      [20th Apr 2007 15:11 PM

      刪除
    2. 第一點. 你估下先. 到時私底下再講你聽. ^^

      第二點. 如果套戲唔係考試前或中上 (簡單黎講, 係六月丨之後), 都 okay 呀. 我成日都唔同佢睇架啦. 佢都唔多入戲院, 佢租dvd 睇架...

      blue - 你講個套呢~~ hehe 我呢輪大禍臨頭唔睇得呀. (其實亦有少少因為戲種我麻麻呢, 佢地講日文我可能會有興趣d.. XD)

      22nd Apr 2007 23:15 PM

      刪除
    3. well…攪到我好想知…

      泡泡女據說8月上,到時你已考試大戰完畢啦~~呵呵

      23rd Apr 2007 09:59 AM

      刪除
  5. 0係我讀書生涯裡面, 最開心就係讀女校0個段時間了...

    19th Apr 2007 20:06 PM

    回覆刪除
    回覆
    1. 我中一至中五的學校係女校呢架,仲要純到暈那種,無tb…無les…無姣精…無爭男仔…
      總之女校一定有的是是非非我地都無,我都懷疑緊那五年究竟係咪真係女校生活?﹗

      20th Apr 2007 15:12 PM

      刪除
  6. 冰藍:

    想不到真的拿回野豬照出來...

    下次還是正正經經Cosplay這張相好了,某人下次請穿白衣出現(只得妳的頭可以扮野豬)

    在下對J系是保持中立的,在下欣賞的東山紀之和草彅剛都是J系的(什麼?),除了錦San以外,其他都沒有明顯的反感,山P演戲像少年木村,倒是有點好感。

    照片...明天留意Email吧。

    By the way,何來有人會在早上理髮時段看日劇......真的是古靈精怪......

    20th Apr 2007 02:48 AM

    回覆刪除
    回覆
    1. 咦, 劍心兄要立山口頭嗎? 還要穿白恤衫(黎姿?)跟校服外套...你確定嗎?

      20th Apr 2007 10:39 AM

      刪除
    2. re:劍心

      扮野豬就易,大不了拎件浴袍出街…到時劍心兄記得以一身吸血鬼look示人…唔該…

      本人好明顯係熱愛j系…我覺得我開始成為山下影迷(但不太欣賞news歌曲…),kat-tun歌迷(可憐他們的戲劇收視都…)…加埋本來已熱愛中的…嘩…太多了…
      錦san係家弟和本人拿來笑的對像,都唔知點解…佢越木口木面我就越覺好笑…

      我諗無幾多個人可以一起身個頭唔理就出街吧?你出街都gel頭啦?咁本人夾直頭髮時無野做咪開電腦睇戲,好出奇咩?﹗

      20th Apr 2007 15:16 PM

      刪除
    3. re:blue

      這個活動感覺好哈老喂的說…
      一字記之曰:驚…

      20th Apr 2007 15:19 PM

      刪除
    4. 如果和妳穿同一套校服,加上有人扮白衣厲鬼,那絕對不是問題...

      22nd Apr 2007 23:07 PM

      刪除
    5. 不要大在下,在下可是在Cosplay圈打滾過的,反而妳的裝扮,不只是浴袍吧..

      今日又看了一公升SP,繼續覺得麻生San非常木獨...

      在下Gel頭的時候,是要望鏡,不能看電視的...

      22nd Apr 2007 23:10 PM

      刪除
    6. re:劍心

      喂…你唔好大我喎﹗睇吓邊個個造型出街驚嚇啲?﹗

      23rd Apr 2007 09:54 AM

      刪除
    7. re:劍心

      雖然本人無喺Cosplay圈打滾過,不過扮厲鬼之嘛…那時劍心兄記住全副吸血鬼武裝出街﹗

      睇番一升先發現,原來和麻生從同一所中學升上東高的那位哥哥仔就係龍櫻入面讀秀明館那個孖生細佬…
      麻生同學依然木口木面,同埋佢個樣超唔似一個醫生…

      咁吹水和夾頭髮時對眼無理由不停的望住個頭…總要搵啲野睇先夠善用時間

      23rd Apr 2007 09:57 AM

      刪除
  7. 比我揀我當然係回到大學, 最開心, 日日食tea, 夜晚吹水睇星食宵夜~番學又好玩又充實~日日又有時間打扮~直情係人生蜜月期!

    20th Apr 2007 13:45 PM

    回覆刪除
    回覆
    1. 大學三年最多係煩gpa唔夠高,take唔到下午堂要早起,一係就到大三煩搵工…諗起來又真係無幾多煩惱…
      美好的青春啊~

      20th Apr 2007 15:21 PM

      刪除
  8. 冰子

    你不如先引誘紫熊一齊去睇刺青先吧hehe

    媽媽是小學四年生係個bb女穿越時空的說, 我都記得

    20th Apr 2007 15:27 PM

    回覆刪除
    回覆
    1. 佢要溫書喎…
      媽媽是小學四年生我唔知點解仲有張閃卡係度…勁驚﹗

      23rd Apr 2007 09:53 AM

      刪除
  9. 超時空泡泡女好想看, 電影節時看不到.... 殘念!
    我潛水完畢, 也看了首輪日劇, 大愛求婚大作戰, 不過也不及我對堂本剛的 I'll Be Back 的喜愛情度, 一直在我的日劇排行榜前十名的位置啊!!!!
    回到未嫁時也很喜歡, 可是還是懷念 I'll Be Back...... 劇本寫得極正!

    24th Apr 2007 09:34 AM

    回覆刪除
    回覆
    1. 據說八月會上,到時一定要拉團去睇﹗(但熱情可唔可以維持四個月呢?﹗)
      I'll Be Back我只睇咗頭2集,劇情倒夠破格,睇呢都要返去煲埋跟住的集數先得﹗
      熱愛回到未嫁時係因為細個時好鐘意周海媚…唔知點解我覺得戶田惠梨香有點當年海味的感覺,尤其是那個成日唔合埋的咀~看了戶田的liar game,很不錯﹗
      估唔到,原先最大期望的是「求婚」和「不要開玩笑」,但看了幾套初回後,印象最後的反而是「料理新鮮人」和「liar game」~

      24th Apr 2007 15:25 PM

      刪除

要講幾句嗎?﹗XD