忘記個封面啦~鍾舒漫

我是後知後覺的，07年的新人我煲了陳柏宇、李卓庭和洪卓立，08年偶然聽到一曲《扭曲》，喂蠻不錯架喎﹗搵搵才知是洪生同門鍾舒漫。

但係呢，個styling想點呢？好似reuse容天后《Ten Most Wanted》個麥當當叔叔頭咁…

然而低處未算低，上隻碟個封面更… (我係好以貌取人架﹗)

說在前面，雖然本人都喜歡節奏藍調，除了幾個本人的飛佛(係囉，咪日本/台灣/大陸那幾個…)，即係改良咗的款式；其實我幾怕聽玄門正宗花旗出品，不停扭和拉音，上上落落的表演驚人肺容量，但就聽不清歌者在唱啥…我懷疑這就是我少聽西洋樂的原因了…。

好像扯遠了？即是說呢，一聽鍾舒漫個腔口讓我想起馬拉雞(我聽她的《#1》精選，聽到差點睡著，唔click…)，變了個易入口聽落舒服的港式版本。Sherman是聽西洋樂曲長大的嗎？頗有功架，快歌有節奏感，看過《扭曲》MV跳埋舞頗有型的說(哎…又中了我喜歡的跳舞歌手型…安室啊…~)。另一首慢版主打《堡壘》之前在勁多蝦碌聽過，就是我蠻怕的扭~~~~音~~~~~歌，唔通唱慢歌感情是要扭扭扭才滲到出到來？Orz…在MOOV再聽一次好似入耳多了。

碟內快歌較搶耳，如《I don't care》、《陽光小小姐》，是我不喜歡西洋扭音吧？﹗XDD。尤喜歡有點百老匯Big band feel的《億萬少女》，歌詞抵死，聽著登時想起李卓庭的《地獄少女》…奢華拜金女vs亂七八糟干物女，crossover在一起一定很有趣﹗

其他的慢版歌《紅茶易冷》、《剛剛好》、《扶手電梯》就不太有印象呢，有點平淡。

講開個封面，既然是豁出去攪image，由頭到腳都攪到行一行，不如順手整埋一手花甲？﹗望著封面裡她plain plain的玉手，感覺很不平衡…不會沒筆直了吧？﹗

曾幾何時鍾所屬的唱片公司點石成金，然而有一水魔法失靈了，捧出來的「偶像」實在…唔知點形容…。還好，近幾年的新人有樣以外還倒唱得的，似模似樣，繼續努力。說實在，聽偽rock女/才女/少女我寧可聽黑面少女馬拉雞了。

(9/2/12後按：需說是OK的…不過轉過頭已唔記得呢隻碟有乜歌了…哈哈哈)

鍾的同門，本人深深欣賞的《GOGO洪卓立》
娜姐：越唱越有型格的鍾舒漫：《Castle》
Uncle Ray： 鍾舒漫- Castle
卡威治： Karvitz's Music Picks - Week 14 & 鍾舒漫《Castle》