2008/10/21

[港劇]黎視后最後的《珠光寶氣》…

這張圖,我覺得左冷禪陳鴻烈很有型… (有人記得佢演過左冷禪嗎?﹗很型的說﹗)

其實我的看點不是黎視后,不是左冷禪也不是大契細鮑、凌B或于素秋,係王喜﹗卡卡…睇一睇發現原來有關禮傑的﹗

張圖影得鍾嘉欣前所未有的冷艷…眼前一亮呢…

首先看一吓維基所載的故事大綱先:

珠光寶氣》主要講述嫁入豪門的邵美琪黎姿蔡少芬三姐妹的故事。大家姐邵美琪是事業型,埋頭苦幹;二妹黎姿個性比較單純,愛情至上;三妹蔡少芬野心大,個性張揚。三姐妹分別嫁給了三個豪門人物。由於丈夫間存在著生意上的競爭,三姐妹也一度反目。該劇監製戚其義表示,與傳統的TVB長劇不同,《珠光寶氣》裏面並沒有“誰是誰的私生子”之類的家族恩怨,也沒有“打打殺殺”,更多的是人性的沖突,以情感人。另外,劇中對上流社會進行了詳細的描述,也是一大看點。
故事围绕三位不同个性的親生姐妹--雅言、雅瞳和雅思。她们高贵优雅,流着贵族的血,举手投足无不流露出大家闺秀的风范。在人生的轨迹上,他们认识了城中的青年才俊。他们懂得享受生活,或品红酒,或抽雪茄,扬帆出海,逐浪赛艇。她们与他们相识、相爱、相分,一起捲入商战世界,她们与他们成长、反省、 醒悟、经历人生高低起跌。
生命跟钻石一样,尊贵不在于名誉与权力,而在于真挚与忠诚,只有这样生命方可如钻石一样,永恒不变,散发不朽光辉。

好偉大的劇情﹗

話就話同「傳統TBB大劇」不一樣…但第一集感覺和《家好月圓》一樣…好嘈﹗三姊妹不停嘈交,之後阿媽司棋姐又不停鬧女,阿爸出句聲阻交又俾人鬧,少不了三姊妹和各自老公鬧交,嘩…很嘈吵的家庭。特別是蔡少芬,是要演現代王熙鳳嗎?(前年節目預告說有由張太主演的《紅樓夢》劇,害我期待很久耶…),巴辣又巴渣,超嘈,好幾幕阿張太仲鬧到聲都拆埋…聽得我好辛苦。

難怪司棋姐說拍這個劇拍到佢老人痴呆(個角色後來係有這個病的…同大契一樣以病結尾啊﹗),因為疊住《家好月圓》(或者叫《家嘈屋閉》更適合…)一齊拍,兩個角色和《溏心風暴》的大契或更遠古的善姨根本一樣,又係大家庭的女主人,仲要係真正話事人那種,佢出一句聲永遠有力過個老公,又挑通眼眉知晒仔女既野,嘩…睇佢handle2女黎姿段婚姻…真係粗暴干涉女兒內政啊﹗阿2女應該提出嚴正交涉和抗議啦﹗

至於那些生活品味環節…對小的來說…唔多吸引啦…車船紅酒雪茄係包裝呢既啫,個故仔睇咗第1集真係有少少驚,特別係我個耳膜。

我的看點…關禮傑未出場,王喜係做老好人…umum…點講呢,個髮型好肉酸…攪到佢個額鬼咁高(不過佢又唔係sell靚仔…XDDDDD),還是平時鏟短gelgelgel順眼點。有點懷念《水滸無間道》(有人會懷念這部劇嗎?)或《緝私群英》(也有人會懷念這部嗎?)那種cool cool的紀律部隊角色…其實我喜歡睇王生做啲邪邪地或cool cool地既角色…(其實《烈火雄心2》也很不錯啦…怎麼我攪到變王喜劇集回顧?﹗XDDDDD),太好人,好悶(如《吾係差人》…悶到呢…)

傳說朱慧敏(三姨太?)會有幕色誘左冷禪的戲…點解成日搬出嚟做宣傳既呢?難道這才是此劇的看點?

有時間會再追一吓,雖然第1集確實很嘈,3姊妹(特別係勁嘈的3妹)又唔係好令我感覺到佢地係大家閨秀,不過都會追一吓既。

珠光寶氣@維基
*************************************************
雖然我唔多鐘意睇黎視后,不過佢一吓子說息影又好似有點若有所失…

也許,我應該聽吓《白裇衫》懷念吓佢(同時欣賞埋當年細眼的巨基…),或者翻煲一次整個《古惑仔》系列…

================這是22/1/12後補看後感的分隔線==================

是咁的,這套劇小的在09年煲完《烈火雄心3》後補元了,後來才知同《CIB刑事情報科》同為戚其義的劇,不過這是後事了,11年年尾煲埋《天與地》和《飛女正傳》才發現戚的劇是有陣除,索得出係佢啲野來的…

據說此劇收視不太亮眼,或者係少了《糖心胸部》式的狗血大罵或你打我我打你吧,劇比較側重人物心態,好多時係靠對白或鏡頭嚟交代,不會畫公仔畫出腸的。雖然我唔係上流社會人,不過大人大姐行出嚟唔會吓吓摑人一巴吧?當中幾個商家佬(岳華、陳鴻烈、陳秀珠)商場上鬥法,三姊妹情愛交纏都流暢爽快,沒拖泥帶水(初段),對白精警,場景做得好細緻,而且好多實景拍的大場面,好華麗…,睇得好爽…

只是中間陳秀珠那個甚麼遊戲節目有啲唔知想點(可能是交代巴士高點樣做咗佢接班人?),同埋俾Elise跟泰禾(無啦啦寫番角色名…哈)熟起來吧。個人最唔鐘意係一開始康家三姐妹跟原來的老公散咗,跟住換了另一個,又在差唔多時候又散過喎…有無咁啱呀?

個人最可惜Terence跟二姐散了,明明差少少就可以諒解大家的嘛…又說,Elise真係太衰格了…又又說,鍾嘉欣演得太出色了,將呢個千金小姐演到極乞人憎…完全脫胎換骨﹗

後尾情愛呀、商場交戰都有點草草收場,可惜。係咪集數太多?或許cut一吓會好啲。

最後,sk姐的主題曲好正好配合套劇的華麗風,勁加分﹗

30 則留言:

  1. 在公司的無敵7/9/13 19:40

    原全不覺得好看,走火入魔的無記,每次出一套劇都是吹的大大,到看的時候,都是另一回事,自金枝慾葉及溏心風暴後,少少勝利,沖昏頭腦,情況更見嚴重。
    只聽珠光寶氣四字,都是有錢佬恩怨,那些演員,又是火舞黄瓜的人,只不過是現代版,我不看了!我不想打爆自己的電視。
    我記得陳鴻烈做過左冷禪,還配音,不太喜歡這演員,有什麼好?講野都未掂,都唔知點解無記咁鐘意佢。
    叫無記下次又拍這些恩怨片時,不如整黑社會背景,比較合邏輯,成日見成班師奶係度鬧交,不如睇下人地武術交流好過。
    (細個都鐘意黎姿,典型瓜子臉大眼美女,係男人都鐘意,大左唔鐘意,古惑仔都只係睇過一集,仲要係無佢做果集,所以都唔知佢個細細粒做成點,其實而家黎嬰情況點?今朝見d死人八卦雜誌卦又話情況唔好,外表睇黎,呢件事唔好,不過黎姿都係咁信左耶穌,是禍是福難定。)

    21st Oct 2008 13:42 PM

    回覆刪除
    回覆
    1. 《金枝》成功後無記已不是第一次自我複制,一連串《胭脂水粉》、《火舞黃瓜》…等,但又吹tbb唔脹,明明套套劇人又不停重覆,故事又大同小異,但又硬係多人睇高收視,唔沖昏頭腦才怪啦…
      《家好月圓》不就是totally dup《溏心風暴》…真係勁9唔搭8…
      唔知點解我好記得呂頌賢版《笑傲江湖》啲人腳,陳鴻烈在無記其他的劇集我真係唔多記得…
      黎姿外型絕對無敵啦,我係受唔住佢啲超大抖氣聲講對白既激動演技,以前同郭富城那套醫生劇…《水滸無間道》、《鄭板橋》或《黑夜彩虹》時都無咁勁,自《金枝》之後就越來越勁…有點難受耶…
      22nd Oct 2008 13:15 PM

      刪除
  2. 天天看這裡的人7/9/13 19:40


    唔多明點解它話自己唔係傳統tvb劇。「人多、劇長( 八十集WOR )、關係複雜、又係度爭爭下( 爭下D 女人、男人同錢) 同一個監製」
    不過我有時間都會看下
    =P
    BTW 張大合照我反而欣賞司棋姐,個表情好FIT 她個角色設定

    21st Oct 2008 13:51 PM

    回覆刪除
    回覆
    1. 80集…當年我追65集《天地男兒》已經想死…orz…
      不如佢剪個精華版40集出vcd等我慢慢煲好過了…
      雖然個故仔都應該係老掉牙的題材,但啲人我有興趣睇…好雞肋…我一定會乖乖坐定睇足80個夜晚啦…
      22nd Oct 2008 13:17 PM

      刪除
  3. 李小球7/9/13 19:40


    (舉手)我記得陳鴻烈做過左冷禪!
    我尋晚都有睇呀,明明佢地一家係有錢人家,阿媽同三個女都著到鬼火咁靚,但係點解阿爸個look又咁樸素o既呢?(雖然係有名牌贊助但係我覺得阿爸d衫一d都唔似貴野 orz)

    21st Oct 2008 14:25 PM

    回覆刪除
    回覆
    1. 阿姜david同王喜喺廠度講野那段戲,我一度懷疑姜david係咪打工仔…佢個郁似老細咩?﹗
      跟住3個女又好似超級有錢人…完全唔似一家人
      22nd Oct 2008 13:18 PM

      刪除
  4. Mr RiceBall7/9/13 19:41


    我又舉手!
    當然知道他是(火羅)王左冷禪!還記得當時嘀咕為何這個左盟主有古怪口音...
    何解現在合家歡時段總有三點式噴火或色誘?為甚麼常常色誘?為甚麼?為甚麼??

    21st Oct 2008 19:47 PM

    回覆刪除
    回覆
    1. 係呀係呀…可能阿左盟主係彊外異域人,唔係中原人士囉…
      其實三點式唔係第一套啦,之前陳fela都有呀,或者…tbb可能見而家觀眾入面太多c9,想吸引多啲年青男觀眾睇囉…
      22nd Oct 2008 13:20 PM

      刪除

  5. 收費電視鬼佬台萬歲!!!我地睇dr who睇得好開心的說……聽多句英文有著數呢,今晚阿細學咗where is he?(自己聽冇睇字幕喎),比睇人嘈交好得多了。

    21st Oct 2008 21:45 PM

    回覆刪除
    回覆
    1. 我都係努力睇日劇練習日文好了…
      真係好嘈,蔡少芬係鬧人鬧到聲到拆…勁得人驚…
      (咁潑婦罵街…究竟貴氣在那裡呢?)
      22nd Oct 2008 13:21 PM

      刪除
  6. UncleRay7/9/13 19:41


    陳鴻烈有做過左冷禪嗎?
    我可是完全沒印象。那誰做令狐沖?

    21st Oct 2008 22:15 PM

    回覆刪除
    回覆
    1. 呂頌賢那個版本…無記錯應該係96年…十幾年了﹗
      22nd Oct 2008 13:21 PM

      刪除


  7. 做四個月, 為睇呢場戲....乏唔乏D呀?

    21st Oct 2008 23:03 PM

    回覆刪除
    回覆
    1. 我係講緊呢場:傳說朱慧敏(三姨太?)會有幕色誘左冷禪的戲…點解成日搬出嚟做宣傳既呢?難道這才是此劇的看點?

      21st Oct 2008 23:45 PM

      刪除
    2. 成套戲都令我覺得很乏…
      22nd Oct 2008 13:23 PM

      刪除
    3. 唔止這場,我覺得整部劇大部份都會乏…
      不如出個精華剪輯版…
      22nd Oct 2008 13:26 PM

      刪除
    4. 反正有左冷禪, 叫朱小姐色誘有咩睇頭, 叫蓮弟同東方不敗出黎玩下丫不如!

      22nd Oct 2008 15:09 PM

      刪除
    5. 係咪陳_ _和_健_(這個有兩個人名可以填呢…)演先?﹗唔係都係無睇頭喎…
      24th Oct 2008 13:34 PM

      刪除
  8. 我只係知陳鴻烈係好低能的大言生....

    21st Oct 2008 23:36 PM

    回覆刪除
    回覆
    1. 大言生﹗
      我想知點解言氏咁好有中西餐canteen…我司無呀﹗嗚…
      22nd Oct 2008 13:25 PM

      刪除
  9. 達芬妮7/9/13 19:43


    我最鍾意黎視后的那套戲……不是《金枝玉孽》,而是《黑夜彩虹》 (笑)

    22nd Oct 2008 00:33 AM

    回覆刪除
    回覆
    1. 《黑夜彩虹》好睇呀﹗
      但據說劇中蔡少芬和家姐個女相依為命一段係抄韓劇的說…
      22nd Oct 2008 13:30 PM

      刪除
  10. 黎姿既劇集我最鍾意既係《烈火狂奔》,94年既劇集,男主角係郭富城。亦係呢套劇令我認識到有個甘靚既女仔。我到依傢都仲好記得有一幕,黎姿同郭富城係醫院既活動室入邊合奏兼合唱該劇其中一首插曲-《燃亮今生》,首歌好好听!最初我係為左郭富城先睇《烈火狂奔》既,點知睇過套劇,我鍾意左黎姿,佢係套戲入邊真係好純好靚(當然戲外都係)!而且做得非常自然一D都吾做作。
    相比佢近年既劇集(《金枝慾孽》《火舞黃沙》),我覺得黎姿係早年既劇集(《龍的天空》《天倫》《烈火狂奔》)入邊自然好多靚好多

    22nd Oct 2008 14:02 PM

    回覆刪除
    回覆
    1. 《烈火狂奔》我有睇呀(因為當年我是郭富城粉…),黎姿演有心贓病的千金小姐,和袁潔螢跟郭城城有三角戀嘛,個造型成日著白衫,好清新好舒服的。其實佢做咗成廿年,去到《金金枝》仲演到初入宮女仔那種少女味都好勁,很認同佢氣質係好特別,不過我就嫌佢近年講對白氣聲好勁,特別係激動位時總係瞪大眼和抖大氣先講對白,好驚…睇番以前啲劇又唔覺有呢個問題喎…
      我最鐘意佢既劇係同王喜合演的《鄭板橋》,香港唔知有無播過?﹗
      24th Oct 2008 13:32 PM

      刪除
  11. 咖啡之心7/9/13 19:49

    呢套野好鬼悶,在首播看到第二集時差點睡著,再看昨晚那集都係沒有起色,試問點頂八十集呀? 我寧願睇與敵同行,亞視有咩正野請快點拿出來,能不能起死回生就看今次啦...

    22nd Oct 2008 15:50 PM

    回覆刪除
    回覆
    1. 第二集時我出街食飯,第三集人喺屋企但無動力去睇…算把啦…
      亞記呀?﹗其實佢都係自我複制狂來的說…《情陷夜中環》就係啦…唉…
      我諗我都係煲日劇算了…
      24th Oct 2008 13:35 PM

      刪除

  12. 好耐冇睇過港劇lu(差不多10年多),所以小弟冇乜資格去評論...!不過就過往對港劇既概念,來來去去都係得果"三覆彼"!通常會有以下幾種原素...1)三角戀or多角戀,2)吵吵鬧鬧,3)演員來來去去果幾個,4)演技差,5)佈竟差,6)故事來來去去都係差不多,千篇一律! 甚至唔知妳有冇留意到,以上講咁多點都係帶黍一個既元素,就係消極無奈!睇得多成個人都陰沈起來...真係好想知個高收視率究竟點黍=.=+

    23rd Oct 2008 12:36 PM

    回覆刪除
    回覆
    1. 嘩﹗10年﹗其實入咗u後無咁多時間心機追劇。通常係睇頭幾集,覺得ok先會追落去囉…近幾年由頭追到尾的只係得幾套…
      無記劇情bingo、人腳的重覆和奄悶…我之前都賦文講過(有興趣可以來看啊﹗),不過吹佢唔脹的是打不死慣性收視,既然出啲咁既質素的電視劇都有咁多人睇,仲乜要破舊立新去兵行險著先?﹗
      要睇有質素的電視劇,還是向外求吧﹗
      24th Oct 2008 13:37 PM

      刪除

  13. 原本你也喜歡王喜的?! 我在他主持《周末任你點》的時候已喜歡他的了。喜歡他演一些性格衰衰地的角色,好似在《花木蘭》裡的,很好笑。
    這次他演大好人,很難有發揮。

    23rd Oct 2008 17:22 PM

    回覆刪除
    回覆
    1. 係呀,我係阿喜劇迷﹗我無咁早啦,係睇完《?府統請》(忘了第一粒字點寫…)和《緝私群英》之後熱愛了的,《緝私》直頭係中晒招(我好鐘意睇紀律部機劇的…卡卡)…對對對,衰衰格格的角色他演得很討喜,cool爆更係一絕…
      《花木蘭》我無睇晒呀,當年我不喜陳妙瑛博士耶
      24th Oct 2008 13:40 PM

      刪除

要講幾句嗎?﹗XD