2009/02/20

[日劇]溫馨小品~《花嫁とパパ》

其實這也是看這部劇的原因也是出於「其實只想笑餐飽」(見這個這個),好笑程度呢,前半段的「非常外父玩女婿」爆笑之餘又夠溫情,我還以為非常外父會玩足女婿十二集時,後半段卻無啦啦變了灑狗血式韓劇風…我不依呀﹗我要笑呀…嗚呀…

內文有點雷,小心﹗

故事很簡單,就係帶女洪郎宇崎賢太郎(時任三郎)愛女深切,就算女兒愛子(石原さとみ)已經二十歲兼且到社會工作,還是關切不已,還訂下很多初/高中生level的家規。女兒一心想甩開爸爸獨立,同時又和同期入社的新人三浦誠二(田口淳之介)交往,於是有了結婚念頭…。

一個極度緊張阿女的阿爸,一個雖然愛爸爸但又嫌他管束過嚴的阿女,每集幾乎都有指定動作:嗌大交﹗雖然有點例牌,但卻好好笑…嗌完交又溫溫馨馨的和好如初,哈,很似我屋企…

如上文所說,前半段的「非常外父玩女婿」真係幾好笑,諗吓一個咁緊張個女既阿爸知道有個0靚仔無啦啦話想同自己個女結婚,唔嚇死就假,而且阿誠二確實唔多可靠…個樣。阿爸又永遠只叫佢「同事三浦」… 每次誠二叫佢「爸爸」,阿爸就板起臉說「我不是你的爸爸…」,嚇得誠二改口「宇崎小姐的爸爸」…雖然田口小弟演技真係麻麻,不過那些驚嚇的表情很正點…次次都睇到我笑的…

其實套劇的主線應該係賢太郎和愛子的父女情,不過吸引本人的,卻是賢太郎和誠二不知不覺間建立的父子情。 因為誠二是次子,一向都不得父母關心,大學畢業到做野足足四年沒和老家電聯,而佢咁想結婚就正因為從父母處得不到親情,那就想建立自己的家庭囉。賢太郎聽到誠二說父母唔會理佢時嬲到爆,表面上是嬲佢唔好好將愛子的事向父母交代,實情是嬲誠二不重視父母感受…話實呢,我覺得後段賢太郎甚至當咗誠二係仔,倆小口鬧分手,佢緊張愛子心情之餘,又擔心誠二那邊…

「非常外父玩女婿」玩到上述父子情開始建立就完了,慢慢就變咗韓劇…女的知道媽媽因為生自己而難產死,不捨得結婚扔下老爸一人所以唔結;男的又因為老父病了,不忍家業無人理而決定回鄉,咁結隨著女的話唔結當然結唔成啦。話實,好娘…前段我是睇到笑,後段我是看到呵欠連連…

咁結局啦喎,使講既?﹗叫得溫馨小品梗係happy ending啦。還好結局非常父親又發力,有得笑一吓…

劇情其實無驚喜,驚喜是演「傲慢先生」鳴海駿一(小泉孝太郎),超.級.型﹗佢個角色係業界一流designer,為人冷傲又傲慢,講野一句起兩句止,開口埋口就話炒人﹗好型啊﹗和小泉大哥在《外派員的品格》入面做的老好人里中完全不一樣,我係睇了一輪先敢肯定是同一人的說…

日劇的室長(差點中招仲有《絕對彼氏》的室長水嶋hiro啦…難波學長啊…)都很有型的說﹗

阿女石原和阿爸時任三郎表情十足,特別是嗌交戲,很爆笑﹗唯獨是阿女婿田口小弟啲戲真係麻麻,要磨練吓囉…啲悲傷位都係一號表情…囧…

還有,那pat留海令人很不安…平時kat-tun啲封面不是好地地的嗎?﹗仲乜要整pat咁既屏風留海?﹗

講開又講,愛子的suit和少少踭高跟鞋,和誠二的西裝襯斜揹帆布袋(個袋一定要揹在後面的…)很有大學同學仔present時郁既風采,港日兩地的新鮮人都係呢啲look的嗎?﹗好親切的說﹗

劇集資料

2 則留言:

  1. 估唔到你會寫呢套嘅劇評喔~ 都就嚟兩年前嘅劇咯
    以為你覺得太普通唔夠突出,同埋一直嫌阿淳嘅演技(今日仲係嫌緊XD)
    我絕對衝住阿淳而睇(依家翻睇嘅理由都一樣)
    其實翻睇咁多次,都仲係好唔習慣石原小姐嘅喜劇表演
    或者先入為主,悲劇佢做得好睇好多,要搞笑嘅就要好似voice入面咁唔係擔正
    (特此推薦06年年尾石原主演asahi冬季SP《冰點》,包保喊得好舒暢)
    而每次睇劇重點都係時任爸爸同淳女婿嘅互動+阿淳閙人
    (閙人得兩場戲,但係大好人翻面超殺!)
    (淳飯已經認咗時任先生做阿淳老豆,甚至...[腐女話題]XD)

    21st Feb 2009 04:44 AM

    回覆刪除
    回覆
    1. 其實呢套劇係上年年尾睇既…文係寫咗不過當咗係庫存,放到而家先出…都幾個月了…
      (回帶:其實我ok鐘意睇淳小弟的…我仲無聊聊搵埋《happy》來睇…)
      石原喺睇呢套之前我只看過《折翼天使》…黑沉沉的…睇呢套見佢擠眉擠眼做喜劇又幾得意,不過好像有點overact啦…
      我覺得時任爸爸和淳女婿的場口最好睇…最感動係淳女婿仲叫時任爸爸做「宇崎小姐的爸爸」時…時任爸爸叫佢直接叫「爸爸」就得啦…那一野真係好開心﹗阿女婿終於感動到爸爸囉…
      (哈哈…不如叫淳小弟客串做《voice》既學生路人甲…等佢同石原和時任爸爸再來對手戲吧…)
      22nd Feb 2009 20:30 PM

      刪除

要講幾句嗎?﹗XD