2009/03/31

日本語學校雜談

最近有好些友儕開始學日文,也走來問本人覺得那家學校好…呀,這可是不易答的問題…。當然本人樂意分享經驗,但又怕學校個史大奧不合對方…那就…叫人貼錢買難受了…

連還為友儕分析了幾轉利弊,不如索性寫出嚟~(反正本人就是長期乾塘…哈)

工聯會

這家店的優點是(喪)平,幾百蚊十二堂,相比外面學校動輒千千聲實在係雞脾打人牙較軟,本人第一個日文course也是在這家學的,試過覺得自己真係有熱誠先再去讀啲可以claim CEF的學校比較實惠,也可以當作先打個底。當然在這家學校是很講運氣的,有的老師很hea(整堂都在呢喃唔知佢講乜),也可以很用心(既講課內也講課外,真係抄notes都抄到手軟…)。 同時這家店沒考試,上課時間也短(個半鐘倒),咁十二堂後學得幾多呢?﹗就要靠閣下自己努力了,一定要靠功課和考試鞭策自己的朋友…就…

Regular對本人這款懶霸之霸係無乜用的,反倒是自修不能的朋友可以諗諗個日能試精讀班,完全係以考試為依歸,上完堂返屋企背晒佢就可以去考試,重點是比其他學校平嘛(不過這個approach只可以用來攻三、四級)。四級我沒考,考三級那年就報了精讀course,阿sir派了一大堆notes list了文型、生字和past paper,不用深入了解,背熟就可以入場,一定合格而回。

二級就分文法和讀解,兩個小的都好神心的報過,文法那個九成九時間都係解文型,剩番的時間就係做一點讀解和教一點phrases,其實我有點覺得內容和坊間文型書沒兩樣,而且二級用字深很多,淨係識文型而解唔明句句字都係side氣的,咁呢班當然無時間教你咁多野啦,閣下自理了;讀解阿sir都係派一大堆past paper,先大家試做一次之後佢就講番點解係呢個答案和highlight一些常見生字和phrase…。我又在諗…其實去簡體書店買多幾本past paper做多幾次都可以有呢個效果囉…

(於是,08年再戰二級時我無報任何雞精班的了…)

中文大學校外課程

這是商大老師大推的,小的畢業後再pick up番就係報這家店的班。感覺佢係相當systematic,也十分中學feel,先來一篇課文,之後是一堆生字,之後是一堆文型/句子,兩星期一課,教完就請你返屋企做worksheet(例係要寫寫寫和listening),每幾課就要小測。我讀的時候已上兩三個班,所以一開始不吃力之餘仲悶到恰眼瞓…XDDDDD。不過如果係白紙一張去讀的話就要加很多加勁,因為教得相當快,而且很有規律的,很快就塞了很多野入腦。

可以想像咱們中學時的英文/中文課,大部份時間都係老師講講講,學生抄抄抄,最多都係聽聽帶,跟住讀讀讀的,上完個course閣下可能聽寫ok但就有口難言,這個就要取捨啦…個人覺得這寶號打得個底幾紮實。只是會考過後本人講英文都係lur脷的…咁日文就…

BTW,據說半山大學太空漫遊的日文課程個骨架係源自郊野大學…大家上堂都係相當中學feel的說…

12/1/12後按:HKU SPACE(也就是上段說的太空漫遊…)

小的09年讀了一年,之後上年七月再開始番,佢既好處係平﹗一年五千幾蚊的學費除番一個月都係幾百蚊,不過要PREPAID囉。咁上課係好有系統,教文法課文之後漢字QUIZ和小測,再加埋做功課,好充實的說。壞處就係…悶﹗啲課文悶到爆炸…上朝早課真係會瞓著的(下午時我都試過釣魚…)…

09年讀了一年小的係中途轉番去PASONA…就係覺得好像沒太多機會練習會話(但考試有會話TEST喎﹗)…除非你多找老師講野…不過最後都係因為錢(平丫嘛真係﹗),同埋內容上我覺得學到既野比P記多,加之於P記學費真係貴好多的說。咁兩家學校的老師都係日本人,SO FAR兩家學校都未遇過一個唔掂的(P記有位老師悶到我暈咁濟只係…)

第一年讀時有個正式的PRESENT,要好認真的做PPT開電腦PRESENT的,不過我選了個好唔認真的題目…哈哈哈。UM,想說的是都幾京京的…不過事前準備又寫又搵野咁,係個難得的經驗嚟既…

最後…事隔一年再讀我發現佢又加多一年啦﹗總共成七年…有無人真係讀足七年呢?中學都畢到業啦…

Pasona


數數手指本人喺呢家店讀到第五個term了,初時喺這家店和日本語講座中間取捨,就係驚講座太正經會上堂上到瞓著(那考試費可以二百個大洋耶﹗),又諗住呢家店出名在會話訓練嘛,就即管試一吓吧。

讀了差不多兩年,老實說「全日本人授課/著重會話訓練」的marginal return已經由最初的很大變成不太大了(又來econ concept了…哈)。咁最大得著又真係講既,因為唔係個個老師都可以以流利英語溝通,學生就試著up日文,老師又試著估估吓,好在老師們都很有耐性 (也許佢地都慣了…)去估,又會講番正確說法,同埋我懷疑佢地係有training的,啲老師多數都好cheerful(當然都有較正經或古肅的…),總係很能帶起氣氛,快快樂樂又一堂咁。

凡事都有兩面,傾吓計快吓樂又一堂,剩下真係講書的時間不多,那就要看閣下係想chur能力試定純粹想快快樂樂學語言,因為個斯你拔斯係切得幾散,一堂大概教兩三個文型,除時你已pass了該級能力試時regular仲有很多文型係未教到的,有時失驚無神問起啲課外野佢地亦未必可以詳盡地答…。但若純粹想學語言,咁聽講寫幾方面呢家店係幾balance吓的。

btw,同學仔說呢家店的能力試雞精班係好唔得的…也許呢啲班都係要港人教會好啲的說…

都說凡事有兩面,快樂的背後是這家店的學費較貴,而且一星期兩個半鐘上課時間拆了兩日上(當然係可以選一日上晒佢…但個時間就唔多好囉…),感覺好像唔多cost effective(唉呀…唔係日日都可以準時走就是了…)…(這是我個人的原因多啲…哈),心思思轉校了…

其實學日文係咪一定要日本人教呢?試過跟日本人也試過跟香港人,我覺得不一定啊,日本老師無錯係口音正宗一點,但若然閣下日文能力還是bb班,碰著老師不懂外語大家就雞同鴨講了。我覺得最好是先搵港人教的班打定個底,都能力有番咁上下,起碼嘔到啲單字出嚟表達自己時先去挑日人老師囉。

第一日語

本來打算三月就和上面那家店講再見,於是就貪得意去試一吓這家店,原因係平﹗上面那家店advanced course要27xx個大洋時,這家店只是一半,雞脾打人牙較軟啊﹗貪得意報了試試,出乎意料老師(是港人,但看老師list也有日人的說…)教得很不錯,講解極詳盡,詳盡不只是文型應用(也真是面對港人愛考試的現實呢…),而且連一些學日文久了會忘記的助/副詞細節都複習埋,例句中碰到有容易出錯的漢字就拎出來研究…呀…啲點點圈圈本人真係記得好求其…都不好意思同人講本人pass咗架啦…

又話說大部份學校都要考試編班 (pasona和日本語講座,港大校外都要出示能力試證書和可能會做電話口試),但這家店就相當free,小的想confirm一吓真係無入學試時電話對面的姐姐反問:「最清楚自己能力的人係你丫嘛…」…errrr…都未必架﹗另,dododo學生證當點名很有型…

說實在我覺得我的老師緣係幾好的,弄得我真係想變節啊,除了老師不錯外,就係一星期一堂就攪掂,唔使吓吓趕住走…死啦…我不是賣廣告呀﹗
****************************************************
講到底,選學校除了要諗筆直問題外仲要睇學既目的係乜,市面上日本語學校很多有平有貴,雖然平既平到幾百蚊都有,不過呢個時勢,有錢都唔好浪費嘛﹗(一係等我幫你使咗佢…XDDDD)

舊文:我的日文道路
香港の日本語教育機関

20 則留言:

  1. 近來都想學番日文, 我識得睇少少(但好多都忘記晒)最想都係識聽同講. 另, 教個資格對我黎講無乜用, 可能Pasona會啱我?

    31st Mar 2009 10:16 AM

    回覆刪除

  2. 最近有點想今年內搞掂2級,但其實我只是07年3月至開始學日文,雖然我在家量地,時間很多,可以自學,但話說3同2之間的分野好大,最近都周圍搵雞精班上 ... 不過仲沒有定案

    31st Mar 2009 11:42 AM

    回覆刪除
    回覆
    1. 對,2和3級差距很大,在於一來要記的東西很多,另外是用字深很多,同埋我又懶…總係下半年先肯的起心肝去煲書…咁就事倍功半了…
      其實自學都得,我覺得最緊要係自己有心機做多啲past paper,同埋祖國好多日文網有極多能力試資料,文型生字都真題都有,有佢我覺得唔使雞精班囉…題解都有呀大佬…錢都慳番…
      31st Mar 2009 21:14 PM

      刪除
  3. Johnny 仔20/12/13 16:22


    我其實而家都諗熙轉唔轉好,因為我而家係太空學院讀緊都讀得幾hea下,而且yr6又係悶野,但yr7打後係d日文動漫/日劇/新聞等等既主進修course,好似好有趣咁...
    你個邊去到一級其實係教咩架...

    31st Mar 2009 18:17 PM

    回覆刪除
    回覆
    1. 咦,我就係想轉去太空學院喎,我嫌而家太快快樂樂,同埋我唔鐘意本教科書(這也是原因嗎?),啲編排好鬼散,想搵個文型成日要死揭爛揭先搵到…
      我諗住報9月yr6…開始覺得太互動唔啱我…中學feel才是我杯茶…(可能我前世係隻填鴨…囧)
      31st Mar 2009 21:16 PM

      刪除
    2. Johnny 仔20/12/13 16:23

      如果你都轉埋黎,我地有一檯人係度啦,同埋我個邊都有唔少同學仔會繼續讀的,而且我又要再考過2級,其實現階段轉校都唔易LOR...

      31st Mar 2009 21:28 PM

      刪除
    3. 癡癡呆呆…坐埋一枱嘛?﹗(我話我咋…哈哈…)
      我常在諗…pa記advanced之後upper advanced兩年,太空學院又係兩年,不如趁早轉啦…
      仲有個考量就係太空學院平好多…哈哈…
      (快去那個祖國網看能力試教材吧…真係好強大﹗)
      31st Mar 2009 21:32 PM

      刪除
  4. Mr RiceBall20/12/13 16:22

    我以前日日唸經,唸了一會去日本,活像個白痴,人家一兩星期就把在香港一整年的課程幹掉

    31st Mar 2009 20:52 PM

    回覆刪除
    回覆
    1. 咁你可能日日了,要分分鐘才行啦…
      密集不好嗎?﹗快啲上手…唔係邊有而家既你呢…
      31st Mar 2009 21:17 PM

      刪除

  5. 歡迎來參觀我地既blog丫~
    有好多耳環架!
    http://hk.myblog.yahoo.com/urshouses

    1st Apr 2009 09:16 AM

    回覆刪除
    回覆
    1. 小的皮膚敏感,只能戴穿耳時用的防敏感型耳環…用不著了…
      1st Apr 2009 09:42 AM

      刪除
  6. 可能Pasona啱我喎
    我d日文讀出來嚇死人 =-="

    1st Apr 2009 10:25 AM

    回覆刪除
    回覆
    1. 打個比喻…
      pa記教學方法有點似幼稚園的…主打係輕輕鬆鬆…
      中大/港大校外就似中學上堂,要坐定定的…~
      你可以試吓丫…pa記無乜壓力幾free的(主打係無test!)
      1st Apr 2009 10:44 AM

      刪除
  7. 我在PASONA開始左一堂商業日語啦,覺得先生幾好喎!成堂都好充實,先生不停咁講野,唔會悶親又TRAIN到聽力,學生又個個都有機會做角色扮演,逼你要識即時聽講。同學仔都好積極。所以我覺得著重聽講的同學可以考慮報PASONA呀!^^
    至於應試方面,我覺得都係要靠自己,其實報精雞班咪又係同你做PAST PAPER,不如自己做自己對啦。除左大陸的網站之外,大陸書店都有好多呢方面的教材,唔使成日對住電腦,而且賣得都好平。:)

    1st Apr 2009 13:10 PM

    回覆刪除
    回覆
    1. 估唔到你的老師就係我上個TERM的老師﹗哈…
      商業日語我未報過,要睇吓你的經驗先知了…PA記學費較貴,報得的同學仔都應該係心思熟慮過,SO FAR好少DROP OUT,同埋大家都好俾心機聽又捉住老師問,個學習氣氛真係唔錯架…
      雞精班真係做PAST PAPER同埋煲文型書,我常覺得呢啲野俾少少自發力既話自己做都得…所以今年煲一級就唔使呢啲錢啦,同埋CHUR日能太盡,又忽略了REGULAR呢…
      6th Apr 2009 13:52 PM

      刪除
  8. 我上個月先去完pa考入學試,但係我就唔到時間佢上堂時間,依家去咗另一間讀.. 一個香港老師,一個日本老師,兩個人輪流教... 最重要係小班教學.. 我個班得5個人....迫住你要講...

    8th Apr 2009 23:17 PM

    回覆刪除
    回覆
    1. 又真係好少人喎,而家我讀緊個grade班數少,所以人多咗…有時都無乜機會開口講野呢…
      一個港人一個日人都幾好喎…
      10th Apr 2009 23:13 PM

      刪除

  9. HIHI
    是說,, 我e+都係讀緊第一日語,,XD
    聽你咁講第一日語個老師GE教學方式,,
    我有D想知係邊位先生XD
    唔知可唔可以話我知呢!?XDD

    17th Apr 2009 01:02 AM

    回覆刪除
    回覆
    1. 我係上趙老師(女老師來的…)的班,你睇吓佢有無教著你讀的級別啦…
      不過我只上了一個月,因為時間不合,所以無讀了…
      19th Apr 2009 12:16 PM

      刪除

要講幾句嗎?﹗XD