2011/04/13

[港劇]再講《洪武三十二》…

幾難得有套劇會令我開播兩星期就寫兩次文﹗係﹗我睇得好入神的﹗

不過桐油呈終究是裝桐油,是是但但是無記精神嘛,今日睇微博說有人發現阿燕王馬德bell把「士農工商」讀了「土農工商」…umum …

原文在這裡。
  • 那一集…我邊看tbb邊睇碟…miss咗﹗其實士農工商係咪一個唔common既term呢?﹗(讀中史一定有架喎…篤…)土和農duplicate喎…well…。不過我諗若然劇本錯神,對歷史唔熟的人又真係幾難發現既…
  • 文中說燕王對住朱元璋自稱「本王」…我留意到呀﹗其實我想話無記古裝片成日都有「我家師」…(呃…source係古版《神鵰俠侶》…)即係咁,一係要白話就白話盡佢,要書面語formal的話就也徹底地formal,成日一半半咁撈,好好笑的﹗
  • um,根據呢水我煲番明朝皇帝簡史(我屋企好多貨…哈哈),um,太祖在兒子封王後係要佢地留守封地,而燕王既封地就係而家既北京,即係太祖時期係定都南京…呃,扯遠了,anyway,即是說啲王爺點解成日咁得閒喺京城同父皇議政既呢?
  • um,皇宮入面議政既畫面呢…應該逢係明清劇都係那個吧…呃,原來紫禁城係阿燕王後來做咗皇帝遷都到北京先起架喎…
  • 其實我想問啲王爺們應該叫自己做「兒臣」定「臣兒」呢?如果妃嬪自稱「臣妾」,咁皇子們係咪應該叫「臣兒」?
  • 其實我想查證究竟古代有無「時間」呢個term?有「光陰似箭」啫,無「時間似箭」喎,同埋日文漢字有「時間」一詞,但有好多日文詞語係明治維新時期新創的(如…電話)…um,我要考究吓呢個謎團先…

well,呢部劇真係挑起小的研究明史的動力啊﹗《靖難之變》我成日將之和《靖康之難》(睇得《射鵰英雄傳》太多了…),我總以為《靖難》有個人叫阿靖的…XDDDDDDD

話說回頭,睇睇吓,呢套野表面上係歷史爭權奪利野,實際上係《X-FILE》+《學警雄心》+《鑑證實錄》(或是但一套有少少法醫related野既…咦,歐陽bobby有套古裝版架喎﹗),雖然如此,但睇落都係ok有趣的,除了永晹公主把聲…um,是可以更好的。最後我想問,佢有原名叫朱樱架喎﹗點解啲人好似將永晹當咗佢真名咁?呢個唔係封號嗎?(其實會唔會有人以為咸豐真係叫咸豐呢?篤…)

即係咁,我又想睇吓會唔會又跌入無記紀律部隊劇的圈套(古裝歷史片變紀律部隊片…勁﹗),前頭就集中講和劇名有關的正事,中段開始就不停談情說愛呢?﹗都已經留了很多伏線…三保--公主--千戶大人--千三娘已經大把野講啦…囧﹗anyway,而家有得睇查案就睇住先,三保和千戶大人鬥智鬥力幾好睇的說。

突然中史了。哈。

******************************************************
講起《洪武三十二》,呀,洪武即係朱元璋稱帝的年號,講起佢真係不得不提羅樂林叔叔24小時死5次的事件,不禁要cop一cop立字留念。

創電視紀錄 羅樂林 24小時死 5次

2011年04月09日

貓就話有九條命啫,估唔到羅樂林都有六條命,不過無綫竟然喺短短 24小時內攞走佢五條命,真係冇陰功。
63歲嘅羅樂林最近紅過晒無綫所有小生,由朝到晚有《布衣神相》、《洪武三十二》、《女拳》、《誰家灶頭無煙火》,仲有重播嘅《皆大歡喜》同《七號差館》六部劇出街。點知佢喺《洪》劇演嘅朱元璋同《女拳》嘅莫平大前晚( 6號)先後死去之後,有網民發現佢7號喺《七》劇嘅孫全、《布》劇嘅無相子同《皆》劇嘅金華亦全部死亡,邪到冇人有之餘,相信羅樂林亦都創下電視史上一個紀錄。

網民立碑

噚日羅樂林喺電話度話:「我諗住一晚死兩次啫,點知啲網民咁犀利,有幾部劇拍完好耐,個角色我都唔記得。個女睇到好唔開心,話網民同我立碑,但我覺得人哋冇惡意嘅。」馮仁昭問羅樂林會唔會覺得大吉利是?佢笑住話:「我拍戲一向百無禁忌,由邵氏到家 40年,我大大話話死過 100次。TVB唔係特登,呢啲夾都夾唔到,我冇唔開心,反而覺得幾好笑,呢個紀錄相信都冇人破到。」佢話每次拍要死嘅戲,無綫都有畀利是,又話:「死晒o架啦,跟住落嚟嘅角色全部都係正能量。」

羅叔叔好幽默,「死晒架啦」好好笑~

今日又有一篇《羅樂林 24小時死 5次 轟動歐美 6國》,原來跟住4月8日重播的《烏金血劍》羅叔叔的角色又死了…即是42小時死6次…救命呀…點解會咁架…(sorry,呢單野真係睇一次笑一次…)

留念,值得留念。XDDDDDD:[港劇]好野重溫:羅樂林叔叔版《神鵰俠侶》

*******************************************
《洪武》發癲實錄:


[港劇]洪…洪…《洪武三十二》…
[港劇]《洪武三十二》…除…
[港劇]《洪武三十二》4~貼圖篇
[港劇]《洪武三十二》5~完場吐糟區
唔好意思我笑咗…

3 則留言:

  1. 4月8日重播 《烏金血劍》?邊個台?

    13th Apr 2011 18:20 PM

    回覆刪除
  2. 4月8日重播 《烏金血劍》?邊個台?

    13th Apr 2011 18:20 PM

    回覆刪除
    回覆
    1. 無記經典台,最近做緊《我們的周慧敏》…

      18th Apr 2011 10:56 AM

      刪除

要講幾句嗎?﹗XD