突然懷舊之蓮母篇(+演唱會後感)

又是一篇演唱會引發的突然懷舊文…即係呢，因為蓮母演唱會part 1好評如潮嘛，咁娘忽然興起說去睇，但我們買飛的時候已開售了一段時間，於是我們買了一個很值得紀念的位：The 山頂 of the 山頂，真係最頂那行﹗好爆﹗不過是有好處既，因為後面無人，於是可以喪打卡和real time跟網友討論(不過講講吓被另一個topic吸走了…哈哈哈)

um，蓮母的歌曲我係識大hit的那些，主打係90年代中前華納時期的，演唱會好多那一水(city rhythm？)的快歌都唱了，心野夜/三更夜半/燒/灰色/傾斜/推倘等都唱了(咦，但係無「尋一分鐘的戀愛而一分鐘可找到甚麼…」…叫…一分鐘都市甚麼一分鐘的？XDDDD)，蓮母好HIGH的不停FING(竟然在安室身上n年前無見過的fing頭舞姿會喺蓮母度見到…而佢一fing大家就喪叫了…)，真係好令人聞歌起舞的…(但我怕我碌落山喎﹗)

慢歌我唔識的更多(XD)，不過就咁聽都係一個享受嚟既，而識既舊歌好多都換了個新編曲，好幾首柔情慢歌變咗ROCK野(好嘈…有一部我覺得幾個佬彈晒結他咁係咪應該唱番咀《年少無知》…)…呀，個人勁愛和恭碩良合唱的《下雨天》，變了感性性感版…好正﹗唱《I swear》時終於見到silver阿銀真面目(雖然我獨自在山坡高處食雪糕其實睇唔到個樣)，同埋蓮母跟chorus 4人一齊合唱好warm~

一路睇一路跟同行友人(特此鳴謝佢食咗吾娘突然有事去唔到而多出的飛乙張)不停講：點解蓮母可以咁正咁勁﹗我覺得佢仲正過90年代suppose最紅那水囉﹗

****************************************************************
好似阿公那篇咁，等我順手又貼吓歌先~

第一印象之一(蓮母迷會反眼嗎？)…就係《肥碎歌星賀台慶》了﹗我記得當年好鐘意搵sk姐/蓮母/莎莉同男歌星(多數係郭城城)出嚟鬥勁歌熱舞(最記得係《燒》…火中的一個草原~~~~見：烈火天的歌)，之所以咁小的一路"型"住蓮母係一個跳舞歌手﹗XDDDDDDD…呃，但我搵唔到唔到同郭城城的片喎﹗得張天王咁京京既…(講起上嚟好似成日都係一個時期兩個女兩手鬥餐死，王菲冒起之前主打係葉莎莉跟蓮母，松田聖子鬥中森明菜呀咁((步姐vs安室？))…一個好似正路啲一個就偏鋒啲…um，我buy後者多喎…我又小眾了？)

第一印象之二：和王傑的合唱﹗(蓮母迷會再反眼嗎？)故事是這樣的…因為睇完《今生無悔》(92年)覺得王傑啲歌好好聽(而那水佢又確係好紅)，咁啱姨姨們又dub咗堆傑哥的歌，就梗係勁聽啦，《溫柔的你》都不知俾我loop了幾多次…隨時日再遠飛…難捨棄…溫柔的你~~~~~~~~

um，唔記得邊年睇有記見到有套片有哥哥和蓮母，極度n年前的，記得有《H2O》的…唔sure有無《愛情I don't know》，劇情係蓮母個角色好任性差闖禍俾人非禮…但我完全map唔番件事，search哥哥和蓮母合演而又有《H2O》呢首歌的戲…係有套叫《龍鳳智多星》，但我印象中那套戲好《0靚妹仔》feel架喎？唔通仲有另一套？﹗囧﹗anyway，想話呢，我係90年代初先開始留心地留意蓮母啲歌嘛，已經係city rhythm再有點女人味的形象啦嘛，完全linkup唔到《愛情I don't know》啲少女樣囉…囧﹗(更京京的是…首歌的原唱是聖子姨姨﹗囧囧囧﹗)

呢首《只可活一次》唔知點解我好記得，n年前在圖書館借了餅(注意係餅)蓮母精選錄下來之後就loop到而家聽mp3的年代了。好啦，我嘗試了解一吓點解，一search…係無記播過的日劇《はね駒 (跳駒)》(1987)的主題曲…完全唔知係乜﹗可能係睇過套劇所以一路記住首歌掛？﹗

《最佳男主角》，又是一首唔知點解好記得的…呃，我懷疑是因為聽呢隻歌而知道甚麼是「奧斯卡」…

講開又講，另一首《放縱》我成日以為係林楚麒(黃家駒女友…那位…)既歌，跟住先知原來係蓮母的…之後又就以為係林參加新秀的歌啦，search維基才知佢唱《蔓珠莎華》喎﹗又講開又講，一路我都唔記得首歌叫《放縱》…一路我以為叫「我空虛我寂寞我凍」…笑…(你看童年回憶多麼不可靠﹗)

《你是我的男人》…又又是一首唔知點解一路留在腦裡的歌，後尾聽精選碟時就叮一聲叫道：嘩﹗係呢首呀﹗而且仲可以跟住唱的…巧京京囉…呢首段英文：cause you are my man, I love you the best I can，跟《激情》啲: take my breath away...小學仔時聽唔明我係有認真地向啞老師求教架﹗果然三歲定八十，小的從小就聽歌學外語的了…(笑)

因為張太《17度》似《微涼》而聽番轉頭的，一開youtube又發現…咦，我聽過架喎﹗同時我經常將《微涼》和《早晨》撈亂的…

唔知點解我記得blue jeans為何許人物(有首《豈有此理》丫嘛…)但唔記得佢地同蓮母合唱過《下雨天》，話說我係到2002年倒梁fing琪拉闊跟snowman(swing前身)合唱此曲後，再搵番源頭先知道的說…

咦，唔怪得同行友人說part2個rundown跟part1大致上相同，呢首歌都係一樣的…(件衫唔同咗囉…)

呀，係叫《一分鐘都市一分鐘戀愛》呀…哈哈哈。sidetrack一吓跳去睇草蜢前年演唱會個version~(呀，草蜢前幾年同容天后做了一場拉闊，當中唱咗《住家男人》，覺得好好聽去search一吓先知原來係蓮母舊歌來的說…)不得不問：點解80年代出道啲手咁勁到而家4字頭仲可以又唱又跳毫無欺場既呢？﹗

mp3內唔知點解有首02年live的《破曉》，應該係演唱會假ending時華麗落台的一首吧？﹗好華麗好grand的，呢首真係好適合做ending…個outro例牌會有啲chorus重覆唱段歌詞幾次，蓮母隨住機關下台後大家就拍手歡呼同叫encore…哈哈哈﹗同我琴晚做既野一樣架﹗(不過我係鐘意首歌架吓﹗)

*******************************************************

(啲選擇係咪有啲太奇怪？﹗我唔係粉嘛…)以上。