2012/04/02

[港/韓劇]《On Call 36 小時》、《婦產科的女醫生》

遲是遲了點,不過本著小的對醫療劇的熱愛,也好奇咁高收視係咪真係咁好睇嘛(馬某明升上一線了﹗)…噢…掃雷小組出動了﹗

之前點解我無睇呢?呃,除了楊怡那個《真相》、《花見》、《阿sir》到呢套都大致相同的頭髮和那強勁的煙薰眼讓小的有點吃不消(其實我唔係討厭佢的,但硬係唔知點解越睇越覺得煩…係啲角色成日都懶係tough要追求真理咁嗎?)…呃…

um,又說,其實無記拍紀律部隊或專業人士戲,只要少一點bbq和婆媽感情線的話其實是相當ok的…(《ID精英》真係終極悶…係咪入境處其實無乜野好講((雙非?)),於是不停家族情仇和三角戀,之後再bbq…呃…我是為了17皇兄而走去煲的)…又說,醫療劇可能係專業人士劇入面比較正常的,可能因為老作不能,通常都有真正的醫生背後back住,既然真係有人教路就多點篇幅講番工作上既野啦,除了《妙手仁心》2和3不停玩昏迷和yoga(我講緊黎視后…那水唔知點解佢套套劇都會展示佢yoga技藝…囧﹗)有啲煩外,(可能無乜人睇過的)《紅衣手記》(護士界《學警雄心》,但因為學護轉制而出唔到街…我是為了bobo而一條龍咗…哈)和《仁心解碼》都滿不錯的,《仁心》講精神科滿有新鮮感的,雖然都有照dub《神探+你略》之嫌,也有點翻兜《妙手》/《皇庭》式的幾個麻甩佬你串我我串你,但抄/串得好睇嘛起碼,同埋終於唔一味急症室了…

這套《on call》嘛…一嚟…就是諗起…online…360…昂平360的朋友?﹗oh,是講實習醫生候命36小時的啦,前陣子首播時偶然會lap到啲,lap親都係黃智雯和楊怡就父母問題在嘈(後來才知是姊妹嘛…),要不就係佢二人都鐘意了馬明要研究使唔使讓愛(看來我是miss了無記劇定律之前前後後才有題材相關的情節啦…)…咁神經外科唔熟是啥…就放著一邊沒看囉…

看了幾集…我想點解新同事自我介紹時個個都有別號?(一件頭呀魚仔呀洋蔥呀咁)…呢個又係無記劇定律喎,逢係差人呢成team人一定唔會就咁中文名或英文名,一定唔知點解會有個別號的說…而…呃,第一集阿張醫生係咁鬧幾個實習醫生(特別是洋蔥哥咁囉)第一日返工乜乜乜物物物…嘩﹗touchwood講句我係病人真係好驚囉…你第一日返工?(又說要鬧人先有戲味,也是無記定律來的)…不過so far都ok,未有太多灑狗血的老土感情線…遲吓就難講…可以快飛的說…

另…點解做某科的醫生/主角就會有該科的病?下面寫的婦科醫生就大肚,跟住《妙手》Jackie跟《仁醫》南方仁個女友就要被男友開刀,then《on call》阿魚仔又話有事要生離死別(才有高潮嗎?)一番…囧﹗醫生們要選擇一番先夠戲味嗎?

另另,呢套劇首主題曲可能係近年難得唔係tbb藝人自己唱的主題曲…劇沒看但首歌聽到入咗腦…好神奇…(才看了一點點…於是內文都沒怎樣講劇情的…哈)

另一篇:[港劇]《On call 36小時》、《仁心解碼》
************************************************************************
<<<這是校草哥哥一條龍之3~《婦產科的女醫生》(<<<看到我的焦點嗎?)((校草有份做的《樹大根深》4集都俾我ko埋了…呢水真係為煲劇荒廢了人生…XD))

我想話呢,看了幾集,集集都要剖腹取嬰兩次(至少)…啲(道具)血個像真度比無記的實在高出很多,再睇阿徐醫生一刀割落去…一層肚皮打開了…跟住拎了pat豬腦咁既樣既野出嚟(是…胎盤?)…跟住剪子宮好似剪牛雜咁…then又從一堆血淋淋既野度拎pat血淋淋既bb出嚟…巧京京呀…(血的程度拍得住《仁醫》呀﹗)

conclusion只有一個:(《家有喜事》常騷mode)生.仔.好.痛.架﹗

阿女主角張瑞希(當然,我是唔識的)點解會戴啲咁花俏既帽開工?﹗呃…佢長髮時個樣有啲似SHE Ella喎﹗(anyway,據說佢之前拍了幾部很受歡迎的劇…當然我是唔識的…哈哈)…佢有啲似《救命病棟》江口洋介咁,果斷有本事但冷酷,很帥氣的,好難想像之前佢啲戲又有點灑狗血架喎…(上面講的剪牛雜就係佢主理的手術場口…次次都係佢鬧女林大人的﹗囧…btw,女林大人是實習醫生…有無on call 36小時呢?)

又嚟定律時間,左邊那位傳說是男二,女主的青梅竹馬好友兼同事(醫不孕症的),攪攪笑笑咁但又好識進退;中間男一(個樣勁韓劇男主角feel,悲情那種…)係小兒科同事,每次女主剪完牛雜拎了bb出來佢就會接手take care個bb,於是勁多同女主你眼望我眼的深情鏡頭,而佢係頭一個知道女主有孕…呃…會以溫柔情深化解女主的冷酷吧?﹗

咁女二呢?女二在那裡?佢應該會鐘意男一吧?(會是那位穿短裙suit的護士長?)

4/5/14後按:無意中click番入嚟睇到呢幅相,發現左邊那位傳說的男二…係《high kick 3》入面智錫舅父喎﹗囧﹗

<<<繼續誤焦點…幾型丫嘛呢幅相…哈哈…

呃,咁呢幾集都係女主工作果斷英明,但在自己懷孕上猶豫不決,then每一天在收症的孕婦身上感受到生命的偉大(something like that),咁佢之後又肯定會理解到自己除了幫人地的新生命降臨外,自己肚裡都在孕育緊一個…感受到個使命咁…then男一和二就守候在佢身邊…呀係,爬博文時自我穿橋了,據說是前段係快步速講婦產科的工作,之後就會轉移到女主的感情線上的了…

囧﹗又係咁…我又可以32x ff架啦喎﹗

看來我都係繼續誤焦點算了﹗哈哈…
*********************************************************
23/4/12後按:

呃,經過16集的剪牛雜生活後煲完了,還好感情線是不太拖拉的,雖然有點故弄玄虛,不過都OK既,要交代的都交代了,沒有要生要死咁。反倒是阿外遇男拖到最後一集都未同向徐科長切斷關係…呃…。同埋點解徐科長有極BB都仲咁slim?又說佢唔做檢查又唔理佢又照成呢樣成那樣都仲可以keep住個BB?啲為了生BB而攪到差點送命的產婦真係慘啊﹗

另一條感情線女林大人和金護士反而幾sweet,雖然前頭佢地成日相睇跟住安醫生(即係女林大人)又話自己屋企呢樣那樣有啲混亂…呀,最後,乜可以喺醫院攪婚禮咁開心?最攪笑係女林大人行禮在即仲喺產房同產婦接生…哈哈哈…。同埋佢同另一個實習醫生好似成日都一臉倦容,都係要on call 36小時的嗎?

又說,點解呢個產房會男醫生多過女醫生?咁始終係婦產科,女士…梗係(直覺上)覺得由女醫生幫自己會好啲吧?﹗

最後…呃…生仔真係好痛…呃。

6 則留言:

  1. 其實我真係覺得仁心解碼好唔錯,可能因為係講精神科,比較有新鮮感
    我都覺得點解個個專業人士都會有花名,無論醫生,警察,消防員都會有,律師好似就比較少啲(咁諗返真相都好正常,全用英文名,唔知係咪因為唔係重頭戲所以都懶諗花名XD)

    回覆刪除
    回覆
    1. 對啊,《仁心解碼》啲人腳和題材都較有新鮮感,而且啲互動好好笑…

      又係喎,《真相》無乜特別改花名…其實我諗大家熟咗會改花名唔奇,不過第一次介紹自己,而且係formal的場口,應該都係講番自己中英文名吧?唔會懶係熟咁叫人叫自己花名架…

      刪除
  2. 馬明其實在律政呻吟王已經叫升上一線了吧(一線尾二線頭咁啦)

    另…點解做某科的醫生/主角就會有該科的病?下面寫的婦科醫生就大肚,跟住《妙手》Jackie跟《仁醫》南方仁個女友就要被男友開刀<<---妙手3先過癮,心臟科的陳豪母親心臟病發,婦產科的邵美琪陀著個有唐唐綜合症,骨科的吳美洐有骨癌。

    無線實在不善長寫感情線,感情線也可以寫得好看,但偏偏無記寫得婆婆媽媽之餘又不管劇集適合與否也質條感情線落去,最佳例如是巾幗2,本來很好看的,特別是頭幾集簡直看得目不轉睛,但之後變了晴晴羊羊的談情戲份簡直急轉直下。

    回覆刪除
    回覆
    1. 馬明《律政2》都算係男主角啦喎,我諗佢彈出係《鐵馬尋橋》(?)和《女拳》做奸佬那一水(雖然我覺得浮誇,但我的品味通常和收視相反的…XD)…《真相》佢只係得一個CASE的戲但都好出呀…

      哈,你講《妙手3》真係好爆喎…呢輯我無乜心機睇,人腳都唔同晒,而且又不停感情線,好煩,已經唔係《妙手》甚至《皇庭》那種感覺…

      無記的感情線永遠都係那條FORMULA,認識相戀第三者分手再重聚,重聚時又總係會有絕症生離死別一番咁,真係感動唔嚟囉,但又唔敢放手寫少啲感情線側重事業那邊喎,其實《衝上雲霄》我不太睇得落去的,反而覺得《真相》好出就係咁解囉…

      刪除
    2. 很多人說衝上雲霄是神劇,我絕不同意,它只是一套在外國拍的普通多角戀婆媽劇,這劇更是令我開始討厭囧囧的開端,聽說要拍2了...只會為了o靚坤而看。

      無記近年口碑好的劇如真相、巾幗、鐵馬都有個共通點,就是甚少感情線。

      刪除
    3. 同意,無疑有sponsor可以睇到機司、空姐工作和training的情況是很有新意的,但啲感情線真係好老土,例牌的三角戀,仲要幾條三角戀疊住,好煩,首播時我沒看,上年睇番,其實…是不太感動的…

      囧個角色好在當年佢都仲算fresh和清新,演個咁煩和多事的女仔都仲叫ok…但…實在佢既演出好似之後幾年都無特別改進過咁…

      《巾幗》我好鐘意佢將柴九哥和四奶奶那種介乎識英雄重英雄和友情又有點愛情之間的感情,無明言但觀眾又會感受到佢二人的感情,唔似其他劇總係要畫公仔畫出腸的說…

      刪除

要講幾句嗎?﹗XD