[港劇]《回到三國》之科技也回到…

這一部本來很期待，到播的時候又無乜心機追(看得太多穿越劇之過？)，只係食飯時斷斷續續的看了。除了第一集今日才完完整整看足成集…太爆炸﹗我竟然有幸欣賞到曹操50萬大軍追擊劉備大軍，然後張飛如何聲震長板橋…太震撼了，弄得我想賦文講番兩咀…

• 我明，無記一向啲千軍萬馬都…UM…是十分千軍萬馬的，見報紙話啲打將場面不及《尋秦記》半分，我諗都係爭啲咋掛…今日一睇…真係一個新境界﹗(智勇？﹗男人心一字馬﹗﹗﹗哈哈哈)
• 據說拍呢套劇時剛好臨記罷工…這是臨記唔夠用的原因嗎？曹操的50萬大軍…畫面上的人數應該比平時遊行警方跟主辦大會報的數個差距更大…真係太爆炸…
• 我明，去到長板橋追擊劉備時曹操落咗令分小隊包抄嘛，所以人數少是合理的。好了，至爆炸係當張飛聲震震斷條橋曹兵收隊走人時…得幾丁友囉…跟住地上又無幾多條死屍喎，copy & paste幾個都好丫…
• 而的確，我係唔見有馬的…XDDDDDDD
• 而那條橋…假到無朋友…啲畫面做得仲頹過去年神劇《洪武三十二》結末燕王攻建文帝喎﹗有馬架嗰次…
• 《尋秦記》認真地出遠門拍攝，啲草原都真啲丫，咁《回到三國》同佢比又唔公平既。頭先個長板橋、啲軍營(也是c & p的﹗)既畫面好粗糙喎做得，連《洪武三十二》都比唔上囉…
• 又係長板橋，雲信叫百姓步伐一致一二一二咁行時，係咪喺電視城個城門頂度拍，跟住cut落呢條疑似橋和河面的東西度？又是一個假到爆的combination…配合曹操消失的50萬大軍…成個畫面真係好震撼…
• 除了《洪武》，連十幾年前95《神鵰》結局襄陽大戰都仲多老臨過《回》喎…起碼pan遠鏡時係見到好多臨記哥哥扮死屍…咁先似大戰過後既場景架嘛﹗
• 係咁challenge戰爭場面添…除了老臨呢，連啲武打都好hea，趙子龍、張飛、關羽上陣殺敵無馬騎要自己行都算啦，一刀劈落敵人身上血都無滴(關刀喎﹗)…之後嚴重就位都未high到臨記個身個臨記就飛樸落地…囧﹗《神鵰》的襄陽大戰動作指導真係認真好多呢…(好了…《回》唔係武俠片嘛﹗)

這是講人物的分界線…

• 好啦…唔講呢個啦…做乜劉備叔叔、韓良叔叔、關羽叔叔連踩兩場，930《護花驚情》又見到佢地？巧京京喎﹗前世今生嗎？(有啲係喺《愛回家》度overlap)
• um，我和娘的疑問，做乜攪到諸葛亮咁廢？俾雲信威？(因為馬明有電話問阿妹？)
• 咁又會唔會好似《仁醫》咁成日諗改變歷史的問題呢？
• 雖然從節目巡禮唔唱k變咗馬某明大家都好失望，不過馬某明都ok丫，做得夠放，要衰樣有衰樣，要奸有奸(alex﹗大c﹗《真相》呀﹗)…爆埋粗添﹗(pk其實出唔出得街架？)
• 至於林lone，拍呢套劇時爆出封箱戀事件喎…um…角色所限，佢係正常咁囉…但真係點解佢既智謀唔及雲信又唔及佢老婆呢？(梁嘉琪又一套劇了﹗)
• 楊怡啲妝好勁囉…佢今次做婢女喎﹗點解都仲係咁勁眼睫毛？我明，日拍夜拍個樣殘…咁拍粉囉…唔使咁勁眼妝嘛？﹗紋上去架﹗？
• 呃…我明，無出外景嘛…咁乜朝代都係那個古裝街…但啲衫又咁眼熟既？﹗好似《東西宮略》又係呢啲…《宮心計》又係呢啲…睇《洛神》(時間exactly都係講曹操丫﹗呢套一開始係講佢挾天子以令諸侯呀﹗)唔係呢啲郁架喎﹗跟住睇《美人心計》漢朝郁也不是這樣喎…umumumumum…(可能隔咗成個東西漢個trend已經唔一樣…)

看來都係唔好咁認真。而本來唔認真的地方…穿越將現代野擺喺古代，即《尋秦記》大部份笑料的來源…竟然唔好笑﹗連節目巡禮啲hello mimi都及唔上半分呀﹗反而係啲千軍萬馬場面有夠爆笑…呃…是特登的嗎？

咁套劇入面有無巡禮啲double gas呢？

美男子周瑜出場了…我係咪要認真睇呢？﹗XDDDDD…17皇兄喎﹗(個周瑜郁每每令我諗起《洪武》的17皇兄…囧)

《回到三國》tbb主頁
[港劇]2012 TBB劇集前瞻
[港劇]2012 TBB劇集前瞻(更新版)