[韓劇]那些年之《回答吧1997》

在友人大推之下小的就好奇去看一吓囉，好危險，會對號入座架﹗當…人在風暴中…無奈的打轉…回望當年純真歲月總係不忍懷緬過去常陶醉…

(雖然我話有那些年feel…但我其實無睇過《那些年》…哈哈哈﹗)

演員陣容我只認識有演《愛情雨》的徐仁國，其他…是唔識的﹗哈哈哈﹗而劇中成日出現的HOT…我諗我聽過但都係唔識…但迷偶像迷到話係自己老公…死囉…我有喎﹗囧

咁樣一字排開行出嚟…好《紳士的品格》FEEL喎﹗ 其實呢班人都SORT OF《紳士》中年F4 FEEL，佢地就係由中學玩到大的4字頭中佬，《1997》幾個就係3字頭，《紳士》4個中佬已經係生活無憂高度有錢MORE THAN中產FEEL，《1997》一開始詩源講了少少而家做野點樣高不成低不就…死囉，代入度更高﹗哈哈哈﹗

 嘩﹗又同《紳士》一樣一嚟就去喪禮﹗

鏡頭一轉去到1997年，那時唔係用緊WIN 97(或95啦)啦咩？ 呀，都好似仲有用DOS既…如果我無記錯，呢啲白色大MON我用到03定05年上下先轉LCD芒的說…巧京京啊﹗

BUTTERFLY﹗超京京﹗我覺得呢首歌超煩…仲有另一首《BARBIE GIRL》也是超煩…但唔知點解當年明明我都唔鐘意聽英文歌但因為超鐘意98世界盃的主題曲《LIVA LA VIVA LUKA》(我是亂拼的…哈哈) 我走去買了啲MAGA HIT甚麼的雜錦碟…聽聽埋好多呢啲跳舞機歌…煩到無朋友…點解當年我會做得出為一隻歌而買一隻碟？

哈哈哈﹗我大笑了﹗當年我就係咁左手拎電視右手拎錄影機搖控喺度錄節目，仲要好好心機咁樣CUT片頭CUT廣告，仲要可以既話親自返屋企操刀錄，因為叫我弟錄實錄到亂七八糟，較時間掣又有廣告CUT唔到喎﹗話說…等了5年終於等到《神鵰》重播時我真係日日飛奔返屋企逐集錄…風雨不改60日…我覺得我好勁﹗(而…當要留校補課時我就如詩源咁扮病扮唔舒服早走…XD)

 

GUESS原來是?不是﹗架﹗而我不知道喎(我都唔鐘意呢個牌子…90年代我係鐘意THEME/BODY GLOVE和愛搭的士架﹗)…睇到上圖啲老翻野我忍不住大笑了﹗話說好細個(AKA：衣著仲要俾阿娘控制)的年代呢…阿娘有時唔理咁多行過見到OK就買，我著過名牌老翻衫的…紙巾用過TINPU而被同學喪恥笑過…又試過貪得意街邊買BOY LONDON…但到初/高中自尊心就來了…嘩﹗我一係唔買，一買就梗要真架啦﹗所以當年平野BOSSINI/佐記/U2係恩物囉…買唔起LEVIS既就著YORK囉…買冒牌寧願唔買囉﹗

 呢個中間分界頭仲可唔可以90年代啲呀﹗(我諗…每個90年代的男生都一定梳過疑似郭富城+杜拉格斯頭吧﹗)

帶帶帶﹗97年我都仲有聽WALKMAN吧？(應該係既…)…DUB帶無疑是一種樂趣呢，但我無記錯的話當年都應該有DISCMAN啦…但那部6舊幾水的機是相當唔掂的，PLAY到尾之後唔識翻轉頭再PLAY過，又無避震，更加無耳筒附的搖控，吓吓都要拎部機出嚟按掣…是相當麻煩的…

慣了手勢，而家就算用手提聽歌我都堅持要HANDFREE上有掣按去聽歌較大細聲的說…

呀﹗我試過呀﹗較預錄時先要在錄影機台較好要錄的頻道，如果有人唔生性喺預錄時間前轉過去第二個台，又或者睇過帶唔換番餅帶，又或者直頭唔記得熄番個錄影機…好大機會會錄咗第二個台又錄咗喺第二餅帶…就人間悲劇了…錄錯係悲劇，錄了在第二餅帶係悲劇，最悲係家人唔理求其塞餅帶落去錄就算…洗咗餅帶入面啲「珍貴」片段呀﹗

轉帶﹗哈哈哈

我好似無乜講過劇情呀吓？係咁講自己野…哈哈哈﹗咁我開始睇第一集之嘛，讓我先CAP吓圖講兩咀快快樂樂對號入座回憶文吧，等我睇多幾集再講劇情啦~~~啦啦啦~

《回答吧1997》@維基
完成後感：[韓劇]《回答吧1997》…終於睇完了…