2012/09/25

突然懷舊之2000s心水選

無呀,遊博時讀到讀友一篇"《回答吧2000》-廣東歌情意結",突然很有mood想參一腳數一吓…之前數過一篇奇/畸歌嘛﹗XDDDDD
襯番蕭公子有份演的《天梯》正播緊,咁先貼一首佢有份唱架啦~

《特別鳴謝》關心妍、蕭正楠
如果我無記錯,呢首應該係二人拎完男女新人金獎後出的,食住拎獎的氣勢之餘又炒作吓疑似緋聞咁…但認真我…我好鐘意聽呢首…哈哈哈﹗無論當年聽MD定而家聽MP3一路存在電腦內(注意我已經換過好多次電腦啦喎﹗)﹗可見我聽得幾神心﹗奇怪地除了呢首我仲好記得《你想我點》…我覺得OK架﹗至於楊太…除了開首的《亂了情人》之外…後來的…一個字…悶…(仲要悶到而家…囧﹗)

《羽毛》陳BOBO
BOBO姐唱歌真係…哈哈哈﹗而佢同李蘢兒姐唱歌都真係…哈哈哈﹗但二人合唱的《時光中飛舞》我又竟然覺得好聽﹗幕後揀歌的人真係居功不少呀﹗而佢兩個獨唱的《夜遊杜拜》和《羽毛》又係一個好聽喎﹗

《旋轉門》陳司瀚
陳天后細佬呢…UM,咪就係陳天后細佬囉,當年因為佢CLAIM自己對歷史好有興趣所以我留意咗一野…我想話佢真係太似陳天后了﹗(咁都唔得?﹗)呀,OT。UM,我係好喜歡《愛與和平》的歌詞,將飯島愛食字食「示範傾倒所有愛,嬴盡喝彩」…幾得意呀﹗但我無記錯既話呢首歌應該係林夕填詞的…陳天后細佬聲稱佢有填吓詞咁嘛…但YOUTUBE竟然無呢首歌…咁貼住另一首我都記得的《旋轉門》先啦~

《有幾壞》陳冠希、鍾欣桐
而家聽番首歌簡直字字珠機句句有骨,但小的…堅覺得呢首幾OK架﹗兩個唱歌都唔掂的人弱點都給掩蓋了…男的RAP住唱,女既得幾句仲要無乜高音位唔怕走音,得咗。SERIOUSLY,陳生呢啲懶HIP HOP既歌我覺得OK架(笑)…《香港地》直頭覺得感動架聽到﹗

《越錯越愛(極樂)》何嘉莉
呢首同《兩種人》都係一時K場熱唱喎﹗(我啲TASTE係咪太偏?﹗)…其實我唔記得呢兩首係咪千禧後了…哈哈哈…應該9字尾00初吧?《兩種人》係《古惑仔少年激鬥篇》其中一隻插曲定唔知乜歌…每次唱K大家就一齊「痛著愛…笑著吻…你共我是兩種人」~~~~~《極樂》就無乜人識(所以我可以獨唱﹗)…好似係CASH啲參賽歌來的…聽一次就好鐘意…好唔偶像嘛﹗我鐘意偏門野呀﹗

《目的地》張柏芝
咦…呢首係1999架喎﹗其實我想貼《綿胎》但你管無呀﹗貼住先啦…咁前謝太和容天后同期出道當年係激鬥過嚟,咁前謝太明SELL令樣…佢唱歌都幾京京的…(尤其是一首「怎麼會那麼BUT~~~~~~」…嚇到人死都能復生…)…但呢兩首我係堅覺得好聽的…XD。至於容天后,我好懷念《未知》、《這分鐘更愛你》和《LOVIN' U》…SORRY,我停留了在頭兩隻碟個年代﹗哈哈﹗

《水花四濺》何韻詩
喺我無啦啦聽番的《艷光四射》年代之前…小的最入腦就係第一隻碟《FIRST》…同兩首《水花四濺》、《未來》…當事人聽到會暈嗎?﹗XD…數得EMI啲歌…我係咪要開番個俾SHINE?(雖然當年我聽嚟聽去都係《燕尾蝶》和《曼谷瑪利亞》…)

《風箏與風》TWINS
有一個年代我地去唱K係要揀邊個做阿嬌邊個做阿SA的…XD。雖然二人唱歌仍然相當難聽…但好歌委實也不少…除了小的萬年至愛《女人味》之外仲有呢首…認真地覺得好聽…仲要懶係二部咁疊住唱…好有SKILL架嘛﹗(笑)

《XBF》薛凱琪
費公主喺呢個LIST度係咪算後輩了?﹗又是唱k之過有位同學仔勁鐘意呢首去親都唱…唱到我都跟住次次點,反而無視了應該是最hit的主打k先生那首了…

《星晴》周杰倫
last but not least,其實諗起想寫這文第一首想起的是周董的這首…哈。其實小的不知r & b為何物的,只係聽過陶吉吉的《沙灘》、《普通朋友》之後覺得好正,偶然聽到周董第一隻碟既呢一cut(我懷疑都係有人唱k時點的)…就著迷了…仲走去買咗隻碟嚟聽添…不過只幫襯了佢第一隻碟…之後都無買了…加之於…佢好chok呀﹗

4 則留言:

  1. 《夜遊杜拜》正野黎架

    回覆刪除
    回覆
    1. RE:灰先生

      係,無論幾多年之後都會記得﹗

      刪除
    2. 《夜遊杜拜》係聽CD版,係studio千執萬執出到黎都可以仲係咁,李籠怡真係勁到全身膜拜!!!即係張柏芝把聲咁,都可以執到「聽得入耳」!但本身首歌真係好好聽。

      阿fi都好後啦…果樹都已經係cookies解散埋LU…

      刪除
    3. RE:caroline

      哈哈,我鐘意你用膜拜嚟形容…真係巧京京…陳bobo和張柏芝都係咁上吓,大家唱歌好似讀書咁…但度唔好走音就算啦…

      阿fi真係算偶像之中唱得相對ok的…seriously…

      刪除

要講幾句嗎?﹗XD