2012/11/11

《寒戰》…

聽收音機主持介紹完後,因為郭城城性感(但極CHOK)的聲線,和劉華升呢做保安局局長,我決定去睇﹗嘩哈哈哈﹗

咦,我係咪誤焦點咗?

  • 一開始架EU見到欣宜和韋家雄,跟住有錢嘉樂和JJ…突然件事好TBB添… 
  • SORRY,見到梁家輝我還是諗起《黑社會》…哈哈哈﹗跟住見到劉華和郭城城就諗起《雷洛傳》,劉UNCLE從學堂出嚟做吓做吓做到保安局局長,我好感動啊﹗(嗚~~~~~<<OT的﹗哈哈哈)
  • 究竟楊CHARLIE仲有幾多套戲同郭城城合作既呢? 
  • 呀,完全OT晒添… 
  • 咁我唔知套入面啲程序呀、條例呀幾成真幾成假,不過個故仔講到警方高層既野題材都幾敏感,呢種勾心鬥角得嚟又比較少見的題材就有興趣去睇一吓囉…
  • 梁和郭兩個疑似下一任警務署長係對立的嘛,咁角色上都有對比,一個就大大聲外向型啲,一個就深沉啲收收埋埋的,郭城城不停壓低把聲講對白,好CHOK(性感了?)…同套戲好似格格不入咁…
  • 一開始個脅持EU車引發警隊危機,又爆MK又爆金鐘,爆到連飛龍都跌埋落街,啲畫面好強大啊﹗忽然覺得係咪有寓意既呢?﹗(我諗多咗?)
  • 又說我唔清楚警隊啲程序呀咁啦(我的認知係靠電視劇咋嘛),咁危急情況用非常方法係正常既,不過都唔係一個人話OK就升一級介備,跟住又話拎錢,好似咁兒戲咁既?
  • 而…ICAC那方的雄風(笑﹗)收到匿名爆料資料,查證過係真既就同老細講拉人,對方係警方的副署長喎﹗俾梁家輝串番轉頭真係抵佢死…
  • 套套戲都在估來估去究竟邊個係內鬼時,捉咗一大輪竟然係阿爸攪掂個仔…囧﹗(又唔似係父子同謀,咁個仔邊度嚟咁多資料又BLOCK CHANNEL又BLOCK RADIO?﹗無阿爸的RANKING無理由有咁多SOURCE知道到架嘛?)
  • 林家棟我仲以為佢會有乜大作為,話晒佢無啦啦轉CHANNEL由梁家輝轉去郭城城那邊架嘛,但佢似奸奸地後轉頭就被做低了…
  • 錢嘉樂就係行行企企食飯兩味囉…
  • 嘩﹗《無間道三》個中區警署升呢做警察總部了﹗同劉華一樣升呢了﹗
  • 片尾有人CALL郭城城要佢放李sir個仔…係咪會有下集?咁下集劉華會唔會再升呢做特首呢?﹗
  • 雖然我係咁challenge這個challenge那個,不代表我覺得唔ok呀(代表我無瞓著有認真看啊﹗笑),這片港味濃,文戲有火花之餘,動作位又飛車又爆破,啲twist位都有心思,但係咪因為篇幅唔夠了?如果ICAC查案那邊著墨多一點就好啦,佢打老虎應不容易架嘛﹗
  • 套戲整體是ok既,不過係好似有啲位太兒戲咁啫…
另,之前《華麗天后》未上時播預告前就(我去ua睇的)播首主題曲一千五百萬次,今次就有威利人那套甚麼《上位》定…甚麼?﹗首主題曲出奇地是ok,只係短時間內喪loop真係好煩…

另另,當播完一大輪預告片都未出現廣告我心中一喜,突然有喎﹗呀﹗係郭城城個pccw呀﹗那首歌不知怎的用番佢十幾廿年前個雞仔聲唱腔,很京京。但都好,我真係好受唔住fancl個廣告…典知…卒之都係有…好在唔係留心牛個「我要健康,我要消脂」啫…勁煩喎那個廣告和slogan…

2 則留言:

  1. 因為城城那「天機?不可泄漏」太令我反感了不願入場XDDD

    回覆刪除
    回覆
    1. re:brownie

      睇呢套野之前播了一次個廣告…我明你點解咁反感了…因為真係幾煩…哈哈哈

      刪除

要講幾句嗎?﹗XD