2012/11/05

[港劇]umm…《大太監》

台慶劇又開播多一套,《名媛望族》太重口味,本來對《大太監》頗有期望,但睇完呢兩小時…um,就是徐徐的去更衣沐浴,即係呢,我唔覺得悶,但又未至於有追看的意欲…係咪我俾《戲說慈禧》影響太深呢?有啲頂唔順呢個中(?)年版喎﹗

我是history人嘛,是有一點潔癖的,原來小的多年來鐘愛至極的《戲說慈禧》被維基說是側重於歷史而劇情嚴謹的喎﹗(我記得劇情有講中年慈禧跟唔記得係咪榮祿一夜風流後有b喎…是真的?﹗噢)…講得遠了…即係呢,可能係我俾舊作影響太深…睇《大太監》時不禁諗住個大字…是大在…年紀呀﹗

如果我無記錯慈安係比慈禧小幾歲的,但因為身為皇后於是任憑慈禧母憑子貴都係壓住佢。呃,毋疑米雪姐姐保養得宜,加上古裝劇奉旨厚妝(但如果我無記錯,拍呢套劇時係咪撞正尹佬過身?),咁佢確係比真實年齡看上去小…但都未至於跟邵美琪差幾歲掛…又說,以小的煲埋煲埋的歷史書和劇集電影(呢個時候我諗起《慈禧的秘密生活》…哈哈哈﹗),咸豐死掉時同治才六歲,慈禧都係廿中(好似係27?)…嘩﹗米雪姐姐都仲未挑戰到劉曉慶姐姐扮十幾歲武則天的霸業…

咸豐死時好似30出頭…咁演佢六弟的張國強…應該幾多歲呀?我巧京京囉﹗睇呢個卡士同呢班人(我未mention柴九哥添﹗)我一路以為呢套劇開始時係光緒年代咋﹗典知佢表哥同治才9歲,佢舅父先剛剛過身咋﹗我表示震驚了﹗

又說我無記錯的話安德海係喺同治親政後才被造低,跟住李連英先上位的…而家皇上才9歲…睇維基…話安德海23集先被斬首?﹗吓…咁柴九哥幾時先升lei做坐上第一把交椅…

睇劇情…呃…點解啲角色介紹時要寫名男定女?驚我睇唔出嗎?﹗囧﹗

um,雖然年紀好似偏大了(個故事發生時間跟演員年紀…好似早咗廿年囉﹗)…但感覺好似無《名媛》講英文咁做作,張牙舞爪的努力舞,扮可憐的繼續扮,懶係講吓奴才的悲歌跟住先顯得出人頭地幾神氣吧(維基說李連英最強大的是小心行事…跟劇中柴九哥有得揮喎﹗這是最跟足原著的地方了?﹗)…um,其實見到柴九哥和胡定欣…又係你兩個﹗我諗起《法證先鋒》呀﹗跟住見到鍾景輝和二少…不如搵埋17哥來個《真相》律師變太監變奏版?﹗

嘩﹗睇番10年時的11年節目巡禮,原來有巴士高演光緒,唔怪得我成日覺得有同治唔妥啦﹗原來唔係我錯﹗係我有文為證呀﹗哈哈哈哈…

講咁多無聊野…呃,其實我想話我追看意欲不大…囧﹗(但呢套應該點都正經過歡樂之選《萬凰之王》吧?見到胡定欣又做宮女我真係諗起《萬凰》架﹗)((咦,唐詩詠會做被慈禧逼到吞金自盡的新抱同治皇后喎﹗同時又見到有陳國邦…我諗起另一套爆笑之霸《紫禁驚雷》耶﹗)

以上。

4 則留言:

  1. 完全唔明點解d太監咁man咁好中氣

    回覆刪除
    回覆
    1. re:灰先生

      我睇《中國最後一個太監》莫少聰都無特別la聲la氣喎﹗
      哈哈哈

      刪除
  2. 科學點說,真的太監是不會像以前TVB演的那麼乸,被閹割後沒了男性賀爾蒙分泌,除了不能人道外就是聲線變尖和不長鬚,像未發育的小孩子那樣(當然未發育的小孩也能勃起,因為小孩只是男性賀爾蒙不多,閹了後是沒有),未發育的小孩子也不會乸吧,聲線較尖劇中人也演
    得出。

    王老虎搶親KK的劉瑾、尋泰記江華被閹後也沒怎麼乸(現實的WYMAN、蔡一傑沒閹也很乸)。

    最記得中國最後一個太監為了雞髀沒了寶貝,還要成個清朝摺埋黎炒佢魷魚當不成太監,真慘。

    回覆刪除
    回覆
    1. re:WINSON

      我諗都係無記啲typical的sterotype,基的人和太監都係乸乸地咪就係咁囉…

      《中國最後一個太監》我睇到好心酸的,呢頭淨身嗰頭清帝退位唔使再要閹人了…人間慘劇啊﹗如果我無記錯,好似仲有羅文演出的說…

      刪除

要講幾句嗎?﹗XD