2012/12/25

Namie Amuro 5 Major Dome Tour 2012~20th Anniversary Best~

我只知道Wowow電視台12月尾時播了某人的《The Cri Show 2》咋﹗原來…竟然…播了我另一飛佛的Dome Tour喎﹗

好感動啊﹗急不及待想快啲到三月見到安室真尊來港呀﹗(唉…但我會搶到票嗎?)

就說熟啲歌係唔同啲…雖然我是97年尾安室宣佈結婚產子出精選時先中毒地怒煲《181920》,數數吓都聽咗咁多年,已經入骨地可以跟住唱了…(雖然好多歌我無細心研究過歌詞講乜的…哈哈哈)

紀念20周年嘛,於是之前舉行了一個選Best single的活動,說是頭25位和新碟的幾首收錄single都會喺tour度表演…咦,有啲係cut咗喎…那首甚麼《愛してマスカット》無啦先起碼…話時話…當年的小朋友安室個樣勁似李綺虹(笑)

《Body Feels EXIT》~一路我都唔明點解係讀「波地field egg sit 菇 sit」同埋「波地field egg sit 菇 site」…到底有誰能夠告訴我?(咦…我做咩tag郭城城既歌呢?)…其實呢隻歌我麻麻地,淨係好鐘意睇97年《Concentration 20》個live的黑色皮縷黃色間的郁怒跳勁唱(仲有個藍色eye shadow…呀﹗)…型到呢…我成日想問…咁樣企喺樓梯度跳舞唔會仆低?同埋黑媽媽點樣走位呢?(做乜我咁多野問﹗)

<<<<dome果然是dome呀﹗睇97年個20歲專心成長(<--好難受的台灣譯名) tour時第一次見識巨蛋到底有幾巨,當時就心諗咁坐山頂的人連電視都睇唔到架喎…我支持得安室太遲了,到我追佢啲新碟(即係98年復出之後)佢就一路頹,live的場地越開越細,碟又越賣越少…等到05年回勇,終於等到重踏dome台板…個感動係有幾感動呀﹗(謎之聲:連某人都可以喺dome開show…no offense…真心覺得某人上年個dome live很流fei啫…no offense…我係鰻魚嚟架…對今年的Cri Show都有期待…不過我寧願去睇碧班之嘛…笑)

《How to be a Girl》~如果我無記錯,97年個live《Body Feels EXIT》(啲大細草真係好煩)之後就係呢首,真心覺得爆型…同埋個MV係喺地車度行來行去…行到model咁…型到癲…(<--原文直述,97/98年時睇的觀感…)…簡直相逢恨晚,點解我唔早一兩年聽佢啲歌呀﹗
安室啲live幾乎個個都係上面一個台跟住有樓梯(而樓梯都係跳舞的地方…),如果個場大就有T台伸出嚟,唔係就左右兩個都有個細area(加埋佢一定會奔號去兩邊),呢個台初頭唔覺有乜特別…從上pan埋去…嘩﹗原來係好多個細台…個形狀…是爆炸嗎?

《Hot Girls》~ 新碟的歌曲…那句"Hot girls make the world go round"就咁聽好似無乜野…但跟住唱就會舌頭打結…而…成首都係英文…跟住唱一流…哈哈哈﹗無rap呢吓最緊要啦…
《NAKED》~呢隻我無乜特別感覺(其實都幾可以跟住唱的…)((竟然在best single度係第19位喎﹗仲高過《How to be a Girl》))…唔係特別鐘意都唔特別唔鐘意,係好鐘意行出T台加埋啲燈光效果那一野…令我想起97年LIVE時《Whisper》啲effect…

《Get Myself Back》~癲咗咁怒跳一大輪後終於有一首係企定定的唱了…呢首排名第18…好強大喎﹗
 帶埋阿女嚟睇﹗同埋安室招牌動作…舉咪俾歌迷唱…

《GIRL TALK》~好記得歌詞有句「就好似Sex & the City」…就算日文歌啲歌詞真係乜都填得一餐落去的…同埋好鐘意05年定唔記得邊年的LIVE個台度有好似cocktail啲mushroom table,安室係同幾個女dancer圍住啲枱邊跳邊唱…真係好似傾緊計飲幾杯咁…
《NEW LOOK》~記得呢隻single出街時好強大的有沙宣廣告back住,三首主打分別係60、70、80年代做主題,啲郁又襯番晒咁啦,60年代的《New Look》cutie的…我鐘意《Rock Steady》多啲啊﹗
《Go Round》~第14位﹗都唔係舊歌世界﹗勁﹗也是《Uncontrolled》收錄的single歌…所以說這張碟勁耐聽…當年以來仲煲緊(難得喺小的怒煲泡菜歌之餘仲會keep住聽的日文碟啦﹗)
《In The Spotlight (TOKYO)》~見到個啦啦球我即刻諗起《wowa》啦…又唔係喎…呢首又係《Uncontrolled》既歌…超級好un…"I feel alive and tonight's my night I've got nothing to hide, I'm dancing in the spotlight"~~~~~(打英文用呢個括號好似唔啱啊?哈哈…唔理了…)((26/3/14後按:所以我改了﹗哈哈))
 間場片段…一路睇一路load番係邊隻single既郁…哈哈哈…

《You're my sunshine》~唱到斷氣無命賠…就算我是《Can you celebrate?》先開始聽嘛,我對呢系列早期的hit歌是相當無感的…
《Don't wanna cry》~ 呢隻歌喺呢個blog度既出現率是異常高,就是小的萬年至愛嘛…據說是當年安室好熱愛Janet Jackson那些黑人風的歌…就同小室講可唔可以整番那種feel的(小室當年怒玩電子野嘛…)…就整了這一首了…第3位﹗
好鬼鐘意中間music break時同dancer一齊跳兩吓舞,跟住一齊擺手唱「啦啦啦啦啦~~~」尤記得97年個live係第3(定第4…總之係頭),唱了呢首歌一段後就「縫」一聲的布幕從上而下跌下來…原來個台係好大架﹗(<--當年我是個可愛的小朋友啦…)

《RESPECT the POWER OF LOVE》~其實安室復出後小室同佢作既歌我係麻麻地(呢首是第10位…)…反而佢同洋人(忘了名…哈哈哈)producer合作的《something about the kiss》(第54位﹗)更合我口味…呀,呢首歌出的前後安室母親遇刺身亡…想必唱時都百感交集…同埋single封面上的膠條戒子和手繩曾經hit過一吓…我都有買過…哈哈哈…
《SWEET 19 BLUES》~我記得1996年個arena live時安室唱呢首歌喊到阿媽都唔認得,小室即刻彈了《don't wanna cry》的單音出嚟…warm到暈…。不過個人最愛係2001年復出的《Genius 2000》個live的版本,有兩位黑大叔叔和嬸嬸一齊唱和音,又加咗啲色士風,臨完時不停唱住"she got the blue, she got the blue" …好聽到癲…

呢首歌時back住不同時期live唱的甜蜜19藍調(<--也是很要命的台式翻譯)…真係童年現在一樣可愛啊…XD


《Love story》~竟然是第一位﹗其實呢首係近年新歌嚟講loop得最多也是最感跟住唱的一首啦… 初初我以為播的片係《不能戀愛的理由》片段(是主題曲嘛呢首)…但又唔係喎…睇睇吓似90年代啲KTV多…哈哈哈﹗


《Damage》~ 電影主題曲…這時才第一次聽…XD…(30/3/13後按:原來是《黄金を抱いて翔べ》…)
《Break It》~第23位﹗差唔多成隻《Uncontrolled》都唱晒了…

《YEAH-OH》~嘩﹗第5位﹗也是《Uncontrolled》的收錄歌…初初懶cool後尾就sweet覺得有啲精神分裂…係呢隻碟度比較無感的一首…(果然我的口味跟大眾是差很遠…泣…)…um,呢個時候星星台變了大堆喇叭了﹗

《Chase the Chance》~《The chef》主題曲,某年無記播過,那時仲未知安室是誰,淨係覺得首歌好煩係咁喺度"chance chase chance"、"just chase chance"咁…急口令咩﹗呢首真係會唱到斷氣﹗同埋安室表演左邊狂跑去右邊台了﹗(笑)((就說我對佢早期的歌比較無感…而那些係佢成名作喎﹗))

 《LET'S GO》~新碟收錄曲之一

哈…我cap得比較衰…但安室好攪笑…佢又真係唔多講野的…最多都係得一句半句多謝架咋…

 反咗光添…呢個牌係話會有令人懷念的歌…當我諗緊係咪《Can you celebrate?》時…

《TRY ME ~私を信じて~》~嘩﹗N年無聽過(基於無感…連MP3都無rip…)安室奈美恵 with スーパーモンキーズ喎﹗連《Body feels exit》都未出呀大佬﹗那時幾咁n年前的事呀﹗
《太陽のSEASON》~差啲唔記得點唱的n年前之作…XD
《CAN YOU CELEBRATE?》~終於嚟了…睇吓台下啲姐姐仔幾陶醉…呢隻歌好妙地本來係日劇主題曲點知變咗安室自己的一段人生路寫照…記得98年佢《紅白》出嚟時唱呢隻歌喊到阿媽都唔認得,和田秋子大姐和Max 4人一齊同佢抱抱,看到我都想哭了…(不過NHK說佢有紋身逼安室遮住,卒之之後安室就無再上紅白…是後話了…)

《ONLY YOU》~也是新碟歌曲…勁愛個MV拍得超令~
(26/3/14後按:這個版本無咗《Say the word》喎﹗)





******************************************************
期待下年可以睇到安室真尊,同埋快啲出碟﹗睇番個完整版﹗﹗﹗﹗噢耶~~~

成功爭取:Namie Amuro Asia Tour 2013~香港站

沒有留言:

張貼留言

要講幾句嗎?﹗XD