2013/12/31

[某didi]火災警告…

對唔治,其實呢篇係好無聊的,話說琴日某didi新片發佈會,看到某didi新髮色的造型(最右的那個),突然讓我想起一樣野…

<---哈哈哈哈哈哈哈﹗

2013/12/28

2013回望+2014年的14個願望…

一年將盡又係不停出回望和展望的時候,通常我都等1月1日先發既,但見上我無啦啦12月就出一篇…而呢兩個月文思欠奉…就比我呃吓文啦﹗~~~~~

2013/12/26

近期常聽的歌~(9)~2013之選

聽了個幾星期的《L Album》(我不能再粉絲失格的了﹗.\ /.),很難得兩隻碟(Love 和 Life)都巧巧聽(你敢說不好嗎?﹗),當中最喜歡是這cut《Tomorrow again》,不過在你管只有這個karaoke版…囧,any肥,我喜歡這種正能量滿滿的歌嘛﹗(這首讓我想起《Brand new day》)

2013/12/20

[韓劇]《來自星星的你》(1-4)

本來都沒怎樣期待的,但見森動小弟和全智賢,豈不是《盜賊們》的組合﹗套戲森動小弟俾人拉咗就唔知去咗邊了…今次做男一可以玩足全程啦~~~

一看故事雖然老梗(as usual),但出乎意料的好看呀…比起追到無晒心機的《繼承者們》和《漂亮男人》,這部可說是繼《聽見你的聲音》後最有動力想等下星期的兩集呀…

30/12/13後按:終於有一套讓我很想ON檔追的了﹗

2013/12/19

[港劇]2014 TBB劇集前瞻

今年的《萬千雞精頒獎典禮》悄悄地(我覺得啫…我連邊日做都唔知…哈哈,我是看到芒姐post文上fb先知咋﹗)舉行了,好爆地,竟然係子華哥和杜太太得最佳男女主角,當我以為咁「我最喜愛」應該係親生仔的安慰獎既時候…係cool more和杜太太(再下一城﹗)好爆﹗真係好爆,無記真係越來越估佢唔到,還是佢見勢色唔對要做番啲野呢?

Any肥,唔覺意click到呢篇《TVB迎史上最弱年 兩部台慶劇居然一個獎都沒拿》,真係唔講唔覺,一講好覺,兩部台慶劇《法外風雲》和《On Call 36小時2》真係掃唔到乜野大獎,最佳劇集被《衝上雲霄II》拎咗,只能"MANG"車邊將拎飛躍男的王浩信計在內?﹗(佢有份演《法外風雲》的…)…呃,《法》我坐低看了一集,但見阿陳毛和黎視帝就意大利遊艇打官司的隨意和隨心…呃,我SKIP了。至於《On Call  2》,第一輯我還是有興趣的(雖然一年過去了…我仲係停留在第一輯的第5集…囧)

2013/12/09

讀書報告#21~《我用50年前的旅遊指南玩歐洲》

得承認我是俾個封面吸引咗既,用50年前的旅遊指南係咪真係得架?跟住我想起之前睇過的一本《一整年都用錢》,心諗…兩個作者係咪朋友嚟架…呃,忍不住,買了。(笑)

我成日都諗可唔可以同一招用喺香港度呢…50年前即係60年代上下啦…我諗除了九龍城、深水埗多啲舊樓,好多那時代的唐樓拆得就拆吧?我諗,港島唔太得啦座底…除了山頂…UMUM…

2013/12/01

《誰調換了我的父親》(そして父になる)

當我以為香港譯成《誰調換了我的父親》有夠扭捏的時候,台灣是譯成《我的意外爸爸》…囧﹗怎麼攪到好似荷里活啲笑片咁?﹗

ANY肥,初初見到是枝裕和的出品就有興趣啦,尤記得佢造就了14歲康城影帝(那套香港好似係譯《誰明赤子心》了?),同埋男主角是福山大叔耶﹗我貢敬愛佢…梗係要睇啦﹗

OK,睇完套戲先明,直譯個戲名「之後就變成了爸爸」是十分乎合戲中福山大叔角色的變化的,而英文名「又似爸爸又似阿仔」又啱喎,日文和英文名著重在結局,港台譯名就…UM,是這套戲最大的SHOCK位囉﹗

李DIDI@新港城中心

嘩﹗我入咗鏡囉…囧﹗

咳咳,我竟然一把年紀走去追星,這可算我無啦啦去泡菜國追劇集場景之後又一鉅獻囉﹗

2013/11/28

[韓劇]《漂亮男人》

一開始知道某人會演這部劇時,最關心的是兩樣野…一…是個角色又是絕世美男嗎?會唔會跟之前的好像呢?二…是…佢老哥究竟會唔會剪頭髮呢?﹗

問題一要等劇集出爐才知,問題二…咳咳,一開始見某人頂著一頭長毛開工時好生失望(咦,怎麼我有咁強烈既剪髮願望呢?)…卒之在發佈會之前不久某人剪髮了﹗而且十分英偉﹗耶噢﹗令我對這套劇期待度大升了﹗(怎麼是因為一個髮型呢﹗﹗﹗哈哈哈)

2013/11/27

突然懷舊之Johnny's篇

好似好耐無貼吓youtube咁啫…嘻。(年尾又係睇《FNS歌謠祭》的時候嘛﹗而呢個節目最鐘意就係回顧架嘛﹗)

2013/11/23

あの日の~京都の旅~(1)

一點來就被扯番入地獄了…先來一個快的前言吧…

あの日の~た~び~~~~~~(我相信我可以向演歌歌手進發呀﹗哈哈哈哈)

2013/11/15

近期我心入面不停LOAD住呢一幕…泰京你怎麼可能都說中晒我的心情…囧

2013/11/06

我食邊隻奶粉"大"?

之前搭巴士時見到車身廣告,是無左邊的李在勳先生的,只見到小圈中的BB個樣好邪惡…無件事咁啦,前陣子搭地車時見到大廣告﹗嘩﹗巧驚﹗如果我有BB…我會敢俾佢食呢隻奶咁嘛?太石破天驚了…

2013/11/04

近期常聽的歌~(8)《太宰治を読んだか?》

NMB中間個短髮妹妹我認得佢﹗去東京時睇電視見到AKB既節目,佢玩遊戲時好兇狠的﹗ANY肥,呢首講太宰治的歌少女得嚟撈咗啲太宰UNCLE的觀點,清新得嚟…幾好聽…巧京京呀﹗哈哈哈哈﹗

2013/11/03

咒怨輪迴之《殭屍》

我有無講過我由細個就好怕睇鬼片,特別係港產的,無論係鬼定係清裝的殭屍片我都一一華麗地避過,就因為細個去親戚屋企玩時…大人們竟然在看《鬼新娘》喎﹗大佬王小鳳個鬼樣我驚到而家,於是林正英的殭屍系列我避得都避,或者我已經好似修夏咁因為唔想記得所以選擇局部失憶了(硬要tag一tag某DIDI…XD)

any肥,聽見影評說豬奴這部新片玩了很多舊殭屍片的元素,大有致敬之意,咁我呢啲咁鐘意懷古的人就決定鼓起人生最大勇氣主動入場啦﹗

2013/10/31

[韓劇]《繼承者們》~大雜燴(3-8)

呢套越睇越覺係《學校2013》+《花樣男子》+《秘密花園》…完全覺得我除了可以去TBB做編劇之外,去泡菜國也可以啦﹗(雖然我唔識寫泡文…哈﹗哈﹗哈)

2013/10/24

讀書報告#20~男神@《100毛》

這是今日的一個對話,講完後我跟同同笑到收唔到聲…

話說…

同同:今期《100毛》有你個男神…
冰:吓?某DIDI上封面了?(期期都係LOCAL藝人架喎﹗貢石破天驚﹗)
同同:唔係,另一個呀…
冰:吓?17哥才上了封面咋喎前兩期﹗

2013/10/23

[韓劇]《Highkick3短腿的反擊》一條龍進展良好﹗哈哈哈﹗(完成了﹗)

我竟然連處境劇的汁都撈埋(一條龍的精神就是大無畏乜都挑嘛…),現在進度是16/123,看來我完成了這部之後,可以挑好多博友大推的《海女》了﹗宮藤桑呀﹗

2013/10/22

近期常聽的歌~(7)

嘩嘩嘩嘩﹗佢兩位老人家終於出碟了﹗而原來,今次係佢地相隔12年再次喺MV度展露舞技,太強大了…我都不發現是12年了…即是…對上一次是《カナシミブル》了﹗我只能說時光飛逝…完全唔覺喎﹗

2013/10/20

《R2B:回到基地》~泡版《壯志凌雲》

原來我從來都沒看過韓RAIN哥做戲喎﹗(我有留意他…因為我們是同月同日生日的﹗哈哈哈)…而好明顯,我會無啦啦看這部戲是因為某DIDI是這套戲的二打六啦﹗(我的一條龍病毒又來了…)

HOCC《MOMENTO LIVE 2013》

從那張石破天驚地性感的POSTER開始,買飛…再抱著半信咩疑的心情,無乜期望但又想睇吓何小姐攪乜,但又怕佢會又長又CHUM的說佢既理念人生道理咁,入場了…

2013/10/15

林日曦& TBB主題曲

只從成了《100毛》的忠實粉絲,又看過《白痴》跟《青筋》後留意到有林日曦這個人,又發現佢都填了幾多詞,跟住又發現當中很多都是TBB的主題曲喎﹗

套劇830的關係唔係日日都趕得切返屋企睇(而就算MISS了一集半集其實都唔影響我對呢套劇的理解…)…UM,想講的是…我覺得這首主題曲很不錯,哈﹗

2013/10/14

[韓劇]《繼承者們》…欲戴王冠,必承其重(1-2)

聽劇名以為係啲錢財勾心鬥角野,點知係《流星蝦丸》式的青春浪漫愛情劇喎…估你唔到…

又原來個編劇係《秘密花園》、《紳士的品格》的那個,好像信心有保證,所以…故事上都有點回帶,人腳又有點相像了?

2013/10/11

2013/10/08

鞋控

雖然屋企有對鮮紅色珠片的,有對深紅色皮的,有對深紅色高筒的,但頭一對是低筒的,第二對是硬的著得不舒服,第三對是某次食魚蛋滴了汁在鞋面洗不掉…總之,它們都不是我想要的鮮紅色高筒…﹗

2013/10/06

[韓劇]《秘密花園》奧斯卡…韓泰善(13-15)… (4)

比起《聽見》內的西褲裇衫(aka乖乖look),韓泰善的洞洞衣/褲妖魅味道高好多的說…

而…塊面真係好白…

2013/10/04

讀書報告#19~雜篇

無,想講吓近期有乜作者係追住睇啫…

(無,就係呃吓文囉﹗~哈哈)

2013/10/03

《朝韓夢之隊》~first ever Unified Korean team

多得某博友的提起我先知有這麼一套戲(因為我仲忙緊一條龍DIDI既電視劇嘛,開埋電影的戰線我會死架﹗),即刻開嚟睇啦,咦,有吉羅琳河智苑姐姐添喎﹗

2013/10/01

[韓劇]《秘密花園》奧斯卡…韓泰善(9-12)… (3)

我mark mark吓開始唔記得cap落的圖是邊集打邊集了﹗囧…總之係呢幾集啦…(同時開住幾套劇之過就係唔記得睇到邊度打邊度咁…哈哈哈﹗

2013/09/30

[港劇]《巨輪》(1-6)

雖然我忙住追Didi的劇,但我作為忠實的十七哥粉,難得佢有套十分serious(即non-溫情小品)的重頭大作出街(仲俾我咁快就呃兩篇文添﹗),我點忙都要支持既﹗呢個世界有賣tee we實在係太偉大了﹗(雖然有時限的…)

無,都知無記啲劇一玩懷古就穿崩,serious如《天與地》都出晒事,其實…都知無可能所有道具都忠於那個年代…但…可唔可以唔好咁爆呀﹗難道呢個型號的的士由1981年用到而家了?我接受唔到啊﹗

快閃去赤柱…

話說行去海邊懷古一番的時候"扇"一"扇"…差啲跌低呀﹗要不就攪出命案…無命出呢篇文呀﹗囧﹗

2013/09/27

2013/09/23

[港劇]《巨輪》…寫在前面

這一回終於俾我睇到那個so-called的特輯了…﹗哈﹗哈﹗哈﹗um,這部其實我有某程度的期待既,十七哥呢舖重出奸湖(咦…我好期待嗎?),終於唔係溫情小品了﹗同埋…我睇唔慣佢唔戴眼鏡個樣喎﹗

2013/09/22

打風天的宅爆生活

這是一篇很無聊的日誌,就說中秋的三天假期有兩天都係咁過的,太奇妙了。 

2013/09/20

[韓劇]《學校2013》(完成﹗)

南舜君係識張彗星的嗎?人家用個影唔到犯案過程的相入了閔俊國的罪,你就扮拍了片嚇走了吳正浩一干人等…XDDD

UM,就說小的因為睇完《聽見你的聲音》而一條龍了鐘碩didi這一部,um,很有愛的作品。um,第一吓我諗起《極度鮮師》和《龍櫻》的。

2013/09/17

浪攝流

我承認,《La la la love song》(或《悠長假期》)會讓我無抵抗的將對劇集的喜愛LINKUP到售賣的商品,這一回…是一部叫X-M1的相機,UM。

初初看這個廣告不甚麼樣的,某次睇歡樂早場時喺大螢幕度睇竟然異常中招(竟然是中一部相機的招…不是中令仔喎﹗哈哈哈)

2013/09/16

[台/日/韓劇]超齡高中生

話說,因為我連住《聽見你的聲音》和《學校2013》,繼鐘碩didi做了兩次高中生之後,原來《學校》入面又有《紳士的品格》個捲捲頭做鐘碩didi既朋友,原來佢兩個係同年,而且都係model出身的喎﹗噢﹗OT了…無,引起我的興趣研究吓究竟有無邊套劇係真係用番高中生年紀去演高中生啫﹗

雖然鐘碩didi是有一點大隻,不過我最接受唔到的…是李潤城斗真同學仲係高中生呀﹗XDDDDDD(我有無話過作無聊的研究和比較是我的嗜好?)

2013/09/15

讀書報告#17~《傳奇筆記本MOLESKINE》

已經忘了是看書還是睇網頁,總之無意中認識了MOLESKINE這個牌子的記事簿,見佢話係傳奇,之後發現了題目的那本書,其實都係唔明有幾傳奇…於是,小的抱著「唔試唔知身體好」的決心買了一本來用…

無呀,又見誠品出新一年的記事簿,想起來,手頭的這本傳奇用了差不多一年了…哈。

2013/09/14

[韓劇]《聽見你的聲音》(完成﹗)

好緊張好緊張﹗本來想睇到尾先出文讚美的,但見到呢一幕我真係忍不住我的激動了﹗見到崔律師又係姓崔時都仲諗…「呀~~~佢客串啫」…典知見到回音…我爆笑了﹗怎麼啦﹗《紳士的品格》呀﹗ 

好啦…幾經辛苦終於俾我睇完了﹗

2013/09/12

[韓劇]《回答吧1994》(我的…1994?﹗)

本來想去瞓覺的了,但見到有關《回答吧1994》的事情又好奇走去看一吓(圖也是出自上述LINK的說)

回答吧1997》我都仲叫因為睇了《愛情雨》而識徐仁國,但呢個《1994》…我是一個都唔識﹗囧﹗

而故仔講的上京故事,我也是沒有同感的了,唔知仲會唔會好似《1997》咁有個超級粉絲的呢?1994年又其實有乜團係HIT緊?一個謎﹗

2013/09/09

[港劇] 《衝上雲霄II》之唔知衝咗去邊度

其實呢套劇我只追到十零集倒,受唔住玩了成廿集zoe都仲同夏晨好似樣,有啲煩…um。琴晚大結局因為要出外吃飯於是無睇,但睇大眾的感言都係o咀多過感動…見到博友alexbb這一篇,我直頭覺得我無睇到(呢套笑片)有損失添喎﹗

2013/09/05

我要成為偽文青﹗哈哈哈﹗

回首前塵,原來我很少看「文藝」小說,少女時代(我扮千FA話佢無喂人奶之後身材就回復「少女時代」了…笑死我…)SUPPOSED會好鐘意睇的亦舒、張小嫻我無睇過,其實認真的說除了電視播的(即係金庸、少量瓊瑤包青天?﹗XD)之外,我懷疑我是很少拎起小說來看,比起小說當年小的更愛看散文,小的總係走偏鋒路線嘛,全世界去看梁望峰時我走去睇畢華流喎,死未﹗

呃,無呀,最近突然對村上春樹很有興趣,想扮文藝一吓啫。

2013/09/04

讀書報告#16~《舟を編む》(編舟記/字裡人間)

有幾耐無試過拼盡全力去做一件事? 
多得某博友不停講呢本書和套戲於是小的說好奇走去讀/睇,本書意外地會令人想一氣呵成的看下去,而套戲,可說是近年我覺得改編得最好的日影,起碼完整保留了小說的細節和氣氛,又無cut到肢離破碎喎。 

2013/09/02

老金煎餅

今日行過發現這店,被店的可愛公仔吸引了,本來以為係CREPE的本地版,點知原來係北方煎餅的朋友~

我又再一次old news is so exciting,中環店開了一大輪,最近再開灣仔店的說。

(轉)本港畢業生 10大夢想職業

呢水《狂舞派》大熱,好似人人都在講夢想。其實呢個問題小的係一路都唔識答,想和做是兩件事呀﹗我想唔代表我可以做(雖然唔做就真係機會都無),好啦,其實我的夢想係繼續做個無憂無慮的學生﹗(仲要收零用錢可以做PT賺錢買花戴那種﹗)我諗除非我中六合彩…UM,好啦,我調整一吓,我現下的夢想是工作繼續支持我的生活,THEN工餘可以學吓呢學吓路咁啦。

跟住今日偶然見到題目的這個報導,好奇之下梗係又睇吓順手轉貼來呃文…哈。

2013/09/01

十個文庫本的好處

就說我是走難人,走難袋是永遠執極都極重的(是一個謎﹗因為我受唔住去到日本都要承受有遮唔落雨無遮就落雨的打擊,於是我決定連遮都帶埋),一味打機我又覺得太浪費光陰(反正CANDY CRUSH成個月都過唔到關,好想哭﹗),帶書上路讓我增進知識,又可以出吓讀書報告文呃文,再為自己增加幾分偽文青氣質,多好﹗

但點解中文書(不論是香港出版或台灣的翻譯外文中文版)總係又重又厚又盛咁既呢?

看,文庫本是多輕巧呀﹗優點之一。

2013/08/30

mask奇觀 (也是敗家實錄…XD)

話說這個生蠔面膜實在係太爆炸,以為蝸牛已經好爆既時候,係一山還有一山高﹗

於是我忍不住去起多啲呢個PURE SMILE牌子的底…好強大﹗除了這個生物系列(真係有蛇毒的﹗)外,仲有各式食得和唔食得的﹗

2013/08/29

[國劇]那些年的《神鵰俠侶》

作為超級《神鵰》粉,見到祖國又拍《神鵰》梗係豎起耳仔(咦,點解係耳仔…)聽實邊個係啦,

據說,小龍女的人選是…沈佳宜妍希bb…呃,如果造型真係呢個…我可以囧嗎?

「天佑亞記」

其實,我屋企係忠實無記粉,咁多年來我地基本上都係長開無記,只在亞記有啲乜野爆炸的節目先會轉台。或許我地都係一台獨大的幫兇…um,印象中,好似係《縱橫四海》、《還珠格格》(仲有我勁推的《雪花神劍》)先引到我轉台。尤記得當年做白面古《神鵰》的時候撞正《今日睇真D》做解剖外星人,阿娘要轉台睇,阻住小的睇白面古,雖然有錄影機…但我唔能夠即時睇,而且錄影機唔會cut廣告,佢完全唔明我的內心有幾受傷呀﹗

我懷疑,這令到我一路唔鐘意亞記…哈哈哈。

2013/08/28

(轉)旅行時不該犯的20大錯誤

話說,我為身邊人今年出門的紀錄做了毫不科學也不理性的小統計(就說點樣先算係身邊人呢…嘩哈哈哈):

日本 (5)
星、馬、泰 (4)
台灣 (3)((台北、台南、台中都有喎﹗))
韓國 (2)((但據會去的人說都係計劃中,未落實的))
歐洲 (1)


好明顯呢班人今年中咒地不停去玩…哈哈。但很詭異地,只有一個人衝出亞洲,另外的人不停在亞洲兜圈…哈哈。好啦,講番題目係前陣子看過的報導…

2013/08/26

讀書報告 #15~《AKB48的格子裙經濟學》

其實我成日覺得呢類分析某品牌(STH LIKE THAT啦)成功之道的書有相當的流FE,即係《思考的藝術》既「結果偏誤」…就是用後果來追索番原因,出嚟效果雖然有原來如此的感覺,但大都因為那些原因有如「阿娘是女人」般有啟發性…

古有呢本…今有這本。雖然我覺得流FE(或者人家係想寫得淺白一般老嫗能解咁呢),但某程度是讓我明白AKB48運作多一點既…

2013/08/24

唔死都有新奇事之…膠MASK

拆開的時候見到係膠…O了咀…實在係太新奇了﹗我覺得擺上塊面後…似…包了保鮮紙呀﹗跟住我決定研究吓呢個傳說中的Jewelry hydro gel mask究竟係乜東東…

呀,我無講到重點…呢塊野係Nature Republic的東東喎…

2013/08/23

煲劇日記~港劇篇

哈哈哈,既然國/台/韓都出得篇,無理由唔出埋港劇嚟呃文…但好多其實我是睇個名覺得有睇過但TURN OUT係零記憶的…囧…
last update:12/10/13

2013/08/22

讀書報告 #14~《八十後的生存與生活》

雖然小的很喜歡看這類不同世代論述的書,但未試過好似睇這本咁睇到一半咁苦澀,真係聽幾多首正能量歌都不能洗走那種苦澀的味道啊﹗嗚

2013/08/20

《激戰》+《狂舞派》…讓血熱起來吧﹗


見到PROMOTION有一句「為了跳舞,你可以去得幾盡?」,諗起《打擂台》一句「上一得就一定要嬴」(但劇情其實我唔記得了…XD),跟住《激戰》又有一句「上得台就唔好驚,一輸就輸成世」,好似好耐無喺港片度睇到仲熱血過日劇的熱血喎﹗

2013/08/18

粉與唔粉之間…Infinite《1st World Tour: One Great Step in HK》

同樣的$1280飛,如果睇安室奈美惠那次都有咁近我一定會癡咗線﹗大佬佢地七子係不停喺我前面走來走去呀﹗(扯頭髮﹗)

UM,就說粉與唔粉之間係有好大空間的,其實我只係怒LOOP啲歌,唔係首首記得歌名,有日文版盡量聽日文,於是又回到睇CNBLUE那次的問題…人家係唔會就我唱日文架﹗哈哈哈﹗跟唱不能…

2013/08/17

讀書報告 #13~《思考的藝術》和《行為的藝術》

睇《思考的藝術》讀到「行動偏誤」一章時,諗起最近熱爆全城的「林老師爆粗事件」,就說,人們會覺得就算行動根本沒甚麼用處,做了再算﹗所以林老師可能唔知同警察講完會幫唔幫到件事,都講咗先。而警察呢,同一章節度又有講熱血菜鳥系見到兩幫人口角的話肯定即刻上前干預的,但老一輩的就會企埋一邊睇定啲先,而英國有過個相關研究,話比起即刻干預衝突相比,警員在衝突旁邊等一陣,可以讓傷亡數字降低喎﹗

如果林老師有讀過呢本書,咪唔會中咗呢個思考偏誤囉﹗噢,事後孔明其實都係一個思考錯誤--「結果偏誤」啊,我還是不要用結果來斷論某個決定了。

2013/08/15

[日劇]《半澤直樹》、《歌舞伎之華》


本身係追緊《summer nude》和《天魔來了》,老實說,其實…開住都唔係望住(好玄﹗),於是轉去睇其他野,好似好好多。

好耐無一套劇會令人好想快啲睇下一集,跟住發現是ON檔追無得即刻PLAY下一集好唔開心添…唯有帶住期待的心情等下個星期啦…篤手指…

2013/08/14

[港劇]《情逆三世緣》同又講《衝上雲霄II》

Chut一聲《師父明白了》就做完﹗跟住Chut一聲《情逆三世緣》就做了﹗而據說,接《情》劇的是十七哥的《巨輪》喎﹗

2013/08/13

[飲食雜碎]Café&Meal MUJI、侘寂、丼丼屋食堂、鮪屋


這是一個很藝術的PRESENTATION,叫做天各一篤﹗

詭異的是,身在銀座時見到一模一樣的東東,三品仲要780 YEN,8算都要比香港平廿蚊(香港三品要$88),但自從佢喺老銅開幕後,我竟然不住的想念它…

2013/08/12

家電的壽命

見鄰家博友講時限(電器的…),癡吓講埋一份,計吓計吓,原來屋企真係用了好耐的電器無乜幾多件了…究竟係我用得粗定係而家啲電器無咁襟用呢?以前乜機物乜係唔係都用得上十年架嘛﹗

2013/08/11

《三個特攻美少年》其實係《偉大的隱藏者》

原以為此片是輕輕鬆鬆鄧梓峰的,但原來都幾精神分裂,前段惹笑但後段忽然變咗南北政治片+港式武打片+韓式親情片喎…