2013/02/24

[飲食雜碎]Dining Kitchen Vegi, CAFÉ MALACCA & 鮪屋/上壽司

先說Dining Kitchen Vegi吧,飯友說這家店名的時候我以為是新派齋店(囧﹗),看一看OPENRICE原來是日本菜加一點FUSION,噢…而老尖店係有火鍋,而老銅店…是A-LA-CARTE了?﹗

出發去吃之前剛好見到SUB開的博客發文說佢地又去了這店喎﹗又會咁啱﹗不過佢地係單點,而我們一行四人就叫了LUNCH SET。

(飲食文其實我無乜心得,我只會說好食和唔好食架咋…好像都無乜反響?﹗不過算啦,貼了圖就有圖有真相,第時可以對照呀﹗)

左圖這個是飯友點的,砌得好靚,就咁食完都幾飽呀,而個定食仲有碗紅米飯(唔SURE名,如有錯請指正)((好健康))、薯仔沙律(但撈了WASABI,敬謝不敏)、很足料的蔬菜湯(但太多蔥於是我只淺嚐了一點),飽到呢…咦…但我唔係食呢個SET喎﹗哈哈哈哈﹗

店子連著個可以坐到幾枱的露台,於是有日光透入來於是我影到咁…光?﹗囧﹗先上枱的沙律有小粟米喎﹗VEGI嘛?﹗但我想話個汁好濃…濃到去有酸既感覺…囧

我叫了和風御膳(樣樣都想試的貪心MODE又著了…),中圖左邊的就是之前說的薯仔沙律、湯和飯,食完都飽了大半了(於是呢邊的我係無食晒…),右邊的便當狀東東,魚生附有蘆薈兩條(呀,今次我又無影CLOSE UP喎),看上面LINK的博客試食文話佢個蘆薈刺身沾了汁,吃上去有點詭異(SORRY,呢個TERM係我用的),於是我很期待這兩條蘆薈是甚麼一回事的時候…呃,就係兩條蘆薈囉,無事發生過。THEN天婦羅無特別,右下的魚係比較實之外都無乜野,隔離那兜…兩粒白色的東東我以為係魚蛋的朋友既時候…似薯蓉既朋友喎﹗囧﹗而舊豬(五花腩的朋友?)上面的芥末汁讓我很在意…我又唔係ATARU…而重點是我不吃芥末﹗但舊肉很入味和好好吃…不想浪費於是就不停在餸汁裡沖涼…呀,好在沖得走啫﹗

呀,我無影到隔離的一式三格豉油碟﹗店員一放低就解說甚麼汁點甚麼,但我已經忘記了…哈哈哈…

這是另一飯友點的,很清淡的說(望上去),下面是應該有菜肉卷甚麼的東東。

這店很多日本人CHIT CHUT咁轉…也有好多人單拖上嚟食個快飯,當然也有好多人係坐喺度邊食邊吹水…都可以放在上堂前的食飯LIST度喎﹗

**************************************************************
說說有圖有真相,當年仁民飯店自助餐是阿娘的熱愛,ENCORE又ENCORE(仲慶祝過某B…滿月定百日?我失格了﹗唔記得咗呀﹗),物換星移,轉眼舊文已經是08年的事,酒店而家變了TRADERS,餐廳也變了CAFÉ MALACCA,吃馬拉菜的說。


 新春期間去食,於是有撈起一碟…

 有啲係我地叫咗都唔知係乜…其實味道都不錯的,賣相也精美

咦,我無影到甜品和意粉喎﹗係,可能係照顧到客人的口味,馬拉野可能比較重口味嘛,於是是有西餐的東東如右圖的這個沙律的說。比較中伏的是玫瑰甚麼MILK SHAKE…仲藥水過我食緊的藥水…囧…早之叫薏米水…

食物和服務都不錯,除了A-LA-CARTE叫之外仲有SEMI BUFFET,很詭異。去到叫甜品的時候店員推介的名物竟然是…榴槤布甸﹗(但其實咖央多士很不錯)我囧了…ANYWAY,但望住跟以前一模一樣的裝修不免有點感概既…囧﹗

馬來一菜館 Café Malacca@ OPENRICE
**************************************************************
我是有極速翻兜的嗜好﹗我又去鮪屋了﹗不過是午間點LUNCH SET。因為我不吃蔥,於是沒點上次點驚喜的海膽蔥吞拿魚飯轉了這個海膽三文魚飯,依然是很甜很鮮味的海膽,只是當吞拿魚(蓉)變成一片片的三文魚時我覺得無得撈埋(暗啞底我是很喜歡東南亞的撈起了?)吃有點不過癮…

而,因為我好肚餓於是匆匆看了餐牌就點菜,我只記得應該係有兩樣野跟午間定食送的,但只來了沙律啊﹗究竟另一樣係湯定係甜品呢?食完個飯梗係想食甜品啦…但見店員又無反應…又見有個叫了定食加18蚊可以點咖啡的PROMOTION,不吃白不吃,一場嚟到而又未上電,於是就點一杯啦。飲完…店員都係無反應喎﹗終於我去拎個餐牌來看…呀﹗第二樣係味增湯呀﹗不過前幾天吃得太飽才將夜晚自家煮的味增湯嘔番出嚟…短時間我諗我都唔想再飲…哈哈哈…

ANYWAY,都係蔥吞拿魚開心啲…但可以叫店家走蔥嗎?﹗XD 
**************************************************************
這家北角的上壽司我好鐘意上完堂去食個快LUNCH,這個三文魚海膽飯定食只係59蚊咋﹗個湯都係一個湯,前菜有時係疑似蝦多士,有時係中華沙律,有時係啲唔知乜…好詭,仲有粒內含CREAM的PUFF做甜品,都OK啦…

講番個飯,最近吃的一次PAT海膽唔係太新鮮,囧了…沙沙澀咁。ANYWAY,我就係鐘意佢將啲三文魚整成蓉,本身佢係蔥吞拿魚飯的三文魚版,不過我會同店家講走蔥(而成日順口講了走青…囧咗…用了雲吞麵MODE),咁就可以好開心的撈呀撈,食呀食﹗

**************************************************************
貼開又貼啫,口痕痕想去食個雪糕…店員問加唔加一蚊加大…我以為我表達了我要細既加一蚊加成中…點知出嚟係大球喎﹗係幾咁大球﹗我大囧了﹗

但呢家店係平而且味道香濃,是值得一吃再吃再支持(雖然我有肚痛的危機了…囧﹗

6 則留言:

  1. 回覆
    1. re:aulina

      噢﹗謝﹗
      真係時日如飛,快高長大啊﹗

      刪除
  2. 是菜捲著雞肉呀, 不過d 菜少老, 所以咬唔到開, 要肉還肉, 菜還菜咁食

    我最初以為去食齋, 不過諗起去過尖嘴個間係有肉0既~

    回覆刪除
    回覆
    1. RE:紫熊

      咦…那塊不是生菜嗎?都老的話幾驚喎﹗
      其實唔係你地話食呢家店我是不知有呢家店存在的說…XDDDD

      刪除
    2. 是娃娃菜 (咁即係老娃菜?XDDDDD)

      刪除
    3. RE:紫熊

      嘩﹗子大人你做乜攪爛gag…做埋我啲野…XDDDDDD

      刪除

要講幾句嗎?﹗XD