2013/02/07

[丼局者迷]SP~湖舟+吃在Hysan Place


毫無疑問,食足12個月的丼局者迷是一個創舉,哈。食足12回之後翻兜了投票冠軍的湖舟(咦…剛好是上年一月喎食的時候)。

真係有圖有真相,其實我已經唔記得上年叫過甚麼的了﹗哈哈哈
一年下來,店已搬了,搬了去希慎對面的澳門逸園building,店面大小應該跟以前差唔多,不過店面光線就猛很多,記得之前間店係黑麻麻的嘛﹗

如果我無記錯這個好似是甚麼幸福海鮮丼,雖然無之前那個冰鎮魚生片咁震撼,不過望落感覺都好幸福既…(選擇好似少咗?)

左一和中間是萬綠叢中一點紅的湖浜鰻魚飯,好得喎﹗刺身定食就ok啦,跟海鮮丼的combination好似差不多…

最後是友人的日本手信…

唔知呢,係咪無期望就易啲有驚喜,有期待之下反而覺得好似平平無奇咁?好似唔似第一次去食時咁有驚喜囉~

上一篇:[丼局者迷]和三昧+CoCo壹番屋/Pane Vino/Habitu
**************************************************** 
自從誠品開咗小的就如中降般不停的去進貢,順便梗係去食食食啦…

梅光軒:唯一究病的是food court環境唔太好坐,碗麵本身是相當ok,十分喜歡麵條粗幼適中之餘軟硬有致,小的喜歡中間偏硬的淋度,再浸在熱騰騰的湯裡送入口時個軟度就剛剛好啦,次次去食時個軟硬度都勁合小的脾胃,嘻。其實中環札幌拉麵都係小的一時之選,不過佢搬咗舖我都無幫襯過了。不太肚餓的時候就食醬油拉麵,肚餓的時候就整碗勁既叉燒拉麵,再加番個半熟蛋…飽到不能好滿足…

中島水產:喺梅光軒隔離成日見到有人食,築地直送咁強大喎﹗某日行過打包了啲壽司和蟹返家, um,都係坐低啦啦聲食咗佢比較好…哈

caffè HABITŪ the table:行完誠品後好鐘意去呢度坐低飲杯野又吓甜品咁(so far我又真係未試過食其他熱食…XD),左邊的sticky banana pudding係飛佛,拖肥味的蛋糕加埋香蕉粒啲味勁襯的說,中間的pancake就有啲流fei…右邊的心太軟呢,唔睇menu上的sample相既話都ok,睇完就覺得勁貨不對板啦…而傳說中的梨肉…係陰公地浸在心太軟的古古力流心入面,味道被蓋不特止,連梨肉本身都被古古力浸到面目模糊,慘不忍睹﹗而那個梨ding…唔知仲以為做乜在心太軟入面無啦啦有條樹枝…囧﹗

都係個banana pudding開心啲~

2 則留言:

  1. 睇完張相我都想試下個sticky banana pudding



    /


    christian | my blog : www.christianyuen.blogspot.com

    回覆刪除
    回覆
    1. re:Christian

      哈,其實我自己貼完都想去食番轉…哈哈

      刪除

要講幾句嗎?﹗XD