2013/06/22

讀書報告 #10~我的文學啟蒙蔡志忠

實在太開心了﹗無啦啦喺搵野既時候俾我起番以為唔見咗既畢華流和蔡志忠小書耶﹗

不過原來我只有三本喺手咋喎﹗(對照畢華流係成set儲齊咁濟…)…呀…當年應該係到圖書館借的多啊…

anyway,食飯時友人講起而家中文科無咗範文,於是閱讀理解做古文題做到人想死…回想當年讀中國文學(吾校簡稱文學)時做讀解題做到想死,但又讀得不亦樂乎,真係多得蔡志忠呀﹗

話說HISTORY我是DEVELOP(自覺係自創)娛樂版讀書大法而變得樂趣無窮,而文學呢,多得老師從中一開始,逢古文課而又咁啱蔡志忠出過呢本書的漫畫版(我最記得是《世說新語》,應該係中一或中二),就會印一印俾我地睇,而蔡的漫畫係相當攪笑的,公仔又得意,成件事即刻開心咗,如果當年的《弔古戰場文》有漫畫版,我一定唔會背默零分囉…

呀,我離題了…就說多得當年的老師成功將一科悶到爆的東西變得有趣起上來,於是,就算要在吞兩科SUPPOSED係悶霸的科目,咦,又OK喎﹗(好了,我是注定的文科人…)

我記得《世說新語》、《論語》、《孟子》那些係有古文原文的,揭一揭《漫畫西遊》,咦,係無原文架喎,不過又太長了,譯得嚟又原文本書隨時厚到無朋友。

悟空變釘,無聊得嚟又幾好笑,我相信我的無聊因子蔡生和畢生居功不少…XD




當年我竟然認真地MARK低邊本睇咗,列子是甚麼?我完全忘了﹗就我而家的記憶,我最喜歡是莊子,呀﹗人生以有涯追無涯…我就係做緊啦﹗好了,我最愛的中文課文…係《庖丁解牛》呀﹗桑林的舞曲和經首的節奏呀﹗真係LIKE爆…

(咁多年後我仲UP得出課文的內容,我的中文老師應該感動得要哭吧﹗哈哈哈)






《聊齋》我應該係無記拍了電視版之後先睇,不過我最喜歡那個《秋月還陽》無漫畫版啊﹗呢個係有原文的,之後就係漫畫,仲有埋教訓喺最後(係,《聊齋》係透過啲神怪故仔教人人生道理,唔係鬼故嚟架﹗)…啊﹗我完全忘了會考文學有《種梨》一篇係來自《聊齋》的啊﹗(我…仲未掉當年本教科書…哈哈哈﹗)



至於《三國志》,我已經唔記得係一LOG過狂睇,定係亞記播「滾滾長江東逝水,浪花淘盡英~雄」的《三國演義》時睇的了,睇番啲文學書先發現其實範圍係無《三國志》呢本,只有中文的《出師表》咋喎﹗噢…ANY肥,說書人同關羽曬太陽都幾好笑…哈…

我估我認識蔡先生是透過上堂老師的介紹吧?定係同學點我睇既呢?唔記得了,不過要多謝佢令文言文變得有趣起上,話晒文學都係我食糊科,我…中英文是低分過文學和歷史架嘛﹗呀,過去讓它過去啦…(我又唱《心動》了﹗哈哈哈),就說,如果家DSE的同學仔覺得古文無從入手,不如睇吓蔡志忠,或者睇吓古文的漫畫版,笑吓之餘了解多啲,做READING都得心應手啲嘛…

呀,好懷念呀﹗但見呢水喺誠品有新出的綜合版…我巧京京我會忍唔住買呀﹗囧…

<--呢個時候…係咪要請埋我的國語啟蒙老師郭城城出嚟呢﹗係,我上堂的時候就係不停的背歌詞和無聊聊…哈哈哈﹗

8 則留言:

  1. 我也有一套漫畫西遊記和孔子

    回覆刪除
    回覆
    1. RE:Ken

      我都唔記得我睇過邊本了…哈哈﹗

      刪除
  2. 嘩,我讀中學時勁鐘意蔡志忠D漫畫!
    果陣中學圖書館有得借,我記得自己成日借本漫畫水滸傳
    不過一本都無買過

    (雖然後來完全無向呢方面發展...)

    回覆刪除
    回覆
    1. RE:rice

      係呀﹗我勁鐘意,佢無聊得嚟堅係幾好笑…
      我最初在公共圖書館借,後尾太多加料於是返去學校借,好多時都係教到邊課書有漫畫版就跑落去借嚟睇…幾神心﹗
      雖然之後一路都有KEEP住睇書,但我好少睇純文學或小說…哈

      刪除
  3. 結果你o係邊度搵番?
    anyway, 失而復得實在太好了

    by the way, 你一口氣出左好多篇氣質呀...

    回覆刪除
    回覆
    1. RE:まこと

      某天我想搵隻DVD嚟燒,拎開第一層書,再拎多層先搵到棟碟,拎完晒啲書後…我發現目標在櫃的最深深深處…囧﹗

      BLOGGER成日傻傻地,CLICK極POST都POST唔到,一係就POST了十幾廿次POST,但POST的版面都仲同我講有ERROR…囧

      刪除
  4. 我都有睇蔡生既漫畫,佢都係我文學啟蒙,係佢,我先識儒、道既學說。

    好可惜佢墨家無畫(定係我找唔到?),可能日本人墨攻比中國人寫/畫得仲好,反而中國人/香港人,都無邊個寫/畫得出墨家既野。

    我都有佢本好厚果本(每個家都講下果本),不過無點睇,無時間睇,初初以為佢咁厚係講晒,點知係每個家少少。

    佢畫水滸/三國/西遊變搞笑都好正。

    畢華流都有睇,佢第一本書係妖獸陣,初初睇唔入心,不過之後睇返少年遊同女兒行,再睇返佢就好正,不過妖獸陣個主角銀面客變左笠面具之後既劇情好悶下,最記得佢係後記話「銀面客就是我!這不是說笑!也不是借意說給你知,我武功極高…」真係笑左。

    佢d漫畫都好正,果時本好學武林真係正到爆。

    by無敵

    回覆刪除
    回覆
    1. RE:無敵

      墨家我都好少接觸,我主打係上堂時會教的,我就走去搵漫畫版嚟睇…。

      佢有過啲好厚的?我只見過袋裝書咋。畢業後我都無掂過啲道家儒家莊子墨子的東西,四大名著想睇但無動力,一路得個講字…哈。

      畢華流我反而好少睇佢啲《少年遊》那些小說,我鐘意睇佢啲校園小說,好生活化睇得好開心,同埋我畫公仔都應該好係俾佢影響…哈…

      刪除

要講幾句嗎?﹗XD