2013/07/31

東京HEA遊(5)~第四天

就說前一天在橫濱一味喪行了半天…um,是喪行,就是得個行字卻沒怎見到啲看得開心有趣的地方,於是第四天,也就是最後一個full day就喪周圍去,um,都係喪的…XD

去了:巢鴨(荒川電車)-->早稻田-->神樂坂-->神保町-->新大久保-->東京駅

每天都在上野過站而不行,見到這個恐龍的東東都有一個興趣的,想知…是Wooo(fing頭)一聲的定係Wowww(伸手)的那種呢?

上一天去的時候在巢鴨買個不亦樂乎(咦,我無貼過相喎﹗上次的遊記懶係分地方嚟貼,卒之都唔知點接落去…哈哈),今次因為去的時候太早了…於是成街的店大部份都未開,於是買唔到上次怒買的地藏公仔了…唯有影吓鴨仔的pat pat啦…(講起來,我無影過香港隻黃色膠鴨喎﹗哈…)((14/3/14後按:我影了東莞的啊﹗))

去巢鴨除了想買野之外,另一個原因就係想搭吓荒川線,跟香港的丁丁又是另一種風情…嘛…睇啲書講。行吓行吓見到個站,是一個行上幾級的地台咁,快快腳行過真係好易MISS…

只是來的車好潮喎﹗一點復古味都沒有…嗚…

不來白不來,沿線會經早稻田大學,which可能係世界上除了紅磚大之外我最喜愛的大學(原因不明﹗哈哈哈),就搭去看一吓啦﹗


據說喺個站行唔知點行會有好吃又平的學生oriented食店,不過看來都未開…嗚…

隨意兜一兜…有啲肚餓了…要搵野食…

<--純粹影一影咋…又未至於要頹到食老M既…純係睇吓人家的抵吃ITEM睇吓有幾抵吃啦…

喺早稻田度兜吓兜吓見到間書店…囧﹗忍唔住入去兜了個圈(當然都買了堆野…)之後發現Metro車站,原來跟飯田橋只隔少少,飯田橋站同神樂坂又極近,就去囉~~


本來想翻兜上次吃的Crepe店,只是我又迷路了﹗於是又熱又餓的情況吓就亂兜入了這家西餐(呃…店阿…我唔記得了﹗)…一入到去,全部十多個客人都係女子﹗巧京京﹗唔理啦,有位就坐﹗then在明與唔明之間點了餐,我想話這個set可以話係成個trip入面最好吃的,個湯應該係海鮮湯嚟,但就好似麵包布甸咁浮了一塊包在上面,成碗野再焗,似係一鹹版麵包布甸,舊包好吃個湯又索了麵包的香脆味,好吃到不能﹗個main course,講真,叫的時候真係唔知係乜,我只知係魚…XDDD…出到嚟,係魚肉中間夾住啲雜菜,面係燒過嚟仲有啲炸到好香的蕃薯絲,好香好香好好香﹗真係好吃到不能﹗至於個甜品,個音符餅唔知係做乜的,then隔離就係雙色雪芭,then中間的係熱情果味既蛋白慕思,也是很好吃﹗如果我無記錯,呢餐差唔多二千yen的說,但真係好好味﹗下次再去要翻兜的說﹗哈哈哈…

從前我都唔知日本多大學,多到一條街幾廿間,朝早去了早稻田,下午去神保町時又有牙醫大學又有明治大學…好青春氣息的…。青春完就去買野囉,人去日本我去日本…我係怒買書…哈哈哈哈﹗

其實我盡量都唔想亂咁影人,但呢個叔叔條超人tie真係太爆炸,唔影真係對自己唔住啦﹗
書買完,再諗諗不如去新大久保探吓某人,上次話搵唔到某人的WPS嘛,今次先cap定圖又搵定地圖,點知去到…吓?執咗﹗我真係囧到不能囉﹗即刻上網睇睇,完來某人的店今年三月時摺咗啦﹗即係話上次去時我去唔到就緣慳一面了﹗好啦,既然我進貢不成,就喺街上怒行和買mask(係,我竟然喺日本買韓國mask﹗哈哈哈),而我又遇到友善的店員,買完後又送紙袋又送post card咁,無啦啦多了一袋某人的東東返屋企(而,買堆mask返屋企用我相信會比拎住某人啲產品擺埋一邊開心…seriously)

是咁的,小的喜歡鹹蛋超人嘛,之前search過專門店話唔會海外送貨,咁一場嚟到自然要去進貢吓。點知search到一度叫「東京駅一番街」的地方,某層度有個Character Street,啦啦啦,就係呢度啦,本來我諗住一野標入ウルトラマンワールドM78的檔口,初時見到Snoopy、Hello Mimi、鬆弛熊咁,心諗…車…無乜野啫…點知…我見到TBS、FUJI、Asahi、甚至係NHK﹗你看個file幾得意﹗卒之我未行到入去買鹹超就買到癲了﹗(好在朝早在巢鴨買唔到啲乜咋﹗)…當然,喺鹹超度又是失心瘋地買了…

 <--差點就想買的了…








雖然點是叫六木本…但其實係淺草松屋的餐廳…

 <--酒店的熨板,可以租嚟用的,但…喺lift口度熨衫太詭異了…
 一路睇電視一路執行李,經過一天的失心瘋買野之旅,塞到個喼爆咁濟,真係好瘋癲…都無留意電視在做乜了…(14/3/14後按:我係咪應該講番貼呢兩張相的原因是…左邊的廣告是玩《神探伽俚略》的,隔離是親愛的斗真同學呢?)

之後就是最後一天了,以上~

沒有留言:

張貼留言

要講幾句嗎?﹗XD