2013/08/04

近期常聽的歌~(6)

李克人和玉置浩二(aka安全地帶啦)小的都喜歡,呢張《復克》碟宋先森(XDDDD…no offense,但個名真係好好笑…)翻唱了佢自己翻唱了(﹗)的舊歌如《藍月亮》和《一千零一夜》,也有些是其他人翻唱的,如《如果這是情》、《酒紅色的心》、《痴情意外》咁。《如》呢我覺得比二彎娜那個版本較欠感情,和《藍月亮》咁覺得有啲…um,好似太平淡。我喜歡《一千零一夜》加了brass咁好有昏的relax感。um,反而第一plug《沉默的眼睛》我比較無感。呀,《誰最愛你》聽落好熟…聽到chorus先發現係《悲しみにさよなら》﹗我都奇怪咁好聽無理由無人改編架﹗

咦,打了咁大段我做乜唔獨立成文呢﹗

胡鴻鈞的《化蝶》…這可能係《師父明白了》我最喜歡的地方。人家說首歌跟劇情好搭配到…呃,我無睇唔知喎﹗我只係覺得胡小弟唱得很不錯,呃,許牙醫有時我覺得佢有點太over,胡小弟啲感情是很足而我覺得適度的,就係咁囉…

點解佢個名叫J.ARIE呢?是外國人嗎?BTW,我是幾喜歡呢個女新人的,第一首《第一志願》夠勵志正面,呢PLUG《我就是主角》都係差唔多既野,UM,奇就奇在…作詞的…是黃迪詩王迪詩喎﹗

側田作曲的喎…而呢幅相呢個郁想點呢?ANY肥,費公主新公司的一連幾首主打都很不錯,之前的《周末畫報》、《告別我》都LOOP了一大陣,這首我一度以為叫「借東風」的《諸葛亮》又是長LOOP之選喎﹗

嘩﹗萬能插USB出碟﹗原來話少年(其實應該係新版)0靚坤喺兒童節目度自彈自唱引起了PACO注意所以簽了佢…原來佢本來有首歌係同阿僖儀合唱的,真係唔講唔知。話說,我是無啦啦見到有條片係佢自彈自唱《FIRST LOVE》(宇多田光那首),唔覺意CLICK入去睇…嘩﹗好OK喎﹗真係估佢唔到…

JW要出碟了嗎?其實是無意中喺收音機聽到覺得幾好LOOP,鄭融前一陣子有首《爆》都幾好LOOP的…唱K之選。

雖然話套劇我覺得好悶(但我又繼續睇…),但首歌係幾O的…夠夏天嘛…開開心心咁…

陶吉吉和盧廣仲…完全估佢地唔到,唔知呢,呢隻碟我覺得好有初初聽頭一兩隻碟的清爽感覺,除了盧廣仲,仲有關詩敏和蔡健雅的說…UM…我要再聽熟啲先…

見到蔡健雅即刻諗起佢同張震嶽的《思念是一種病》。中間的碟我都無乜聽,一跳就跳到嚟剛剛出的《我是海雅谷慕》,嘩,再反撲歸真啲添喎,好舒服好舒服,直頭覺得閉上雙眼就有個大海喺眼前咁呀﹗正喎﹗

Last but not least, 我無睇《星夢傳奇》的,只係見咁多人讚就貪得意CLICK吓嚟聽…嘩﹗第一首就係《今日》﹗我好鐘意架嘛﹗「抬頭吧相信愛你便能飛…~~~~~」…忍不住想跟住唱呀﹗ANY肥,佢做了巫啟賢徒弟,出碟在望吧﹗真係「敢交出你會創出傳奇」呀﹗

以上。

6 則留言:

  1. 最近我成日聽巫生首太儍廣東版,其實唔鐘意巫生,不過呢隻歌寫得好,寫中好多點中我心事。

    仲有呂方既你令我快樂過,我真係夠晒老餅。

    香港樂壇已死,新歌都講唔到幾多首,我最新都仲係年少無知同天與地,而家我好憎聽到國語,國語歌dele晒,係仲有首陳希妍同柯生合唱果首,日文歌韓文就好多。

    少時既into the new world最鐘意,d歌詞最有意思,日本d卡通歌又係好正

    by無敵

    回覆刪除
    回覆
    1. RE:無敵

      巫生呢,我好鐘意佢同楊采妮合唱的《愛情來的時候》
      呂方呢,有首《聽不到的說話》和《流浪花》唔知點解我好鐘意的,聽歌係得鐘意同唔鐘意既啫,老餅但首歌好聽咪聽多幾次囉…
      《年少無知》唔覺唔覺都兩年幾前喎﹗我識啲新歌係因為我屋企習慣聽收音機瞓,所以會識到啲新歌,咁啱呢水啲都幾係我心水,咪貼吓出嚟呃吓文咁…
      少時…其實韓文歌我無乜留意歌詞,日文歌我都係靠狂聽嚟聽明歌詞…韓文我唔識…完全唔知佢唱乜,係睇旋律和唱出嚟個FEEL架咋…

      刪除
  2. 好耐冇聽過廣東歌了...聽下你d推介先 :p

    回覆刪除
    回覆
    1. RE:火女
      呢輪好多好聽的…
      一來我仲煲緊安室、某人新碟,跟住煲番INFINITE,張震嶽、陶吉吉和李克人的新碟都不賴,聽到LOOP唔完﹗

      刪除
  3. 更正,係王迪詩…(飄走)

    回覆刪除

要講幾句嗎?﹗XD