《三個特攻美少年》其實係《偉大的隱藏者》

原以為此片是輕輕鬆鬆鄧梓峰的，但原來都幾精神分裂，前段惹笑但後段忽然變咗南北政治片+港式武打片+韓式親情片喎…

<--溫馨的三人組﹗咁，喺香港講南北泡啲恩恩怨怨又係…幾趕客既，但我想話改個名做《三個特攻美少年》都幾趕客，唔係友人話係森動(好啦，是金秀賢…XD)主演的，我隨時skip喎呢個名…咁，我又名既，牌頭是三個令令仔仔的人氣明星，又真係無理由唔拎佢出嚟做賣點既，只是…個名真係好趕客呢…

雖然，唔睇介紹我都唔知乜野叫《偉大的隱藏者》…我唔睇漫畫架嘛﹗

從偉大的豆瓣度搵番漫畫個郁(我估係掛？﹗)…森動個髮型係更土喎(同埋佢無跌膊既？)﹗佢係三個主角中第一個到南泡做間諜的，主打是收集村民的情報…呃，其實條村咁窮，係咪因為要check呀尚九叔所以先特登去呢條村呢？唔通北泡覺得呢條村有乜特別野所以搵完一個又一個落去呢條村？

any肥，成套戲佔上一半都係森動的個人表演，佢演既元流煥/東九既任務係扮傻仔嘛，所以不停係又傻笑唔係又傻笑，跟住成日勁誇地碌落樓梯(好痛﹗)，又俾細佬掉石，又俾人打，跟住國家俾佢既任務…係周不時要當眾大小二便(﹗)，睇住佢邊用傻子腔講野，邊用特務腔(據說，特務腔是北泡口音來的，不過我不懂…)，特務MODE時是冷酷的，兩個反差加埋好好笑，好似啲西洋英雄人物咁無啦啦變身用靈敏身手幫人，跟住有村民出現就CHOK番個傻仔郁出嚟，四川變臉咁快，想唔笑都唔得啦﹗

係啦，條村有啲人雖然成日恰東九，不過(你是估到的)佢地都唔係壞心地，細路會寧願俾東九腸仔都要求佢搵番阿哥(但詭異地東九會戴BRA蒙面搵呢個細路…笑位之一…雖然有啲夾硬…XD)，豐滿到不能的艷女原來有個被送到美國的仔，老闆娘個仔雖然惡死，但原來都暗暗鍚住東九的，呢班SUPPOSE係東九要監視的人TURN OUT變成東九的親朋戚友，不用提原來已經將自己當係仔的老闆娘，最後那本存摺…睇到聞者傷心聽者流淚…

順便講開又講，無啦啦森動剪咗個傻仔頭著番西裝…好違和…好騎呢…

李海浪，扮成想成為歌手的人混入月亮村，那個金毛頭…好俊俊FEEL啊﹗而佢一出場彈的DO RE ME FA…笑死我了…。當東九的真身是CHOK行扮COOL的時候，佢就係成日奸笑攪GAG，一副滿不在乎的樣子…喂，除了眼紋多啲之外，都OK令仔喎﹗

李海真，扮成一個純情高中生，其實無乜角色扮演戲份，比起兩個哥哥，佢一出場就打打殺殺，反而最多開槍既係佢喎﹗

就說這也是部打鬥片啦，啲人唔知點解全部可以好似《臥虎藏龍》咁喺屋頂度飛嚟飛去，而啲赤手對打又好似FING春FEEL…ANY肥，是賞心悅目的，我係想問點解周圍飛但森動對拖鞋都唔甩？同埋佢做掌上壓做到個身可以45度傾(SANTINO？)…我忍不住笑了囉…

後半部其實好苦澀的，三人的秘密部隊(5446？)被國家放棄了，佢地為國家打生打死，為既只係家人安危，但原來自己坎的那天家人就入獄…囧。連場打打殺殺之餘暗藏苦澀，跟前半段笑到甩肺完全兩碼子的事囉。最苦的，是東九知道自己媽媽生存無望，跟住發現一直在身邊好似好信得過的「自己友」尚九先係賤人…

值得一看既，而且應該無《生死諜變》那些咁沉重，以上。