[韓劇]《Highkick3短腿的反擊》一條龍進展良好﹗哈哈哈﹗(完成了﹗)

我竟然連處境劇的汁都撈埋(一條龍的精神就是大無畏乜都挑嘛…)，現在進度是16/123，看來我完成了這部之後，可以挑好多博友大推的《海女》了﹗宮藤桑呀﹗

雖說是123集，但才廿多分鐘一集，感覺比追平時一集70分鐘的好多了﹗

呀，我想話這張poster好泡劇style(這…不就是泡劇了嗎？) 

<--這張又突然變成《盜賊們》了﹗

呢套野的感想就係…堅係好笑喎﹗無無聊聊的(難得地無乜大道理…只有生活的小事兒引發笑料)，仲要加埋啲《EYT》到不能的笑聲(效果就如PPT用掌聲effect)…但我真係笑得出呢吓死嘛﹗輕輕鬆鬆就煲完一集…哈﹗

最《EYT》的是…啲角色名係用番演員本身個名…加番劇入面家庭的姓…um…這讓我想起我好熱愛的電影作品《飛虎雄心之傲氣比天高》裡陳曉東的角色名…就是…陳曉東﹗哈哈哈哈哈﹗我不得不大笑啦﹗

角色設定呢，跟我們的處境劇也相似，大家長得嚟又有啲傻氣既爸爸，惡得嚟但又萬能的媽媽，俾個妹恰的阿哥，男仔頭的阿妹，兩個爆爛gag的舅父，隔離屋是冒失的老師，黑仔的失業大學生，令令女女但cool cool地的高中生…就係圍住兩個家庭發生啲爆笑事。雖然我的看點是某didi(佢最好笑是明明高三，但因為之前係體育專門讀唔好書而被調進阿妹讀的高二…仲要被老師舅父唱佢係成績全校倒數第尾﹗我笑到標眼水呀﹗)…

4/5/14後按：開心大發現﹗原來阿智錫舅父有做《婦產科的女醫生》架喎﹗

呀，阿爸真係好正，呢個大叔係咪走諧星路線既呢？一開始講佢破產俾人追產，跟住佢去美容院拉做緊facial的媽媽、打緊比賽的阿仔、剛喺LA回來的阿女一齊上車走佬，跟住成家無衫換要著阿女行李入面啲衫(阿爸和阿仔著女裝我真係想死呀笑到…)…跟住阿爸話要有警號等大家都知道追債的人來了…個口號係…尹忠信…因為追債的人入面有一個好似尹忠信喎﹗(但我唔知誰是尹忠信…)…哈哈哈﹗最爆係佢避追債的人時想跳上窗走佬，點知跌落地…唔覺意跌穿了地面…跌進了地道…原來小舅子間屋有條地道係戰時整落，可以過隔離屋的說…跟住佢走佬時唔知會穿到去隔離屋嘛…竟然一野衝上去…跟住整到隔離屋在去緊廁所的黑仔女子個pat pat…我笑到呢…

sorry，我係咁話我笑呀呵﹗剛剛睇緊的第16集水晶(阿妹)拍了阿哥(didi)為了求舅父俾電腦佢用而扮BUYIBUYI樣再擺上網，係人見到佢都扮BUYIBUYI…仲爆過前兩集佢周圍俾人唱全校倒數第一…didi個角色又係好正…想型想酷但總係火羅爆的…笑死我…

呀，因為啲角色係用演員自己個名呀，我忽然發現《繼承者們》的寶拉就係阿妹Krystal﹗個角色一樣的巴辣，《HIGHKICK3》佢恰阿哥某碩didi，《繼》佢就恰CNBLUE的敏赫啊﹗跟住呢…演cool cool地的高二生既金智媛一路睇《HIGHKICK3》一路覺得好面善…check一check先發現…佢係《繼》的Rachel呀﹗噢賣葛﹗

Umum，以一日輕輕鬆鬆KO到兩三集的進度，我應該唔使等到2014就可以KO晒成套了？﹗哈哈哈哈﹗
***************************************************
03/05/14後按：

我太料事如神了﹗果然係攪到2014年先完成﹗(4月尾啦﹗)…呢套劇好就好在雖然係有故事線的，但基本上唔睇一輪又唔會影響追看性，笑吓開心吓就一集(重點係啲笑位堅好笑的﹗)，幾好呀﹗

我以為本來主角之間啲感情位都會開花結果的，呢套劇係輕輕鬆鬆架嘛，點知只得一對成真，DIDI和智媛、珍熙跟大舅父、智媛跟大舅父都無成事，更唔好講水晶和承允啦…特別係DIDI和智媛一段好心酸呀﹗個描寫比平時啲迷你劇更細膩，有一刻我真係好想為二人不能走在一起而哭呀…嗚

***************************************************

除了電視劇…DIDI都好多戲上…之前看了兩套…仲有兩套…唔知幾時有得睇…《觀相》係古裝的(這明顯是廢話)…

呀，前幾天看到《NO BREATHING》8分鐘預告…無呀，巧期待之嘛…哈哈哈哈﹗