熱煲系列6b~岡田准兵衛~電影篇

我就說我手痕架啦(儲了三個月喎﹗)，即刻來個下篇…

COSMIC RESCUE（2003年7月11日公開） - 主演・澤田東 役

Hard Luck Hero（2003年秋公開） - 主演・浅井タカシ 役

呢個時候小的正值迷KK迷得最狂熱，幾乎乜野雜誌都會買，對呢兩套戲有啲印象…但…無睇過。呀，有一水成日見到呢兩套戲個名，呀，容許我再講多少少題外話，再前一兩年呢成日見到雜誌講《ネバーランド》套劇，我一路都以為有准一份，但原來係三宅健，再睇原有斗真添喎﹗但咁N年前有無得喺網路度睇得番真係睇運數了。而且…而家睇番當年啲低濛感覺怪怪的…跟住當年個個都奀挑鬼命的…XDDD(某准呢二千年時期好多時都著無袖衫，之後佢大隻咗時上節目反而成日西裝一度咁…噢…)

講多埋一句題外話，某准二千年時期啲金毛呢，好乾好大餅，好似05年之後個長長地又透薄髮腳的黑髮令好多，那水真係好透明感的美少年(即係《戀愛偏差值》、《東京鐵塔》和《フライ,ダディ,フライ》的一水…之後就開始有大叔味了…(<--你不是說電影後感的嗎？拖出去打﹗)

9/3/15後按：只看了一半左右…囧

木更津キャッツアイ 日本シリーズ（2003年11月1日公開） - 主演・ぶっさん（田渕公平） 役

木更津キャッツアイ ワールドシリーズ（2006年10月28日公開）

未睇…sorry…我睇完電視版就停咗了。睇番網上文章說，某准之前演戲/劇的角色大多是行行企企食飯兩味的(都怪佢太令仔了…)…好難得有一套令佢放下偶像包袱，這部也是令佢有信心向俳優方向進發的戲，我係咪應該完整睇晒佢？唔好再掛住翻睇《虎與龍》了？XD

9/3/15後按：前幾天睇晒了…《世界篇》果然是個傷感但不失熱血的完結篇…嗚

東京タワー（2005年1月15日公開） - 主演・小島透 役

睇番時間原來這部戲和《戀愛偏差值》相隔三年，但兩個角色的透明感如出一徹的說。um，點講呢，我係咪又要重覆我還是覺得黑木姨姨和某准係兩母子？(你重覆了)，umum，不為睇偶像，呢套戲其實拍得好美好美，人美景美對白都美，特別係寺島忍跟松本潤在車內擁吻，鏡頭向車頂出去再pan遠，飄雪落下再望住漸漸變小的二人在車內，個畫面美得好似廣告/wallpaper咁呀﹗我係咪又要再講兩條line其實我比較喜歡現實向的寺島忍和松本潤？黑木姨姨和某准的一條線雖然係happy ending，但好似沒有現實向的那條令人抽心…(呀…我不是踩呀﹗哈哈哈哈)

另一個好喜歡的畫面是這個，某准跟黑木姨姨聽完音樂會時遍到初雪，令得真係俾我拎了來做wallpaper…哈哈。看後忍不住買了小說來看…看完唔知又會唔會想再睇多次部戲？(<--會唔會被人覺得我鹹濕架…不不不﹗不是為了某准的一整個背部架﹗不不不不不不﹗)

フライ,ダディ,フライ（2005年7月9日公開） - 主演・朴舜臣 役

唔計令我無啦啦飯上某准的《永遠的零》，一口氣喪睇的電影當中最喜歡就數樓上的《東京鐵塔》和這部《Fly Daddy Fly》。戲本身是女兒被恰，想幫佢出一口氣的中年上班族大叔喺一班怪怪地既高中生度學武然後成功達成目的的夏天熱血故事，真係好熱血，睇得人好開心。

不過小的著眼既係全套戲都只穿背心的某准某准 x 堤真一 x 金城一紀呢個組合，原來《SP》之前已經有架啦﹗跟住我睇的時候奇怪點解某准個角色係韓國人名，原來金城一紀係日韓混血兒，佢N年前的《GO》係講在日韓人的野，跟住呢套《Fly》本身喺舜臣度都有在日韓人的著墨，但到套戲時就無咗了…噢，所以我決定研究吓﹗…因為呢…本身網上搵到的片源係無字幕…跟住搵唔到台版只能看日版…跟住用我估估吓的日文去估估吓啲劇情…唔…可能我會miss咗啲劇情…看來要再看多次…XD

9/3/15後按：這部我看了一千五百幾次…估唔到的是這套跟《東京鐵塔》疊住拍…某准handle到兩個南轅北徹的角色…巧勁呀﹗

Hold Up Down（2005年10月28日公開） -主演・沢村光一 役

不知道是甚麼…

花よりもなほ（2006年6月3日公開） - 主演・青木宗左衛門 役

呢套號稱對復仇作出反思的電影呢，想睇但一路搵唔到碟，奇情地在執野時竟然喺我堆VCD度搵到喎﹗但就因為係VCD，又濛又黑又盛，看到好想瞓覺…雖然是枝裕和的戲我覺得是好看的…

陰日向に咲く（2008年1月26日公開） - 主演・シンヤ 役

呢套喺影音店唔覺意發現，格式係日影好鐘意的幾個小故事穿插在一起，可以係有關係又可以係無的，平凡小故事之後會有啲溫心message咁。結局就係…確係幾溫心…但…我期待已久的西田叔叔跟某准同場要等到最後呢…囧﹗

おと・な・り（2009年5月30日公開） - 主演・野島聡 役

我發現我認人障礙越來越嚴重，麻生久美子我係睇完成集《小原別哭》都唔認得的(我只記得條魚糕，最近有759有得賣…XDDDD)。Any肥，這部戲係輕輕淡淡的，男女主角係無正式見過面(直到最後一場)，作為隔離鄰舍透過一boom牆聽到對方做既野好似update緊咁，跟住慢慢連上了咁。成套戲男女角都係你有你做我有我做的，於是我搵到網上片源係無字幕的都ok跟到。不過這都不重要，我想話之前見到(右邊)的寫真書…啲相巧令令…我話某准影嗰啲呀~~~~

SP THE MOTION PICTURE「野望篇」（2010年10月30日公開）- 主演・井上薫 役

SP THE MOTION PICTURE「革命篇」（2011年3月12日公開）

不重覆了，只能說睇埋幕後花絮後先睇呢部戲，台前幕後所花的心力遠超我想像…好勁﹗(某人打到拎埋老師資格…癲的…)

《SP》~野望篇及革命篇

天地明察（2012年9月15日公開） - 主演・安井算哲/渋川春海 役

又是一個熱血的故事，可說是《舟を編む》(編舟記/字裡人間)的古裝版，跟住女主宮崎葵的角色又是一個餅印，似到呢…然後有好耐無見的小師弟橫山裕和《木更津》的佐藤隆太。但在某中原著小說毒異常深的博友介紹之下…原來電影版將很多原著細節都省略了…令到成品出來很奇怪(包括我很在意的突然月代頭)…雖然呢套戲係大收的…然後又出了個不倫戀的傳聞…又令某准能否擔起大河劇成疑…

図書館戦争 (2013年4月27日公開） - 主演・堂上篤 役

在飛機上睇了大半，然後在影碟店度睇埋另一半，um，雖然說某准係被認為演魔鬼教官最佳人選，但我其實唔太投入到睇呢套戲…呃…又雖然呢套戲又係一套大收…

永遠の0（2013年12月21日公開） - 主演・宮部久蔵 役

我有多喜歡呢套戲不用說了吧﹗我覺得呢本小說係掉番轉，書的內容超多超煩的，套戲就cut得剛剛好…

另，三大可愛後輩染谷將太…真係好可愛…哈哈哈(原來佢就係《天地明察》個將軍…)

讀書報告＃26～《永遠の0》~愛與夢飛行

蜩ノ記（2014年10月4日公開） - 主演・檀野庄三郎 役

書已經睇緊啦…努力努力~~~

成功爭取：《蜩ノ記》、《近距離戀愛》
*******************************************************

噢耶﹗完成﹗