[日劇]《預告犯-THE PAIN-》、《OO妻》、《危機之神》

我竟然在喪睇東山大叔﹗哈哈哈…我怕我好快就會搵番N年前的《The Chef》(連個譯名和內容都唔記得…)和佢老哥套大河劇出嚟睇…

《預告犯-THE PAIN-》：是咁的，因為六月尾去了轉名古屋但沒看得成斗真同學的《預告犯》，內心失落時發現同步有東山大叔主演的電視劇版…殺啦﹗而呢套電視劇得5集，係電影版一年後發生既事，除了同樣有戶田惠梨香演既刑警串連外其實唔太關事…咁…都係用報紙笠頭都關既…我無睇漫畫唔知頭唔知路啦，唔知套劇跟漫畫有沒有關係…一開始是為桐谷健太演的水谷洗冤，then之後兩集都有兩個無嚟啦肺的人被公審，一路睇一路好有興趣為何阿佐久間(東山大叔)審得咁有紋有路…原來佢係法官﹗(囧﹗)…then以為佢拉出嚟公審的人係隨機啦…原來係有關連…個plot去到尾兩集就爆啦…原來為了十幾廿年前的冤案…(呢個時候諗起《SP》的尾形…日劇好鐘意因為當時伸張唔到公義，於是就潛伏十幾廿年等一次過復仇的說…)

我想話呢，東山大叔既演出方法好舞台劇，集集佢都要講大段道理，啲抑揚頓挫好好聽(無視內容)…然後佢不停使出J+步(明明好正經地喺法院度行都會睇到忍唔住笑)…大結局時個對決已經分唔到係浮誇定乜啦…總之…um，係個好的發現…XD…

然後我忍唔住狂睇其他，發現…東山叔無轉髮型…佢一定好忙啦(要搵奶粉錢…)囧﹗(不過比起井之原爸爸又瘦又乾，東山叔拍劇拍得密但還是風采依然呀~)
******************************************************

《OO妻》：(上兩圖係我笑得最大聲的一幕…)我見好多人都爆鬧，但不看白不看，東山大叔+柴崎幸，又有《家政婦三田》的班底(雖然我不特別愛這套劇)，看了少少，柴姐演的光無所不能又成日詭異地好似識讀心咁隨傳隨到，勁似三田，好恐怖。然後東山大叔演的久保田正純工作時係一臉正氣的新聞主播，但返到屋企成個細路咁要靠老婆打點，好好笑…又真係有少少惠一爸爸的影子(呀﹗我竟然記得爸爸叫惠一…那水我幾鐘意睇長谷川博己的說)

我想話…又有plot呀﹗(剛剛看到第6集…爆咗出嚟了…仲有4集先埋尾喎﹗)

死啦，我見網上風評都說正純大男人衰衰衰衰盛盛盛，我覺得佢好cute呀…雖然成日鬧板垣(城田優，佢又係一出就幾乎有笑點)，雖然佢又真係幾當光係工人，但對住個合同妻，心理又真係幾難平衡架喎…

then不能不提是出了一千次的廣告主角鈴木福，同埋騷到不行的光媽黑木姨姨，佢做光既阿媽係ok既(柴姐既角色應該係30出頭)，以佢當年可以喺《オヤジィ》度演水野美紀媽媽(睇番黑木姨係大水野16年，廣末和准一同年而黑木姨姨大佢地廿年，又真係生得出呢三個仔女的說…雖然我成日覺得好神奇)，最奇妙既係今次東山大叔比黑木姨小6歲但做佢女婿…(sorry，我又狂計數了)…而呢個騷入骨的媽媽係沒男人會死的(我諗起《瑪麗二叔公》的無缺媽添)…同《官兵衛》入面寧寧夫人又另一個樣…太神了吧﹗

仲有3集…我要加油啊﹗呀…我有無講其實同時我係追緊on檔的《刑事七人組》呀~東山叔又係呢個髮型…又係有一點萌樣…哈哈…而佢又係有一段不講出嚟的過去…係咪而家日劇無過去就成唔到劇本呢…囧

^其實…我有一刻係想開《美食偵探》來看的…看來我已經成為東山大叔劇迷…XD

******************************************************************

《危機之神》：又是大叔﹗今回是堤真一大叔，加上我本身頗喜歡的戶田(佢堅係太瘦了…不好看…不過演技上佢要做個事業型女子，佢係做得出呢種感覺既)，之後再有埋見親佢都想笑的森田剛(呀﹗某准加堤叔就是《SP》了﹗)…本身好期待的…但看了3集有點失望，東山叔的《刑事七人組》好似更好睇呀﹗

咁危機之神嘛，每集就係解決危機啦，本身我以為係freelance咁周圍同人解謎，點知係司內inhouse危急應變組，都ok啦，大機構有呢啲組都正常既，但呢家公司三不時五天就有危機，然後個危機處理組集集都係叫人開記者會謝罪，then就說危機既野只能盡力應對，輸少當嬴咁啦…吓…神在那裡呢…

堤叔講佢係美國回流的精英，集集個尾都會同阿爸看海，佢既過去應該都係一個plot…硬覺得佢其實係尾形，返嚟係要向Sunrise報仇呢？

又說吉田鋼太郎大叔喺《危機》做社長，喺《刑事七人組》做捜査一課12係長，我好亂呀﹗~~~~

講起東山叔的《刑事七人組》(我不停講)，嚟緊有KT團的中丸客串…一條屍體…笑死我…其實呢套劇啲查案套路比《危機》解決危機更靠譜，真的。

21/09/2015後按：睇完結局…就是…很雷…

******************************************************************

唔覺意開咗今年春天的《世界奇妙物語》來看，原來是25周年搵咗唔同既漫畫家crossover，幾個故事都很不錯，最深印象梗係《海賊王》x阿部寬(又係大叔﹗)

最後…呢水太掛住迷V團完全忽略K團，要搵番佢地啲舊野嚟欣賞先~~~呵…

閃。