2015/11/29

[日劇]10年自high系列~《たったひとつの恋》

其實我之前已經極速翻煲咗《龍櫻》(then在《朝5晚9》((朝定晚呀?))見到山p和紗榮子又是一個莫明感概),當年我們說的新生代已經奔三了…嗚…

Any肥,重溫這部就是因為…呢水太多關於KT團的東東,忽然好想睇番…

然後,我發現演菜緒的爸爸…竟然係唱《同一屋簷下》主題曲的財津和夫﹗好驚喎﹗

話說因為這部劇令我好想去橫濱看一看…然後…得到的…俊男美女就無啦,一身大汗囉得……

原來這部是接《My Boss My Hero》檔的,所以總覺得甲其實係真喜男的可愛小跟班…或者因為同團的龜梨做緊男角要無敵耍帥,跟住又有例的溫柔男二平岡祐太,所以剩番的就係攪吓笑無聊吓咁。而我跟彈幕的朋友一樣…以為溫柔女二裕子(戶田惠梨香)會跟亞裕太(平岡祐太)一齊的說…

好多彈幕都說係回顧…仲要係11月回顧(係退團之前既)…大家都好懷念龜梨先生美如畫(不過太瘦了)的畫風嘛…同埋大家好熱心研究佢老哥食煙的手勢(其實《沒有天使的街角》時大家都有熱烈討論…現實中光王應該係有食既,不過佢急急吐霧應該係因為要講對白多過唔識食囉)

KT團人面全非當然感概,另一感概就係當年圓面但睇落舒服可愛的戶田妹妹,而家得番棚骨…囧。睇番呢,角色設定菜緒(綾瀨遙)和裕子都係千金小姐,佢地啲衫幾乎無乜重覆過…原來連手袋都係…一出場裕子就拎Gucci,之後party時菜緒話佢唔見咗個香奈兒…雖然…搵到的那個似女人街既廿蚊個手作仔手袋多啲…但…服裝細節真係好用心…

萬年最愛的一幕(讓我回帶)…真係爆似《蘿蔔歐與豬麗葉後現代激情篇》個魚缸…

<--原來呢句對白第一集已經有…然後搵隱形眼鏡…點搵呀大佬…
呢套真係堅抽旅遊雜誌,影到橫濱勁令…然後…原來這裡地方勁大…會行到腳軟的…



 <--又原來…佢地仲有去江之島的說﹗完全唔記得…

好啦…雖然我常說《白夜行》被遙妹的演技震撼了,但睇番佢呢套演天真可愛大小姐,啲喊戲好唔得(就是鴨咀然後bit眼淚…)…啲笑好似影硬照咁款…哈哈哈,我mean咗啦…至於弘人(彈幕友係咁叫佢黑駱駝…諗咗勁耐先明…),啲J家步 chok到木村大神都認輸…然後龜梨當年真係太瘦…攪到遙妹肥斯大隻咁,有一幕菜緒被弘人講笑發嬲一手推開弘人,而弘人成個被推到彈開兩個身位再跌落地時…我笑咗…哈哈哈﹗其實弘人啲悲慘身世但仍然對工廠和家人不離不棄再睇都係動容的,不過有啲懶係要令人感動的位我會發笑…例如佢一手拎住山下把刀叫佢唔好再攪菜緒時…用意何在呢?弘人赤手拎住把刀成手血又有乜好驚…驚到山下要即刻跑住走…癡的嗎…

當年呢,呢套野大家都好驚係絕世大悲劇,女既有絕症男既身世慘到無朋友,據說是因為北川姨姨都好鐘意龜梨小朋友所以度身訂做俾佢既…不過我個人鐘意佢做啲輕輕鬆鬆既,《一磅之福音》呀《東京風潮》(<--這套一路都想睇的…原來井之原爸爸有客串)那些好過佢成日一副chok樣(雖然不住的回帶…真心美如畫…當年後生啲皮膚又好啲)…

然後,女二的戶田好快就升咗上升一…但要潤和平岡就連配角都好似越來越少了?點解既點解既?

雖然看出很多雜質,但還是很感動…還是覺得很好睇…我癡了(兩天看完10集…哈)…哈哈哈…

Last but not least,有人說龜梨成日演窮人,船廠工人都做了三次,一次呢套一次舞台劇一次係《第二春》…有人話《第二春》個船廠就係《唯愛》裡的那個…哎…咁驚?我要再睇多次今天不用手了…

最後我發現很癲的事是…弘人間船廠係有得去架﹗﹗﹗﹗(但聽聞唔係拆咗咩?)…攪到我好想去呀﹗

自high系列下一部:溫柔時光
(田中圭係送貨小弟﹗﹗﹗﹗﹗﹗)

08/04/2016後按:我真係去咗參觀船廠呀﹗哈哈哈﹗
新春東京遊(2)+10年自high系列~シーサイド造船所

沒有留言:

張貼留言

要講幾句嗎?﹗XD