2015/11/17

[港劇]TVB邁步向前節目巡禮2016

其實除了食飯之外我唔會特別坐低睇TBB的了,然後要諗對上一套真係由頭睇到尾的…呃…我諗起的…是…四年前的《洪武三十二》和《真相》了…囧(其實《天與地》我都無完整睇晒…)any肥,每年睇節目巡禮都係一個樂趣…

睇吓有幾精彩嘛﹗哈
(唉呀…原來我無寫上年的…斷咗一年添﹗)

資料來自維基…(前幾年我仲有heart地坐低jot架﹗而家梗係唔會啦…)

睇完,我覺得力捧的不是蔡思貝或陳凱琳,係煒哥呀﹗(佢而家兩線劇都有份唔夠癲呀﹗)

《一屋老友記》    歐陽震華、胡定欣、胡 楓、羅 蘭、滕麗名       
以靈異、奇幻、輕鬆的手法,道出現代人為口奔馳,而忘記親情可貴的唏噓。一對熱心助人的開心鬼,用神奇的力量,協助能見鬼的大哥,為弟妹遮風擋雨,用愛緊扣一家人。一個又驚又喜、有笑有淚的治癒系溫情喜劇。

歐陽波比同胡定欣呢個組合都ok,如果係食飯時送飯都唔錯…但又唔會特別追囉…btw,出年係小的極度熱愛既《緝私群英》20年…我要翻看來回味一吓…XDDDD…當年仲係slim的波比哥

《律政強人》        方中信、廖啟智、李佳芯、曹永廉、郭少芸、黃智雯   
張強,是法庭內外均為人所知的不敗律師,為了攫取更大利益,加入香港最大的華資事務所。劉謹昌,為人深沉內斂,身為事務所的執行合夥人,克盡己責,暗中培植勢力,目標指向事務所最高位置。事務所股東會主席從缺,為爭主席之位,二人鬥過你死我活!

智叔和港版李蔡基爾﹗雖則無記啲劇亂嚟,不過警匪和律政都仲ok…但都係那句,食飯時見到可以看看…(呀…我好懷念《壹號皇庭》呀﹗)

《來自喵喵星的妳》    陳 豪、田蕊妮、胡定欣、朱咪咪   
2015年,《鬼同你OT》以科學化腦電波解釋鬼魂的存在,以風趣惹笑的喜劇模式,展示出一出成功的人鬼三角戀喜劇,深受香港觀眾歡迎。今日,我們再以《鬼同你OT》台前幕後原班人馬,炮製出全新的爆笑喜劇《來自喵喵星的妳》。以半科學化解釋喵星人來到地球,繼而和地球人爆發連串驚喜的故事。

跟《來自星星的你》有關係嘛?但睇落個故仔好似幾好笑…然後…陳豪會包住毛巾沖涼嗎?

《使徒行者2     佘詩曼、苗僑偉、陳敏之、江美儀、許紹雄
第一套好似去沖涼時行出行入唔覺意睇過吓…只記得最後蛇視后拎咗視后…then…乜都唔記得了…

《火線下的江湖大佬》        鄭則士、陳煒、黃光亮及苑瓊丹
江湖,是黑道人物必須之地......過氣大佬鄭則士退下火線經營街坊食店,好兄弟黃光亮出獄後卻誓要東山再起!劇集將會以輕鬆搞笑的方法,希望能帶出守望相助,仗義每多屠狗輩的正面訊息,令觀眾看得輕鬆過癮。       

嘩﹗件事好亞記呀個卡士…做乜套套都係輕鬆攪笑…then呢套個feel都好係830食飯時播的款…

《巨輪II     蕭正楠、田蕊妮、陳展鵬、阮兆祥、陳凱琳、鍾嘉欣、梁琤及吳岱融(陳展鵬及鍾嘉欣特別演出)
『澳門買手信,我只買羅信記』羅威信(蕭正楠飾)與姚文英(田蕊妮飾)為求突破,遠赴日本沖繩,找尋優質食材。競爭對手惡意的攻擊,羅威信、姚文英面對抉擇,要堅守原則?還是以非常手段,逆境求存?一場挑戰又再展開……

噢…蕭公子擔正了…不過第一套我睇了少少就無睇…哈哈…

《城寨英雄》        陳展鵬、胡定欣、袁偉豪、劉佩玥、伍允龍、王君馨及元秋
故事背景以五十年代至六十年代的九龍寨城為主的懷舊功夫電視劇

懷舊功夫…件事好詭異…然後我記得n年前節目巡禮有套講城寨的時裝劇,好似有羅家良做牙醫甚麼的…但最後無拍出嚟令我好失望…然後,真係會搭個景出嚟嘛?定係又用番民初街呢?

《味想天開》        洪永城、蔡思貝、黃子恆、朱晨麗及何雁詩
朝廷頒授金蓮花,是頂級食肆的象徽,擁有它便擁有金錢、名譽、地位。他,是天生擁有金舌頭的地獄食評家;他,是備受追捧的明星廚聖。兩人是敵亦是友,兄弟互鬥廚藝,以「味」分高下……

嘩﹗好悶呀…又係煮野食同又鬥…

《末代御醫》        郭晉安、楊怡、敖嘉年、羅蘭及賈曉晨
聖羅蘭做慈禧太后喎﹗then…um,我有啲怕咗楊視后…個鼻…

《純熟意外》        吳啟華、蔡思貝、李施嬅及黎諾懿
一場「意外」,父親被迫離開女兒,亦因為一連串「意外」,讓這對父女的命運再次連在一起。「意外」究竟是單純的巧合,還是一場經過精心安排的驚世陰謀?

個plot好熟…但又唔記得係邊套劇…

《潮流教主》        陳豪、蔡思貝及羅仲謙
故事背景以時裝雜誌社為題的時裝都市喜劇電視劇

好在話係喜劇咋,唔係我會以為係《First Class》的香港版…

《哪吒與楊戩》    王祖藍、鍾嘉欣、高雲翔、羅家英及林子聰
王晶繼《風雲天地》後再與TVB合作

嘩…可以skip啦…

《警犬巴打》        黃宗澤、鍾嘉欣、黃浩然、朱千雪、古明華及梁烈唯
skip-able啦…

《愛情食物鏈》    阮小儀、金剛、陳智燊及高海寧
??????

EU超時任務》   王浩信、朱千雪及袁偉豪
「超時」代表穿越時空,是無綫電視首部以超時空為題材的電視劇

我以為係《衝鋒隊之怒火街頭》啲朋友…超時空又同穿越有乜分別?

《實習天使》洪永城、岑麗香、單立文、姚子羚及陳煒
skip-able啦…(14/12/15後按:而家播緊啦喎﹗)
*****************************************************
好乏呀…好乏呀…好乏呀…
(重要的事要講三次…囧)

以上。

4 則留言:

  1. 我仲以為智叔離開咗無記添。睇得多男親女愛好掛住菀瓊丹。使徒行者ok架,但續集好難講……

    回覆刪除
    回覆
    1. 我諗係有啱劇先接…自由身的吧…
      《使徒》我行出行入時lap到吓…無認真睇…XD…

      刪除
  2. 我仲以為智叔離開咗無記添。睇得多男親女愛好掛住菀瓊丹。使徒行者ok架,但續集好難講……

    回覆刪除

要講幾句嗎?﹗XD