世界盃之歌~

其實我仲沉醉緊4年前既意粉隊神奇奪冠美夢之中…time flies.....

新一屆南非世界盃已經殺到埋身了…

和上一屆一樣來一篇事前碎碎唸。其實只從英超去咗「現在台」之後我就很少睇波(英超時間最好，不用捱夜嘛﹗我最愛的意甲成日半夜三更…唔使瞓咩？﹗)，只有在大賽時先睇一吓…現下公私兩忙，連煲劇都可以煲足三個月都未完到一套(我睇《滿清十三皇朝》睇咗幾個月都仲係努爾哈赤緊﹗哈哈)，我識既球星又退既退，落選既落選…哈，究竟我會睇到幾多場呢？﹗

btw，上面首《Wavin' Flag》我係完全未聽過，只係search出嚟貼一貼而已…很沒誠意…哈。

力奇馬丁既《生命之盃》。98年這一屆我睇得好兇，阿茂阿壽既賽事都睇得一餐(得閒嘛當年…)，好在我有睇咋﹗我的永遠no.1球星飛佛巴治奧最後一次亮相世盃…嗚…可惜給法蘭西隊踢走…好在06年報番仇﹗yeah~~~~~~(法粉勿打我…意粉就係我﹗哈)…

又係98年，因為太得閒，李生這首歌都lun埋，教曉我好多球星名架﹗撈埋國歌啲「起來…起來…起來…」幾係有條勢…。又說當年，除了這首歌，睇甘小文《至goal無敵》又係學好多球星名，仲知番好多球星故事…如…簡東拿飛腳…從此我睇《傳奇女皇》見到佢就想笑…

BTW，阿李生開幕那個橙色捲捲頭真係超恐怖﹗

講到第一首我有印象既歌…哈哈哈﹗係呢首：倫伯的《理想與和平》。search番先知原曲《To be number one》係90年主題曲…在偉大的意大利舉行啊﹗又係後來先睇番，巴治奧先生在這一屆表現很神勇的說。

以歌論歌我好喜歡02年這首《Let's get together now》，同聲同氣嘛﹗(好了…我又在扮日本人了…呵呵…)，不過那年意粉隊既表演真係唔好睇…把鬼﹗而那一年開始，我的敵人除了法蘭西隊仲多了個南韓…嗚…

*****************************************************
仲有兩日﹗(其實我都不投入…扮乜鬼滿心期待…哈哈…)喺開始之前不如回味吓上屆先啦： 世盃難忘片段

作為無敵燈神的我先來估一吓…以世屆一次歐洲一次non歐洲國家奪冠既邪爆往例而言，今年一定係non歐洲國家拎的﹗我估…阿根庭﹗純粹係估…因為又巴西拎好悶囉﹗(9/3/12後按：紀錄果然係用嚟破的﹗竟然係鬥牛隊拎冠軍喎﹗)

以上~~~~