2017/01/27

[日劇]《四重奏》前奏:《Woman》

是咁的,《四重奏》開播嘛,小秘書高橋一生上節目時說到《四》同劇的滿島光和編劇坂元裕二有份的《Woman》係佢既事業轉捩點,咁我就好快手貢補一補元啦⋯

好在我成功爭取喺新年前完成啫,喊到嘔飯啊﹗然後小秘書演的醫生戲份其實唔多,但佢一出場就有個歡樂⋯

  • 睇彈幕好多人係《對不起青春》後補光妹呢套《女人》(直譯真方便),兩個角色真係連唔上線到一個點
  • 《女人》入面的小春真係慘到一個點,細個媽媽離家出走,18歲喪父,兩年後認識老公阿信(小栗旬﹗)之後生咗兩個小朋友,但好景不常4年後老公因為疑似癡漢事件同時不知何解地墜軌身亡,小春靠一人之力打幾份工養仔女⋯佢學歷唔高收入就梗係唔高,而且因為小朋友細有乜事要請假就直頭可以請長假,吃力到不行
  • 諗起之前睇過本書說在職貧窮,特別係女人的⋯劇中小春老死亞紀都有講,單親媽媽狀只會差下去,出路一係賣春⋯一係再婚⋯同本書講既不謀而合
  • 都未夠慘,小朋友獨留在家被鄰居投訴,然後申請社會援助又因為有阿娘,而阿娘明明廿年無接觸但又填肯支援小春一家,於是申請唔到真係慘到呢⋯
  • 唔好再講之後小春證實有白血病⋯囧
  • 啲劇情狗血到不行,好多集都係甜蜜阿信回憶片段對照小春孤苦瘦小慘況,哭到我都唔記得喊咗幾多集⋯嗚
  • 但編劇又好神,喺小春走投無路之下開始搵番阿娘和她一家,阿信的死因、媽媽離家的原因、阿妹的心結一個一個的解開,慢慢有番希望了⋯
  • 最神的是,阿信之所以去搵小春娘家就是見完自己媽媽,小春和阿信兩個童年都慘慘豬到不行呢
  • 話說演小春阿娘的田中裕子最出神作梗係《阿信》,然後小栗個角色又叫阿信⋯好出戲⋯
  • 話說媽媽因為小春爸爸家暴忍無可忍先拋夫棄女,小春同佢因為魚片(?)炒飯吵到阿爸係衰人的真相,加埋媽媽塞錢俾小春但小春死唔要最後大叫「唔要呀~」,光妹啲爆發力好勁,在大前輩前完全不怯場,好可怕~
  • 演望海和陸兩個子役又係好勁,望海俾人用口香糖整到一頭都係攪到要剪頭髮,那個傷心的樣⋯梨央妹妹啲戲又係好勁,係覺得望海呢個妹妹唔止敏感,直頭早熟,完全係小朋友身大人心喔
  • 陸DIDI一開始成日前俾老師說佢唔出聲,幾驚佢真係自閉症⋯小春已經夠慘架啦。然後有一幕小春掛住鬧望海無睇到在BB車上的陸,直到架車俾人撞落樓梯追都追唔到,真係嚇到癲,好在最後陸原來一早落咗地行,得架吉車跌落去⋯真係嚇死
  • 呢套劇啲男角好多都係暖男,阿信總是給小春希望,後父小林薰更一心拉攏小春母女和好,又幫佢湊兩個小朋友,再幫個細女(二階堂富美)解心結⋯真係好到無人有﹗
  • 小秘書醫生的研修醫生屬下(山本美月)老公就係市役所幫手處理小春個案的公務員,THEN佢地個仔又咁啱係陸個同學,個世界又會咁細﹗
  • 小秘書醫生原來因為之前老婆得了小春一樣的病,因為搵唔到適合骨髓而失救,所以佢好落力鼓勵小春為了生存要搵媽媽做測試⋯
  • 最後阿妹TEST到合適時,突然間唔講對白而用BGM BACK住小秘書、媽媽和阿妹開心而失控的行為,特別係小秘書醫生拎住啲報告開心到張櫈向後跌⋯你無跌親個腦吧﹗
  • 以上啲角色大家對母親角色都有唔同演繹,最衰其實唔係小春媽媽,係阿信媽媽啊,點估到丫
  • 好在結局係好既啫,真係慘足好多集
  • 媽媽真係好偉大
  • 據說《Mother》更慘情⋯

2 則留言:

  1. 仔自閉到明明預告有出,最尾無咗,可能慘得濟cut咗。

    回覆刪除
    回覆
    1. 好似《唯愛》咁本來女主係會血癌復發但後尾變咗大團圓…
      都好既,已經夠慘唔好再整多樣啦…
      陸didi成日神回覆好好笑

      刪除

要講幾句嗎?﹗XD